مۇسانىڭ 3-جازباسى
6 ەحوبا مۇساعا تاعى بىلاي دەدى: 2 «الدەبىر جان ەحوباعا ادالدىق تانىتپاي+، بىرەۋدىڭ وزىنە اماناتتاعان نە ساقتاۋعا بەرگەن مەنشىگىنە قاتىستى وتىرىك ايتسا، ۇرلىق جاساسا يا الداسا+، 3 نە جوعالعاندى تاۋىپ الىپ، ٴبىراق مۇنىسىن مويىنداماسا، سونداي-اق وسىلاردىڭ ٴبىرىن جاساپ تۇرىپ، جاسامادىم دەپ جالعان انت بەرسە+، بىلاي ىستەۋى كەرەك: 4 ول كۇنا جاساپ، قۇداي الدىندا ايىپتى بولعاندىقتان، ۇرلاپ، ماجبۇرلەپ نە الاياقتىق جاساپ الىپ قويعانىن، سونداي-اق بىرەۋدىڭ اماناتتاعان مەنشىگىن نەمەسە تاۋىپ العان نارسەسىن يەسىنە قايتارسىن. 5 جالعان انت بەرگەننەن كەلگەن زالالدىڭ دا ورنىن تولىق تولتىرىپ+، زالالدىڭ قۇنى قانشا بولسا، ۇستىنە سول قۇننىڭ بەستەن ٴبىر بولىگىن قوسىپ بەرسىن. ول مۇنى يەسىنە كىناسى دالەلدەنگەن كۇنى بەرسىن. 6 سونىمەن قاتار ايىبى ٷشىن ەحوباعا وتارىنان، بەلگىلەنگەن قۇنعا ساي، ەش كەمىستىگى جوق قوشقار اكەلسىن. ونى ٴدىني قىزمەتكەرگە ايىپ قۇرباندىعى رەتىندە بەرسىن+. 7 ٴدىني قىزمەتكەر ەحوبانىڭ الدىندا ونىڭ كۇناسىن وتەيدى. ول نە ىستەپ ايىپتى بولماسىن، ونىسى كەشىرىلەدى+».
8 ەحوبا ٴسوزىن جالعاپ، مۇساعا مىنانى ايتتى: 9 «حارون مەن ونىڭ ۇلدارىنا كەلەسى بۇيرىعىمدى جەتكىز: —تۇگەل ورتەلەتىن قۇرباندىققا قاتىستى زاڭ مىناداي+: تۇگەل ورتەلەتىن قۇرباندىق وشاقتا ٴتۇنى بويى، تاڭ اتقانشا قالۋ كەرەك. ال وشاقتاعى وت وشپەسىن. 10 ٴدىني قىزمەتكەر قىزمەت كەزىندە كيەتىن زىعىر كويلەگى مەن دامبالىن كيسىن+. ٴسۇيتىپ، وشاقتا ورتەلگەن قۇرباندىقتىڭ كۇلىن+ الىپ، وشاقتىڭ جانىنا قويسىن. 11 سودان سوڭ ۇستىندەگى كيىمىن اۋىستىرىپ+، كۇلدى قوستىڭ سىرتىنداعى تازا جەرگە شىعارىپ تاستاسىن+. 12 قۇرباندىق وشاعىنداعى وت ۇنەمى جانىپ تۇرسىن، ەشقاشان سونبەسىن. ٴدىني قىزمەتكەر كۇندە تاڭەرتەڭ وعان وتىن سالىپ+، ۇستىنە تۇگەل ورتەلەتىن قۇرباندىقتىڭ بولىكتەرىن جايعاستىرىپ، سونداي-اق تاتۋلىق قۇرباندىعىنىڭ مايىن قويىپ، ولاردى ورتەيتىن بولسىن+. 13 سونىمەن، قۇرباندىق وشاعىندا ۇدايى وت جانىپ تۇرسىن، ول ەشقاشان وشپەسىن.
14 استىق تارتۋىنا قاتىستى زاڭ مىناداي+: حاروننىڭ ۇلدارى ونى ەحوبانىڭ الدىنا، قۇرباندىق وشاعىنىڭ جانىنا اكەلسىن. 15 ٴسۇيتىپ، ولاردىڭ ٴبىرى استىق تارتۋى رەتىندە اكەلىنگەن ساپالى ۇندى، مايدى جانە تارتۋدىڭ ۇستىندەگى بۇكىل لاداندى ٴبىرۋىس ەتىپ الىپ، ەسكە سالاتىن تارتۋ رەتىندە ەحوباعا ۇنامدى حوش ٴيىس ەتىپ ورتەپ جىبەرسىن+. 16 استىق تارتۋىنان قالعاندى حارون مەن ونىڭ ۇلدارى جەۋ كەرەك+. ولار ودان اشىتقىسىز نان ٴپىسىرىپ، قاسيەتتى ورىندا، كەزدەسۋ شاتىرىنىڭ اۋلاسىندا، جەسىن+. 17 ونى اشىتقى سالماي ٴپىسىرۋ كەرەك+. بۇل — ورتەلەتىن تارتۋلارىمنان ولارعا بەرگەن ۇلەسىم+. كۇنا ٷشىن اكەلىنەتىن قۇرباندىق پەن ايىپ قۇرباندىعى سەكىلدى، ول دا اسا كيەلى+. 18 ونى حاروننىڭ بارلىق ەركەك كىندىكتى ۇرپاقتارى جەۋ كەرەك+. بۇل — ەحوباعا ارنالعان ورتەلەتىن تارتۋلاردان وزدەرى دە، كەلەر ۇرپاقتارى دا الىپ وتىراتىن سىباعا+. ولارعا تيگەننىڭ ٴبارى قاسيەتتى بولادى».
19 ەحوبا مۇساعا ٵرى قاراي بىلاي دەدى: 20 «حارون مەن ونىڭ ۇلدارى وزدەرىنە مايلاۋ ٴراسىمى جاسالعان كۇنى ەحوباعا مىناداي تارتۋ ۇسىنسىن+: ساپالى ۇننان ەفانىڭ وننان ٴبىر بولىگىن*+، كۇن سايىنعى استىق تارتۋى+ رەتىندە، جارتىسىن تاڭەرتەڭ، جارتىسىن كەشكە ۇسىنسىن. 21 ۇن مايمەن ارالاستىرىلىپ، تابادا ٴپىسىرىلسىن+. سوسىن ناندى سىندىرىپ-سىندىرىپ، ۇستىنە ماي قۇيىپ، پىسىرىلگەن استىق تارتۋى رەتىندە ەحوباعا ۇنامدى حوش ٴيىس ەتىپ ۇسىنۋ قاجەت. 22 بۇل — حاروننىڭ ورنىنا ٴدىني قىزمەتكەر رەتىندە مايلانعان ۇرپاعىنىڭ مىندەتى+. وسى تارتۋدى تۇگەل ورتەلەتىن قۇرباندىق رەتىندە ەحوباعا ارناپ جاعۋ كەرەك. بۇل — ماڭگىلىككە بەرىلگەن نۇسقاۋ. 23 ٴدىني قىزمەتكەر اكەلگەن كەز كەلگەن استىق تارتۋى تۇگەل ورتەلۋ كەرەك. ونى جەۋگە بولمايدى».
24 بۇدان كەيىن ەحوبا مۇساعا مىنانى ايتتى: 25 «حارون مەن ونىڭ ۇلدارىنا كەلەسى ٴسوزىمدى جەتكىز: —كۇنا ٷشىن اكەلىنەتىن قۇرباندىققا+ قاتىستى زاڭ مىناداي: كۇنا ٷشىن اكەلىنگەن مال تۇگەل ورتەلەتىن قۇرباندىق سويىلاتىن جەردە+، ەحوبانىڭ الدىندا سويىلسىن. ول اسا كيەلى. 26 كۇنا ٷشىن قۇرباندىقتى ۇسىنعان ٴدىني قىزمەتكەر ونىڭ ەتىن قاسيەتتى ورىندا، كەزدەسۋ شاتىرىنىڭ اۋلاسىندا+، جەسىن+.
27 قۇرباندىقتىڭ ەتىنە تيگەننىڭ ٴبارى قاسيەتتى بولادى. ەگەر ونىڭ قانى بىرەۋدىڭ كيىمىنە شاشىراپ كەتسە، ونى قاسيەتتى ورىندا جۋۋ كەرەك. 28 ەگەر قۇرباندىقتىڭ ەتى قىش ىدىستا قايناتىلعان بولسا، ىدىس سىندىرىلسىن. ال مىس ىدىستا قايناتىلسا، بۇل ىدىس جاقسىلاپ تازارتىلىپ، سۋمەن جۋىلسىن.
29 قۇرباندىقتىڭ ەتىن ٴدىني قىزمەتكەر ەر ادامداردىڭ ٴبارى جەۋ كەرەك+. ول اسا كيەلى+. 30 الايدا كۇنا ٷشىن اكەلىنگەن قۇرباندىقتىڭ قانى كيەلى شاتىرعا كىرگىزىلىپ، قاسيەتتى ورىندا كۇنا وتەلسە، ونىڭ ەتىن جەۋگە بولمايدى+. ونى ورتەپ جىبەرۋ كەرەك.