مۇسانىڭ 3-جازباسى
26 وزدەرىڭە ەش پايداسى جوق پۇتتار جاساماڭدار+، قاشالعان ٴمۇسىن+ نە تاس باعانا تۇرعىزباڭدار، سونداي-اق تۇراتىن جەرلەرىڭدە سۋرەت سالىنعان تاس ورناتىپ+، وعان تابىنباڭدار+. ويتكەنى مەن سەندەردىڭ قۇدايلارىڭ ەحوبامىن. 2 مەن ورناتقان دەمالىس كۇنىن ۇستانىپ، قاسيەتتى ورنىمدى قاستەرلەڭدەر. مەن ەحوبامىن.
3 ەگەر جارلىقتارىما ساي ٶمىر ٴسۇرىپ، زاڭدارىمدى ۇستانىپ+، ولاردى ورىنداساڭدار، 4 مەزگىلىندە مولىنان جاۋىن جاۋدىرامىن+، سوندا جەرلەرىڭ ٶنىم+، دالاداعى اعاشتارىڭ جەمىس بەرەتىن بولادى. 5 ٶنىمنىڭ مول بولعانى سونشا — استىقتارىڭدى ٴجۇزىم جيناعانعا دەيىن باستىراسىڭدار، ال جۇزىمدەرىڭدى تۇقىم سەبەتىن كەزگە دەيىن تەرەسىڭدەر. تويعاندارىڭشا نان جەپ، ەلدەرىڭدە قاۋىپسىز ٶمىر سۇرەسىڭدەر+. 6 ەلدەرىڭدە تىنىشتىق ورناتامىن+، سوندا توسەكتەرىڭدە ەش قورقىنىشسىز جاتاسىڭدار+. جەرلەرىڭنەن جىرتقىش اڭداردى قۋامىن، سەندەرگە قارسى ەشكىم سەمسەر كوتەرمەيتىن بولادى. 7 جاۋلارىڭدى وكشەلەي قۋىپ، سەمسەرمەن قىرىپ سالاسىڭدار. 8 بەسەۋىڭ — ٴجۇزدىڭ، ال ٴجۇزىڭ — ون مىڭنىڭ سوڭىنا ٴتۇسىپ قۋاسىڭدار. جاۋلارىڭ كوز الدارىڭدا سەمسەردىڭ جۇزىنەن قىرىلادى+.
9 شاپاعاتىمدى ٴتۇسىرىپ، سەندەردى ٷبىرلى-ٴشۇبىرلى ەتىپ كوبەيتەمىن+، سەندەرمەن جاساسقان كەلىسىمىمدى ورىندايمىن+. 10 وتكەن جىلعى استىقتى جەپ بىتپەي جاتىپ، جاڭا ورعان ەگىندى قويمالارىڭا قۇيۋ ٷشىن، ەسكىسىن شىعارىپ تاستايسىڭدار. 11 ورتالارىڭا شاتىرىمدى تىگەمىن+، مەن سەندەردەن باس تارتپايمىن. 12 ارالارىڭدا ٴجۇرىپ، قۇدايلارىڭ بولامىن+، ال سەندەر مەنىڭ حالقىم بولاسىڭدار+. 13 مەن قۇدايلارىڭ ەحوبامىن، سەندەردى قۇلدىقتان بوساتىپ، مىسىردان الىپ شىقتىم. ەڭسەلەرىڭدى كوتەرىپ جۇرۋلەرىڭ ٷشىن مويىنتۇرىقتارىڭدى* سىندىردىم.
14 الايدا ماعان قۇلاق اسپاي، وسى زاڭدارىمنىڭ بارلىعىن ورىنداماساڭدار+، 15 جارلىقتارىمنان باس تارتساڭدار+، شەشىمدەرىمدى جەك كورىپ، بۇيرىقتارىمنىڭ ەشقايسىسىنا مويىنسۇنباساڭدار، وسىلايشا كەلىسىمىمدى بۇزساڭدار+، 16 وندا ٶزىم سەندەردى بىلاي جازالايمىن: قاسىرەت شەگەسىڭدەر، وكپە اۋرۋىنا ۇشىرايسىڭدار، ىستىقتارىڭ كوتەرىلەدى، بۇدان كوزدەرىڭ تۇماندانىپ، بويلارىڭنان كۇش-قۋات كەتەدى. بەكەرگە ەگىن ەگەسىڭدەر، ويتكەنى ونى جاۋلارىڭ ازىق ەتەدى+. 17 سەندەرگە قارسى شىعامىن، سوندا جاۋلارىڭنان كۇيرەي جەڭىلەسىڭدەر+. وزدەرىڭدى جەك كورەتىندەردىڭ ەزگىسىنە قالاسىڭدار+، ەشكىم قۋماسا دا، تۇرا قاشاسىڭدار+.
18 وسىدان كەيىن ماعان قۇلاق اسپاساڭدار، كۇنالارىڭ ٷشىن جەتى ەسە قاتتى جازالايمىن. 19 قىڭىر كوكىرەكتەرىڭدى باسىپ، اسپاندارىڭدى تەمىردەي+، جەرلەرىڭدى مىستاي قىلىپ تاستايمىن. 20 كۇشتەرىڭدى بوسقا سارپ ەتەسىڭدەر، ويتكەنى جەرلەرىڭ ٶنىم، دالاداعى اعاشتارىڭ جەمىس بەرمەيتىن بولادى+.
21 سوندا دا مەنى تىڭداۋدان باس تارتىپ، ماعان قارسى شىعۋدى قويماساڭدار، كۇنالارىڭا قاراي جەتى ەسە جازالايمىن. 22 سەندەرگە دالانىڭ جابايى اڭدارىن جىبەرەمىن+، ولار بالا-شاعاڭنان ايىرىپ+، مالدارىڭدى قىرىپ كەتەدى. سوندا ارالارىڭ سيرەپ، جولدارىڭ قاڭىراپ بوس قالادى+.
23 وسىدان كەيىن دە تۇزەتۋلەرىمە كونبەي+، ماعان قارسى شىعۋدى قويماساڭدار، 24 مەن دە سەندەرگە قارسى شىعىپ، كۇنالارىڭ ٷشىن جازالارىڭدى جەتى ەسە كوبەيتەمىن. 25 مەنىمەن جاساسقان كەلىسىمدى بۇزعاندارىڭنىڭ قارىمتاسىن سەمسەرمەن قايتارامىن+. قالالارىڭا قاشىپ تىعىلساڭدار، ىندەت جىبەرىپ+، جاۋلارىڭنىڭ قولىنا ۇستاپ بەرەمىن+. 26 سەندەردى نانعا جارىمايتىن كۇيگە جەتكىزەمىن*+، سوندا ون ايەل نانىن ٴبىر-اق تاندىرعا جاۋىپ، ونى سەندەرگە ولشەپ بەرەدى+. سوندىقتان نان جەسەڭدەر دە، قارىندارىڭ تويمايتىن بولادى+.
27 بۇدان كەيىن دە ماعان قۇلاق اسپاي، قارسى شىعا بەرسەڭدەر، 28 مەن سەندەرگە ودان بەتەر قارسى شىعىپ+، كۇنالارىڭ ٷشىن جەتى ەسە قاتتى جازالايمىن. 29 ۇلدارىڭ مەن قىزدارىڭنىڭ ەتىن جەيتىن بولاسىڭدار+. 30 مەن قاسيەتتى توبەلەرىڭدى جەرمەن-جەكسەن ەتىپ+، حوش ٴيىستى زاتتار تۇتەتەتىن ورىندارىڭدى قيراتىپ، مايىتتەرىڭدى جانسىز دا جەركەنىشتى پۇتتارىڭنىڭ+ ۇستىنە ۇيەمىن. سەندەردەن جيرەنىپ، ٴجۇزىمدى بۇرىپ اكەتەمىن+. 31 قالالارىڭدى تاس-تالقان ەتىپ+، كيەلى ورىندارىڭدى بوس قالدىرامىن. قۇرباندىقتارىڭنىڭ حوش ٴيىسىن دە يىسكەمەيمىن. 32 ٶزىم ەلدەرىڭدى قاڭىراتامىن+، سوندا جەرىڭە كوشىپ كەلگەن جاۋلارىڭ بۇنى كورىپ تاڭعالادى+. 33 ال سەندەردى حالىقتاردىڭ اراسىنا بىتىراتىپ جىبەرەمىن+. سەمسەردى قىنابىنان شىعارىپ، سوڭدارىڭنان جىبەرەمىن+. جەرلەرىڭ ەلسىز+، قالالارىڭ تىپ-تيپىل بولادى.
34 سەندەر جاۋ ەلىنە ايدالىپ، جەرلەرىڭ قاڭىراپ بوس قالعاندا، ول تىنىعاتىن بولادى. سوندا ۇستانباعان دەمالىس جىلدارىنىڭ قارىمتاسى قايتارىلىپ، جەرلەرىڭ دەمالادى+. 35 قاڭىراپ جاتقان ۋاقىتتىڭ بارىندە جەر تىنىعادى، ويتكەنى سول جەردە تۇرعان كەزدەرىڭدە دەمالىس جىلدارىن ۇستانباعان ەدىڭدەر.
36 امان قالىپ+، جاۋ ەلىندە جۇرگەندەرىڭدى تۇڭىلدىرەمىن. ولار سول ۋاقىتتا ٴتىپتى جاپىراقتىڭ سىبدىرىنان قورقىپ قاشاتىن بولادى. ەشكىم قۋماسا دا، سەمسەردىڭ جۇزىنەن قاشقانداي قاشىپ، ٴسۇرىنىپ قۇلايدى+. 37 سوڭىنان ەشكىم تۇسپەسە دە، ولار سەمسەردەن قاشقان ادامدارداي ٴبىر-بىرىنە شالىنىپ جىعىلادى. جاۋلارىڭا توتەپ بەرۋگە قاۋقارلارىڭ جەتپەيدى+. 38 بوتەن حالىقتاردىڭ اراسىندا ٶلىم قۇشاسىڭدار+، جاۋ جەرى سەندەردى جالماپ قويادى. 39 ال امان قالعاندارى وزدەرىنىڭ جانە اكەلەرىنىڭ جاساعان كۇنالارىنىڭ+ كەسىرىنەن جاۋ جەرىندە+ توز-توز بولىپ قۇرىپ كەتەدى. 40 سوندا ولار وزدەرىنىڭ جانە اكەلەرىنىڭ كۇنالارىن، سونداي-اق ماعان قارسى شىعىپ+، وپاسىزدىق جاساعاندارىن مويىندايدى+. 41 مەن ولارعا جاساعان كۇنالارى ٷشىن قارسى شىعىپ+، جاۋ جەرىنە ايداعان ەدىم+.
مۇنى ولاردىڭ قاسارىسقان جۇرەكتەرى جۇمسارىپ+، جاساعان كۇنالارىن موينىمەن كوتەرسىن دەپ ىستەدىم. 42 سوندا مەن جاقىپپەن، ىسقاقپەن، ىبىرايىممەن جاساسقان كەلىسىمىمدى+، سونداي-اق جەرلەرىڭدى ەسىمە الامىن. 43 يسرايل حالقى ٶز ەلىن تاستاپ كەتكەندە، قاڭىراپ بوس قالعان جەر تىنىعادى. وسىلاي دەمالىس جىلدارىنىڭ قارىمتاسىن قايتارادى+. ال حالىق مەنىڭ شەشىمدەرىمدى ورىنداۋدان باس تارتىپ، جارلىقتارىمدى جەك كورگەنى+ ٷشىن جاۋاپ بەرەدى. 44 وسىلارعا قاراماستان، جاۋ جەرىندە جۇرگەن ولاردان مەن تولىقتاي باس تارتپايمىن+، مۇلدەم قۇرىپ كەتۋلەرىنە دە جول بەرمەيمىن. ايتپەسە ولارمەن جاساسقان كەلىسىمىمدى بۇزعان بولار ەدىم+. ال مەن ولاردىڭ قۇدايى ەحوبامىن. 45 يسرايلدىكتەردىڭ يگىلىگى ٷشىن ولاردىڭ اتا-بابالارىمەن جاساسقان كەلىسىمىمدى ەسىمدە ۇستايمىن+. قۇدايلارى بولۋ ٷشىن، اتا-بابالارىن وزگە حالىقتاردىڭ كوز الدىندا مىسىر ەلىنەن الىپ شىققانمىن+. مەن ەحوبامىن».
46 ەحوبانىڭ سيناي تاۋىندا مۇسا ارقىلى يسرايلدىكتەرگە بەرگەن نۇسقاۋلارى، شەشىمدەرى مەن زاڭدارى+، مىنە، وسىلار.