مۇسانىڭ 4-جازباسى
3 ەحوبا سيناي تاۋىندا+ مۇسامەن سويلەسكەن زاماندا، حارون مەن مۇسانىڭ اۋلەتى مىناۋ ەدى: 2 حارون ۇلدارىنىڭ ەسىمدەرى — تۇڭعىشى ناداپ، سوسىن ٵبيحۋ+، ەلازار+ جانە يتامار+. 3 بۇلار ماي جاعۋ ٴراسىمى ارقىلى ٴدىني قىزمەتكە تاعايىندالعان حارون ۇلدارىنىڭ ەسىمدەرى+. 4 الايدا سيناي شولىندە ناداپ پەن ٵبيحۋ ەحوباعا زاڭعا قايشى كەلەتىن وت اكەلگەندەرى ٷشىن ەحوبانىڭ الدىندا ٶلىپ كەتكەن+. ولاردىڭ ۇلدارى جوق ەدى. ال ەلازار+ مەن يتامار+ اكەلەرى حارونمەن بىرگە ٴدىني قىزمەتكەر مىندەتىن اتقارا بەردى.
5 ەحوبا مۇساعا بىلاي دەدى: 6 «لەۋى رۋىن+ ٴدىني قىزمەتكەر حاروننىڭ الدىنا اكەل. ولار وعان قىزمەت ەتسىن+. 7 لەۋىلىكتەر كەزدەسۋ شاتىرىنىڭ الدىندا قىزمەت ەتىپ، حارون مەن بۇكىل قاۋىمنىڭ الدىنداعى مىندەتتەرىن اتقارسىن. 8 ولار كەزدەسۋ شاتىرىنىڭ بارلىق قۇرال-جابدىقتارىنا كۇتىم جاساسىن+ جانە كيەلى شاتىرعا بايلانىستى قىزمەتتەردى اتقارىپ+، يسرايلدىكتەردىڭ الدىنداعى مىندەتتەرىن ورىنداسىن. 9 لەۋىلىكتەردى حارون مەن ونىڭ ۇلدارىنىڭ قاراماعىنا بەر. ولار يسرايل حالقىنىڭ اراسىنان الىنىپ، وعان بەرىلگەندەر+. 10 حارون مەن ونىڭ ۇلدارىن ٴدىني قىزمەتكە تاعايىندا، ولار وسى مىندەتتەرىن ورىنداسىن+. ال قاسيەتتى ورىنعا ولاردان باسقا بىرەۋ جاقىنداسا، سول ادام ٶلتىرىلسىن+».
11 ەحوبا ٴسوزىن جالعاپ مۇساعا بىلاي دەدى: 12 «مىنە، مەن يسرايلدىكتەردىڭ بارلىق تۇڭعىشتارىنىڭ ورنىنا لەۋىلىكتەردى الامىن+. ولار مەنىكى بولماق. 13 ويتكەنى تۇڭعىشتاردىڭ ٴبارى مەنىكى+. مىسىر ەلىندەگى تۇڭعىش تۋىلعانداردى تۇگەل ولتىرگەندە+، يسرايلدىڭ بار تۇڭعىشىن — ادامنان باستاپ مالعا دەيىن+ — قاسيەتتى ەتىپ، ٶزىم ٷشىن ٴبولىپ العانمىن. سوندىقتان ولار مەنىكى بولادى. مەن ەحوبامىن».
14 سيناي شولىندە+ ەحوبا مۇساعا تاعى دا بىلاي دەدى: 15 «جاسى ٴبىر ايعا تولعان جانە ودان اسقان ەركەك كىندىكتى لەۋىلىكتەردىڭ بارلىعىن اتاتەگى مەن اۋلەتتەرى بويىنشا تىركەۋدەن وتكىز»+. 16 سوندا مۇسا ەحوبانىڭ تاپسىرعانى بويىنشا لەۋىلىكتەردى تىركەۋدەن وتكىزىپ، ٴبارىن ونىڭ بۇيرىعىنا ساي ىستەدى. 17 لەۋى ۇلدارىنىڭ ەسىمدەرى مىنالار: گەرشون، قاحات، مەراري+.
18 گەرشون ۇلدارىنىڭ ەسىمدەرى: ٴلىبني جانە شيمەي+. بۇلاردان تاراعان اۋلەتتەر وسى ەسىمدەرمەن اتالدى.
19 قاحات ۇلدارىنىڭ ەسىمدەرى: ىمرام، ىسقار، حەبرون، ۇزيەل+. بۇلاردان تاراعان اۋلەتتەر وسى ەسىمدەرمەن اتالدى.
20 مەراري ۇلدارىنىڭ ەسىمدەرى: ماحلي+ جانە مۇشي+.
بۇلاردان تاراعان اۋلەتتەر وسى ەسىمدەرمەن اتالدى. اتاتەگى بويىنشا لەۋىدەن تاراعان اۋلەتتەر، مىنە، وسىلار.
21 گەرشوننان ٴلىبني+ جانە شيمەي اۋلەتتەرى تارادى. گەرشوننان تاراعان اۋلەتتەر وسىلار. 22 تىركەۋدەن وتكەن جاسى ٴبىر ايعا تولعان جانە ودان اسقان ەركەك كىندىكتىلەردىڭ سانى 7500 بولدى+. 23 گەرشون اۋلەتتەرى قوستارىن كيەلى شاتىردىڭ باتىس جاعىنا تىكتى+. 24 گەرشوننان تاراعان اۋلەتتەردىڭ باسشىسى — لايىل ۇلى ەلياساپ. 25 گەرشون ۇلدارىنىڭ كەزدەسۋ شاتىرىنداعى مىندەتى+ — شاتىر مەن ونىڭ ىشكى-سىرتقى جابىندارىنا+، كىرەبەرىس پەردەسىنە+، 26 اۋلانىڭ جانە قۇرباندىق وشاعىنىڭ اينالاسىنا قورشاۋ ەتىپ ىلىنگەن ماتالارعا+، اۋلانىڭ كىرەبەرىسىندەگى پەردە+ مەن ارقاندارعا كۇتىم جاساپ، سولارعا بايلانىستى بارلىق جۇمىستى اتقارۋ.
27 قاحاتتان ىمرام، ىسقار، حەبرون جانە ۇزيەل اۋلەتتەرى تارادى. قاحاتتان تاراعان اۋلەتتەر وسىلار+. 28 ولاردىڭ اراسىنداعى جاسى ٴبىر ايعا تولعان جانە ودان اسقان ەركەك كىندىكتىلەردىڭ سانى 8600. وسى اۋلەتتەر قاسيەتتى ورىنعا قاتىستى ىستەرگە جاۋاپتى+. 29 قاحات ۇلدارىنىڭ اۋلەتتەرى قوستارىن كيەلى شاتىردىڭ وڭتۇستىگىنە تىكتى+. 30 قاحاتتان تاراعان اۋلەتتەردىڭ باسشىسى — ۇزيەل ۇلى ەلساپان+. 31 ولاردىڭ جاۋاپكەرشىلىگىنە ساندىق+، ۇستەل+، شامدال+، حوش ٴيىستى زات تۇتەتەتىن ۇستەل، قۇرباندىق وشاعى+، قاسيەتتى ورىندا قىزمەت كەزىندە قولدانىلاتىن قۇرال-جابدىقتار+، شىمىلدىق+ جانە سونىمەن بايلانىستى بارلىق جۇمىس تاپسىرىلدى+.
32 لەۋىلىك باسشىلاردىڭ ۇستىنەن ٴدىني قىزمەتكەر حاروننىڭ ۇلى ەلازار تاعايىندالدى+. ول قاسيەتتى ورىندا ٴتۇرلى قىزمەت اتقاراتىندارعا باقىلاۋ جۇرگىزدى.
33 مەراريدەن ماحلي مەن مۇشي اۋلەتتەرى تارادى. بۇلار مەراريدەن تاراعان اۋلەتتەر+. 34 ولاردىڭ اراسىنداعى جاسى ٴبىر ايعا تولعان جانە ودان اسقان ەركەك كىندىكتىلەردىڭ سانى 6200 بولدى+. 35 مەراريدەن تاراعان اۋلەتتەردىڭ باسشىسى — ٵبيحايل ۇلى سۋريەل. ولار قوستارىن كيەلى شاتىردىڭ سولتۇستىگىنە تىكتى+. 36 مەراري ۇلدارىنىڭ جاۋاپكەرشىلىگىنە كيەلى شاتىردىڭ قابىرعالارىن قۇرايتىن جاقتاۋلارى+، سىرىقتارى+، باعانالارى+، ويىعى بار تۇعىرلارى، ونىڭ بار قۇرال-جابدىقتارى+ جانە وسىلارمەن بايلانىستى بارلىق جۇمىس تاپسىرىلدى+. 37 سونداي-اق ولار اۋلا قورشاۋىنىڭ باعانالارىنا، ولاردىڭ ويىعى بار تۇعىرلارىنا+، قازىقتارى مەن ارقاندارىنا جاۋاپتى بولدى.
38 كيەلى شاتىردىڭ الدىڭعى جاعىنا، ياعني كۇنشىعىسىنا مۇسا، حارون جانە ونىڭ ۇلدارى قوستارىن تىكتى. ولارعا يسرايلدىكتەردىڭ يگىلىگى ٷشىن ٶز مىندەتتەرىن اتقارىپ، قاسيەتتى ورىننىڭ قامىن جەۋ تاپسىرىلدى. قاسيەتتى ورىنعا ولاردان باسقا بىرەۋ جاقىنداسا، سول ٶلتىرىلۋ كەرەك ەدى+.
39 لەۋىلىكتەردىڭ اراسىنداعى جاسى ٴبىر ايعا تولعان جانە ودان اسقان ەركەك كىندىكتىلەردىڭ سانى 22000 بولدى. مۇسا مەن حارون ولاردى اۋلەتتەرى بويىنشا تىركەۋدەن وتكىزىپ، ەحوبانىڭ بۇيرىعىن ورىندادى.
40 كەيىن ەحوبا مۇساعا بىلاي دەدى: «يسرايلدىكتەردىڭ جاسى ٴبىر ايعا تولعان جانە ودان اسقان بارلىق تۇڭعىش ۇلدارىن ساناقتان وتكىزىپ+، ەسىمدەرىنىڭ ٴتىزىمىن جاسا. 41 ماعان يسرايلدىكتەردىڭ بارلىق تۇڭعىش ۇلدارىنىڭ ورنىنا لەۋىلىكتەردى+، ال مالدارىنىڭ بارلىق تۇڭعىش تولدەرىنىڭ ورنىنا لەۋىلىكتەردىڭ مالىن اكەل+. مەن ەحوبامىن». 42 سودان مۇسا يسرايلدىكتەردىڭ تۇڭعىشتارىن تۇگەل تىركەۋدەن وتكىزىپ، ەحوبانىڭ بۇيىرعانىنداي ىستەدى. 43 ەسىمدەرىن تىزىمگە العاندا، جاسى ٴبىر ايعا تولعان جانە ودان اسقان تۇڭعىش ۇلداردىڭ جالپى سانى 22273 بولدى.
44 سوسىن ەحوبا مۇساعا مىنانى ايتتى: 45 «لەۋىلىكتەردى يسرايلدىكتەردىڭ بارلىق تۇڭعىش ۇلدارىنىڭ ورنىنا، ال ولاردىڭ مالدارىن يسرايلدىكتەردىڭ مالىنىڭ ورنىنا ال. لەۋىلىكتەر مەنىكى بولۋ كەرەك. مەن ەحوبامىن. 46 لەۋىلىكتەردىڭ سانىنان ارتىلىپ قالعان 273 يسرايلدىك تۇڭعىش ۇلدىڭ+ قۇنىن تولەۋ ٷشىن+، 47 ٴارقايسىسىنا قاسيەتتى ورىننىڭ شەكەلىمەن بەس شەكەلدەن* بەرىلسىن+. ٴبىر شەكەل 20 گەراحقا* تەڭ+. 48 بۇل اقشانى لەۋىلىكتەردىڭ سانىنان ارتىلعانداردىڭ تولەمى رەتىندە حارون مەن ونىڭ ۇلدارىنا بەر». 49 وسىلايشا مۇسا تولەم رەتىندە بەرىلگەن لەۋىلىكتەردىڭ سانىنان ارتىلىپ قالعان يسرايلدىكتەر ٷشىن تولەنگەن قۇندى جيناپ الدى. 50 ونىڭ يسرايلدىك تۇڭعىش ۇلداردان العان اقشاسى قاسيەتتى ورىننىڭ شەكەلىمەن 1365 شەكەل بولدى. 51 سوسىن مۇسا تولەم رەتىندە بەرىلگەن اقشانى، ەحوبانىڭ نۇسقاۋىنا ساي، حارون مەن ونىڭ ۇلدارىنا بەردى. وسىلاي مۇسا ٴبارىن ەحوبانىڭ بۇيىرعانىنداي ىستەدى.