مۇسانىڭ 3-جازباسى
7 ايىپ قۇرباندىعىنا قاتىستى زاڭ+ مىناداي: بۇل قۇرباندىق اسا كيەلى. 2 ايىپ قۇرباندىعى تۇگەل ورتەلەتىن قۇرباندىق سويىلاتىن جەردە سويىلىپ، قانى+ قۇرباندىق وشاعىنىڭ بارلىق جاعىنا بۇركىلسىن+. 3 ٴدىني قىزمەتكەر مالدىڭ بۇكىل مايىن ۇسىنسىن+. اتاپ ايتقاندا، قۇيرىق مايىن، ٸشمايىن، 4 بۇيرەك مايىمەن بىرگە قوس بۇيرەگىن، بۇيرەكتەرىمەن قوسا باۋىر بەتىندەگى مايدى السىن+. 5 ٴسۇيتىپ، ول بۇلاردىڭ ٴبارىن قۇرباندىق وشاعىندا ەحوباعا ارناپ ورتەپ جىبەرسىن+. بۇل — ايىپ قۇرباندىعى. 6 ونىڭ ەتىن ٴدىني قىزمەتكەر ەر ادامداردىڭ بارلىعى قاسيەتتى ورىندا جەسىن+. ول اسا كيەلى+. 7 ايىپ قۇرباندىعى كۇنا ٷشىن اكەلىنگەن قۇرباندىق سياقتى ۇسىنىلسىن. ونىڭ ەتى وسى قۇرباندىقپەن كۇنانى وتەگەن ٴدىني قىزمەتكەردىڭ ۇلەسىنە تيەدى+.
8 بىرەۋدىڭ تۇگەل ورتەلەتىن قۇرباندىققا اكەلگەن مالىن ۇسىنعان ٴدىني قىزمەتكەر ونىڭ تەرىسىن الادى+.
9 تاندىردا، قازاندا، تابادا پىسىرىلگەن ٵربىر استىق تارتۋىن+ ونى قۇدايدىڭ الدىندا ۇسىنعان ٴدىني قىزمەتكەر الادى. ول سونىڭ ۇلەسىنە تيەدى+. 10 ال ماي قوسىلعان نە قۇرعاق كۇيى اكەلىنگەن ۇن+ حاروننىڭ بارلىق ۇلدارىنا تەڭدەي ٴبولىنىپ بەرىلسىن.
11 ەحوباعا ۇسىنىلاتىن تاتۋلىق قۇرباندىعىنا+ قاتىستى زاڭ مىناداي: 12 ەگەر ادام ونى ريزاشىلىق ٴبىلدىرۋ ٷشىن اكەلسە+، ريزاشىلىق قۇرباندىعىمەن بىرگە اشىتقىسىز ٴپىسىرىپ، ماي قوسىلعان تەسىك كۇلشە جانە ماي جاعىلعان ٴپاتىر نان، سونداي-اق ساپالى ۇننان جاقسىلاپ يلەپ پىسىرىلگەن ٵرى ماي سىڭدىرىلگەن تەسىك كۇلشە الىپ كەلسىن. 13 ول وسى تارتۋلارعا قوسا، اشىتىپ پىسىرىلگەن تەسىك كۇلشە جانە ريزاشىلىق ٴبىلدىرۋ ٷشىن اكەلگەن تاتۋلىق قۇرباندىعىن ۇسىنسىن. 14 ول نانداردىڭ ٴارقايسىسىنان ٴبىر-بىردەن قاسيەتتى بولىك رەتىندە ەحوباعا ۇسىنسىن. بۇلار تاتۋلىق قۇرباندىعىنىڭ قانىن وشاققا بۇركىگەن ٴدىني قىزمەتكەردىڭ ۇلەسىنە تيەدى+. 15 ريزاشىلىق ٴبىلدىرۋ ٷشىن اكەلىنگەن تاتۋلىق قۇرباندىعىنىڭ ەتىن قۇرباندىق شالىنعان كۇنى جەۋ كەرەك. ونى تاڭەرتەڭگە دەيىن قالدىرۋعا بولمايدى+.
16 ەگەر ادام سەرت قۇرباندىعىن+ نە ەرىكتى قۇرباندىق+ اكەلسە، ونىڭ ەتىن شالعان كۇنى جەۋ كەرەك. ارتىلىپ قالعانىن كەلەسى كۇنى دە جەسە بولادى. 17 ال ٷشىنشى كۇنگە قالعان ەتتى ورتەپ جىبەرۋ كەرەك+. 18 ەگەر تاتۋلىق قۇرباندىعىنىڭ ەتى ٷشىنشى كۇنى جەلىنسە، ونى اكەلگەن ادامعا قۇداي رازى بولمايدى. قۇرباندىعىنان دا وعان ەش پايدا جوق. بۇل ەت جەركەنىشتى. ونى جەگەن جان كۇناسى ٷشىن جاۋاپقا تارتىلادى+. 19 ارام نارسەگە تيگەن ەتتى جەۋگە بولمايدى. ونى ورتەپ جىبەرۋ كەرەك. ال ارامدالماعان ەتتى تازا ادام جەۋ كەرەك.
20 تازا ەمەس جان ەحوباعا ارنالعان تاتۋلىق قۇرباندىعىنىڭ ەتىن جەسە، حالقىنىڭ اراسىنان ونىڭ كوزى قۇرتىلسىن+. 21 الدەكىم قانداي دا ٴبىر ارام نارسەگە — مەيلى اداممەن بايلانىستى ارام نارسەگە+، ارام جانۋارعا+، كەز كەلگەن ارام دا جەركەنىشتى نارسەگە+ بولسىن — ٴتيىپ، ەحوباعا ارنالعان تاتۋلىق قۇرباندىعىنىڭ ەتىنەن جەسە، حالقىنىڭ اراسىنان ونىڭ كوزى قۇرتىلۋعا ٴتيىس».
22 ەحوبا ٴسوزىن جالعاپ، مۇساعا بىلاي دەدى: 23 «يسرايلدىكتەرگە مىنانى ايت: —بۇقانىڭ، جاس قوشقاردىڭ نە ەشكىنىڭ ەشقانداي مايىن+ جەمەڭدەر. 24 ال ارام ولگەن نە اڭ جارىپ كەتكەن مالدىڭ مايىن قاجەتتەرىڭە پايدالانا بەرىڭدەر، ٴبىراق ونى جەۋشى بولماڭدار+. 25 كىمدە-كىم ەحوباعا ورتەپ ۇسىنۋ ٷشىن اكەلىنگەن قۇرباندىقتىڭ مايىن جەسە، حالقىنىڭ اراسىنان ونىڭ كوزى قۇرتىلسىن.
26 تۇراتىن جەرلەرىڭنىڭ بارىندە قاندى، مەيلى ول قۇستىكى نە جانۋاردىكى بولسىن، جەمەڭدەر+. 27 قاندى جەگەن جاننىڭ حالقىنىڭ اراسىنان كوزى قۇرتىلسىن+».
28 سوسىن ەحوبا مۇساعا مىنانى ايتتى: 29 «يسرايلدىكتەرگە بىلاي دە: —ەحوباعا تاتۋلىق قۇرباندىعىن+ اكەلگەن ادام سونىڭ ٴبىر بولىگىن ەحوباعا تارتۋ رەتىندە ۇسىنسىن. 30 ول قۇرباندىقتىڭ مايىن+ ٴتوستىڭ ۇستىنە قويىپ، ەحوباعا ورتەپ ۇسىنۋ ٷشىن ٶز قولىمەن اكەلسىن. ونى تەربەپ اكەلەتىن تارتۋ+ رەتىندە ەحوبانىڭ الدىندا ٵرى-بەرى تەربەيدى. 31 ٴدىني قىزمەتكەر مايدى قۇرباندىق وشاعىندا ورتەپ جىبەرەدى+، ال ٴتوس حارون مەن ونىڭ ۇلدارىنىڭ ۇلەسىنە تيەدى+.
32 تاتۋلىق قۇرباندىعىنا اكەلگەن مالدىڭ ارتقى وڭ اياعىن قاسيەتتى بولىك رەتىندە ٴدىني قىزمەتكەرگە بەرىڭدەر+. 33 وسى وڭ اياقتى تاتۋلىق قۇرباندىعىنىڭ قانى مەن مايىن ۇسىنعان حاروننىڭ ۇلى الادى+. 34 مەن يسرايلدىكتەر ۇسىنعان تاتۋلىق قۇرباندىعىنىڭ تەربەپ اكەلگەن ٴتوسى مەن قاسيەتتى بولىك رەتىندە اكەلگەن ارتقى وڭ اياعىن الىپ، ٴدىني قىزمەتكەر حارون مەن ونىڭ ۇلدارىنا بەرەمىن. بۇل — يسرايلدىكتەرگە ماڭگىلىككە بەرگەن نۇسقاۋىم+.
35 ەحوباعا ارناپ ورتەلەتىن قۇرباندىقتاردان ٴدىني قىزمەتكەر حارون مەن ونىڭ ۇلدارىنا ٴبولىپ بەرىلەتىن سىباعا، مىنە، وسى. ەحوبا بۇل سىباعانى ولار ٴدىني قىزمەتكە تاعايىندالعان كۇننەن باستاپ بەلگىلەدى+. 36 حارون مەن ونىڭ ۇلدارىنا مايلاۋ ٴراسىمىن جاساعان كۇنى+ ەحوبا يسرايلدىكتەرگە وسى سىباعانى ولارعا بەرىپ تۇرۋدى بۇيىردى. بۇل — ۇرپاقتان ۇرپاققا بەرىلەتىن ماڭگىلىك نۇسقاۋ».
37 سونىمەن، تۇگەل ورتەلەتىن قۇرباندىققا+، استىق تارتۋىنا+، كۇنا ٷشىن اكەلەتىن قۇرباندىققا+، ايىپ قۇرباندىعىنا+، ٴدىني قىزمەتكە تاعايىنداۋ كەزىندە سويىلاتىن قۇرباندىققا+ جانە تاتۋلىق قۇرباندىعىنا+ قاتىستى زاڭ وسىنداي. 38 ەحوبا مۇساعا بۇل زاڭدى سيناي تاۋىندا بەردى+. سول كۇنى سيناي شولىندە ول يسرايلدىكتەرگە ەحوباعا ارناپ قۇرباندىقتار ۇسىنۋدى بۇيىرعان بولاتىن+.