مۇسانىڭ 3-جازباسى
23 ەحوبا مۇساعا تاعى بىلاي دەدى: 2 «يسرايل ۇلدارىنا مىنانى جەتكىز: —ەحوبا بەلگىلەگەن مەيرام كۇندەرى+ قاسيەتتى جيىن وتكىزىڭدەر. سول مەيرامداردى جۇرتقا جاريا ەتىڭدەر+. ولار مىنالار:
3 التى كۇن بويى جۇمىس ىستەڭدەر، ال جەتىنشى كۇن — تولىعىمەن دەمالاتىن+، قاسيەتتى جيىن وتكىزەتىن كۇن. بۇل كۇنى ەشقانداي جۇمىس ىستەمەڭدەر. تۇراتىن جەرلەرىڭنىڭ بارىندە بۇل كۇن ەحوباعا باعىشتالعان دەمالىس كۇنى بولسىن+.
4 ەحوبا ورناتقان ٵرى بەلگىلەنگەن ۋاقىتتا جاريالاۋلارىڭ كەرەك مەيرامدار، ياعني قاسيەتتى جيىندار مىنالار: 5 ٴبىرىنشى ايدىڭ ون ٴتورتىنشى كۇنى+ — ەكى كەش اراسىندا وتەتىن ەحوباعا باعىشتالعان قۇتقارىلۋ مەيرامى+.
6 ال وسى ايدىڭ ون بەسىنشى كۇنى ەحوباعا ارنالعان اشىماعان نان مەيرامى+ باستالادى. سول كۇننەن باستاپ جەتى كۇن بويى اشىتقىسىز پىسىرىلگەن نان جەڭدەر+. 7 مەيرامنىڭ ٴبىرىنشى كۇنى قاسيەتتى جيىن وتكىزىڭدەر+. ەشقانداي ۇلكەن جۇمىس جاساماڭدار. 8 جەتى كۇن بويى ەحوباعا ورتەپ ۇسىناتىن قۇرباندىقتار اكەلىڭدەر. ال جەتىنشى كۇنى قاسيەتتى جيىن وتكىزىڭدەر. بۇل كۇنى دە ەشقانداي ۇلكەن جۇمىس جاساماڭدار».
9 سوسىن ەحوبا مۇساعا بىلاي دەدى: 10 «يسرايلدىكتەرگە مىنانى ايت: —مەن بەرگەلى وتىرعان جەرگە كەلگەن سوڭ، ٶنىم جيناعاندا، استىقتىڭ العاشقى باۋىن+ ٴدىني قىزمەتكەرگە اپارىڭدار+. 11 قۇدايدىڭ ىقىلاسىنا يە بولۋلارىڭ ٷشىن، ٴدىني قىزمەتكەر باۋدى ەحوبانىڭ الدىندا ٵرى-بەرى تەربەيدى. ول مۇنى دەمالىس كۇنىنەن كەيىنگى كۇنى ىستەۋ كەرەك. 12 باۋدى ٵرى-بەرى تەربەگەن كۇنى ەحوباعا ارناپ تۇگەل ورتەيتىن قۇرباندىققا ەش كەمىستىگى جوق ٴبىر جاسقا دەيىنگى ەركەك توقتى اكەلىڭدەر. 13 سونداي-اق ەحوباعا ۇنامدى حوش ٴيىس رەتىندە ورتەپ جىبەرۋ ٷشىن، استىق تارتۋىنا ماي ارالاسقان ساپالى ۇننان ەفانىڭ وننان ەكى بولىگىن* الىپ كەلىڭدەر. بۇعان قوسا، سۇيىق تارتۋى رەتىندە ٴحيننىڭ تورتتەن ٴبىر بولىگى* بولاتىنداي شاراپ ۇسىنىڭدار. 14 قۇدايعا وسى تارتۋلاردى اكەلگەن كۇنگە دەيىن جاڭا استىقتىڭ ٴدانىن قۋىرىپ تا، شيكىلەي دە، ودان نان ٴپىسىرىپ تە جەمەڭدەر. بۇل — تۇراتىن جەرلەرىڭنىڭ بارىندە وزدەرىڭ دە، كەلەر ۇرپاقتارىڭ دا ماڭگى ۇستانۋلارىڭ كەرەك نۇسقاۋ.
15 دەمالىس كۇنىنەن كەيىنگى كۇننەن، ياعني العاشقى باۋدى تەربەپ ۇسىنعان كۇننەن، باستاپ جەتى دەمالىس كۇنىن ساناڭدار+، تولىق جەتى اپتا ٶتۋ كەرەك. 16 وسىلاي جەتىنشى دەمالىس كۇنىنەن كەيىنگى كۇنى، ياعني ەلۋىنشى كۇنى+، ەحوباعا ارناپ تاعى دا استىق تارتۋىن اكەلىڭدەر+. 17 تەربەپ ۇسىناتىن تارتۋ رەتىندە ۇيلەرىڭنەن ەكى نان الىپ كەلىڭدەر. بۇل ناندار اشىتقى قوسىلىپ+، ەفانىڭ وننان ەكى بولىگى* بولاتىنداي ساپالى ۇننان ٴپىسىرىلسىن. بۇل — ەحوباعا ۇسىنىلعان العاشقى ٶنىم+. 18 وسى ناندارمەن قوسا، كەمىستىگى جوق ٴبىر جاسار جەتى ەركەك توقتى، ٴبىر جاس بۇقا جانە ەكى قوشقار اكەلىڭدەر+. بۇلار ەحوباعا ارنالعان تۇگەل ورتەلەتىن قۇرباندىقتار. بۇلار — استىق جانە سۇيىق تارتۋلارىمەن بىرگە وتقا ورتەلىپ ۇسىنىلاتىن قۇرباندىقتار ٵرى ەحوباعا ۇنامدى حوش ٴيىس. 19 ال كۇنا ٷشىن قۇرباندىققا+ ٴبىر جاس ەشكى، تاتۋلىق قۇرباندىعىنا+ ٴبىر جاسار ەكى ەركەك توقتى الىپ كەلىڭدەر. 20 ٴدىني قىزمەتكەر ەكى توقتىنى العاشقى ونىمنەن پىسىرىلگەن ناندارمەن بىرگە ەحوبانىڭ الدىندا ٵرى-بەرى تەربەيدى. بۇلار ەحوبانىڭ كوز الدىندا قاسيەتتى، ٵرى ٴدىني قىزمەتكەرگە تيەسىلى+. 21 سول كۇنى قاسيەتتى جيىن بولاتىنىن جاريالاڭدار+. سونداي-اق ەشقانداي ۇلكەن جۇمىس ىستەمەڭدەر. بۇل — تۇراتىن جەرلەرىڭنىڭ بارىندە وزدەرىڭ دە، كەلەر ۇرپاقتارىڭ دا ماڭگىلىك ۇستانۋلارىڭ كەرەك نۇسقاۋ.
22 جەرلەرىڭە ەككەن ەگىندى ورعاندا، تاناپتىڭ شەتىنە دەيىن تۇگەل ورماڭدار، استىقتى جيناعاننان قالعان ماساقتى دا تەرمەڭدەر+. ولاردى كەدەي-كەپشىكتەر مەن جاتجەرلىكتەرگە قالدىرىڭدار+. مەن سەندەردىڭ قۇدايلارىڭ ەحوبامىن».
23 ەحوبا ٴسوزىن جالعاپ، مۇساعا بىلاي دەدى: 24 «يسرايلدىكتەرگە مىنانى ايت: —جەتىنشى ايدىڭ ٴبىرىنشى كۇنى تولىقتاي دەمالىڭدار. بۇل — كەرنەي ۇنىمەن ەسكە سالىنىپ+، قاسيەتتى جيىن وتكىزەتىن كۇن. 25 سول كۇنى ەشقانداي ۇلكەن جۇمىس جاساماڭدار، ەحوباعا ورتەپ ۇسىناتىن قۇرباندىقتار اكەلىڭدەر».
26 ەحوبا مۇساعا تاعى بىلاي دەدى: 27 «وسى جەتىنشى ايدىڭ ونىنشى كۇنى — كۇنانى وتەيتىن كۇن+. سول كۇنى قاسيەتتى جيىن وتكىزىڭدەر. سونداي-اق كۇنالارىڭ ٷشىن قايعىرىڭدار*+ جانە ەحوباعا ورتەپ ۇسىناتىن قۇرباندىق اكەلىڭدەر. 28 وسى كۇنى ەشقانداي جۇمىس ىستەمەڭدەر، ويتكەنى ول — قۇدايلارىڭ ەحوبانىڭ الدىندا كۇنالارىڭ وتەلەتىن كۇن+. 29 وسى كۇنى كۇناسى ٷشىن قايعىرماعان* جاننىڭ حالقىنىڭ اراسىنان كوزى قۇرتىلسىن+. 30 سول كۇنى قانداي دا ٴبىر جۇمىس ىستەيتىن جاندى حالقىنىڭ اراسىنان جويامىن. 31 سونىمەن، سول كۇنى ەشقانداي جۇمىس ىستەمەڭدەر. بۇل — تۇراتىن جەرلەرىڭنىڭ بارىندە وزدەرىڭ دە، كەلەر ۇرپاقتارىڭ دا ماڭگىلىك ۇستانۋلارىڭ كەرەك نۇسقاۋ. 32 سول كۇن — سەندەر تولىعىمەن تىنىعاتىن دەمالىس كۇنى. وسى ايدىڭ توعىزىنشى كۇنى كۇنالارىڭ ٷشىن قايعىرىڭدار+. وسى كۇننىڭ كەشىنەن كەلەسى كۇننىڭ كەشىنە دەيىن دەمالىس كۇنىن ۇستانىڭدار».
33 سودان سوڭ ەحوبا مۇساعا مىنانى ايتتى: 34 «يسرايلدىكتەرگە بىلاي دە: —جەتىنشى ايدىڭ ون بەسىنشى كۇنى جەتى كۇنگە سوزىلاتىن ەحوباعا ارنالعان كۇركەلەر* مەيرامىن وتكىزىڭدەر+. 35 مەيرامنىڭ ٴبىرىنشى كۇنى قاسيەتتى جيىن بولادى. ەشقانداي ۇلكەن جۇمىس ىستەمەڭدەر. 36 جەتى كۇن بويى ەحوباعا ورتەپ ۇسىناتىن قۇرباندىقتار اكەلىڭدەر. ال سەگىزىنشى كۇنى قاسيەتتى جيىن وتكىزىپ+، تاعى دا ەحوباعا ورتەپ ۇسىناتىن قۇرباندىقتار اكەلىڭدەر. بۇل كۇنى سالتاناتتى جينالىس بولماق. ەشقانداي ۇلكەن جۇمىس ىستەلمەسىن.
37 بۇلار ەحوبا ورناتقان ٵرى قاسيەتتى جيىن+ دەپ جاريالاۋلارىڭ كەرەك مەيرامدار+. بۇل مەيرامدار بەلگىلەنگەن ٴتارتىپ بويىنشا كۇن سايىن ەحوباعا ورتەپ ۇسىناتىن قۇرباندىقتار، اتاپ ايتقاندا: تۇگەل ورتەلەتىن قۇرباندىق+، استىق جانە سۇيىق تارتۋلارىن+ — اكەلۋ ٷشىن ورناتىلعان. 38 بۇلاردان باسقا، ەحوباعا ارنالعان دەمالىس كۇندەرىنىڭ قۇرباندىقتارىن+، ەحوباعا بەرۋلەرىڭ كەرەك سي-تارتۋلارىڭدى+، سەرت جانە ەرىكتى قۇرباندىقتارىڭدى+ الىپ كەلۋلەرىڭ كەرەك. 39 جەرلەرىڭنىڭ ٶنىمىن جيناعان سوڭ، جەتىنشى ايدىڭ ون بەسىنشى كۇنى جەتى كۇن بويى ەحوباعا ارنالعان مەيرام وتكىزىڭدەر+. ونىڭ ٴبىرىنشى جانە سەگىزىنشى كۇنى — تولىقتاي دەمالاتىن كۇن+. 40 ٴبىرىنشى كۇنى ەڭ جاقسى اعاشتاردىڭ جەمىستەرىن، پالمانىڭ+، قالىڭ جاپىراقتى اعاشتىڭ جانە اڭعارداعى* تەرەكتەردىڭ بۇتاقشالارىن الىڭدار. ٴسۇيتىپ، قۇدايلارىڭ ەحوبانىڭ الدىندا جەتى كۇن+ كوڭىل كوتەرىڭدەر+. 41 ەحوباعا ارنالعان وسى مەيرامدى جىل سايىن جەتى كۇن بويى تويلاڭدار+. بۇل — وزدەرىڭ دە، كەلەر ۇرپاقتارىڭ دا ماڭگىلىك بويى ۇستانۋلارىڭ كەرەك نۇسقاۋ. ونى جەتىنشى ايدا مەيرامداڭدار. 42 جەتى كۇن كۇركەلەردە تۇرىڭدار+. يسرايلدىكتەردىڭ ٴبارى دە وسىلاي ەتسىن. 43 وسىلايشا مەن يسرايلدىكتەردى مىسىر ەلىنەن الىپ كەلە جاتقاندا، كۇركەلەردە تۇرعىزعانىمدى+ كەلەر ۇرپاقتارىڭ بىلەتىن بولادى+. مەن سەندەردىڭ قۇدايلارىڭ ەحوبامىن».
44 ٴسۇيتىپ، مۇسا يسرايلدىكتەرگە ەحوبا ورناتقان مەيرامدار تۋرالى ايتىپ بەردى.