مۇسانىڭ 4-جازباسى
4 ەحوبا مۇسا مەن حارونعا بىلاي دەدى: 2 «لەۋىلىكتەردىڭ ىشىنەن قاحات ۇلدارىن+ اتاتەگى مەن اۋلەتتەرى بويىنشا ساناقتان وتكىزىڭدەر. 3 كەزدەسۋ شاتىرىنداعى قىزمەتكە جارامدى، جاسى وتىز+ بەن ەلۋ+ ارالىعىنداعى ەركەك كىندىكتىنى تۇگەل ساناڭدار+.
4 قاحات ۇلدارىنىڭ كەزدەسۋ شاتىرىندا اتقاراتىن قىزمەتى+ اسا كيەلى نارسەلەرمەن بايلانىستى. 5 قوس كوشەردە، حارون مەن ونىڭ ۇلدارى كيەلى شاتىرعا كىرىپ، شىمىلدىقتى+ شەشسىن دە، ونى كۋالىك ساندىعىنىڭ+ ۇستىنە جاپسىن. 6 سوسىن يتبالىق تەرىسىنەن جاسالعان جابىن، ال ونىڭ ۇستىنە ٴبىرتۇتاس كوك ماتا جاۋىپ، ساندىقتىڭ سىرىقتارىن+ ورنىنا كىرگىزسىن.
7 كەيىن ولار نان تارتۋى قويىلاتىن ۇستەلگە+ كوك ماتا جايىپ، وعان جايپاق تاباقتار، توستاعاندار، سۇيىق تارتۋلار قۇياتىن كەرسەندەر مەن قۇمىرالاردى قويسىن+. ال ۇنەمى ۇسىنىلاتىن نان تارتۋى+ ۇستەل ۇستىندە قالا بەرسىن. 8 سولاردىڭ ۇستىنە الدىمەن ال قىزىل ماتا، سوسىن يتبالىق تەرىسىنەن جاسالعان جابىن جاۋىپ، ۇستەلدىڭ سىرىقتارىن+ ورنىنا كىرگىزسىن. 9 بۇدان كەيىن شامدالدى+، ونىڭ شامدارىن+، قىسقاشتارى مەن كۇلالعىش قالاقتارىن+، شام مايى قۇيىلاتىن ىدىستاردى كوك ماتامەن وراسىن. 10 سودان سوڭ شامدال مەن ونىڭ بار قۇرال-جابدىعىن يتبالىق تەرىسىنەن جاسالعان جابىنمەن وراپ، زەمبىلگە سالسىن. 11 حوش ٴيىستى زاتتار تۇتەتەتىن التىن ۇستەلدى+ الدىمەن كوك ماتامەن، سوسىن يتبالىق تەرىسىنەن جاسالعان جابىنمەن جاۋىپ، سىرىقتارىن+ ورنىنا كىرگىزسىن. 12 ولار قاسيەتتى ورىنداعى قىزمەتتە ۇنەمى قولدانىلاتىن باسقا دا قۇرال-جابدىقتاردى الىپ+، الدىمەن كوك ماتامەن، سوسىن يتبالىق تەرىسىنەن جاسالعان جابىنمەن وراپ، زەمبىلگە سالسىن.
13 ولار قۇرباندىق وشاعىنىڭ كۇلىن شىعارىپ+، وشاقتىڭ ۇستىنە كۇلگىن ماتا جايسىن. 14 سوسىن وعان قۇرباندىق وشاعىنىڭ قاسىندا قىزمەت ەتكەندە قولدانىلاتىن بۇكىل قۇرال-سايماندى+: شوقسالعىشتار، شانىشقىلار، كۇرەكتەر مەن كەرسەندەردى — قويىپ، ۇستىنە يتبالىق تەرىسىنەن جاسالعان جابىن جاپسىن دا، سىرىقتارىن+ ورنىنا كىرگىزسىن.
15 قوس كوشەتىن كەزدە، حارون مەن ونىڭ ۇلدارى قاسيەتتى ورىننىڭ زاتتارى مەن قۇرال-جابدىقتارىن تۇگەل جاپسىن+. سودان كەيىن عانا قاحاتتىڭ ۇلدارى ولاردى كوتەرۋ ٷشىن كەلسىن+. ٴبىراق ولار قاسيەتتى ورىننىڭ زاتتارىنا قول تيگىزبەسىن، ايتپەسە ٶلىم قۇشادى+. قاحات ۇلدارىنا كەزدەسۋ شاتىرىنداعى وسى زاتتاردى الىپ ٴجۇرۋ مىندەتى جۇكتەلەدى.
16 ٴدىني قىزمەتكەر حاروننىڭ ۇلى ەلازار+ شامنىڭ مايىنا+، تۇتەتىلەتىن حوش ٴيىستى زاتتارعا+، ۇنەمى اكەلىنەتىن استىق تارتۋىنا، ماي جاعۋ راسىمىنە قولدانىلاتىن مايعا+ جاۋاپتى. سونداي-اق بۇكىل كيەلى شاتىر مەن ونداعىنىڭ ٴبارىن، ياعني شاتىردىڭ ٶزى مەن ونىڭ قۇرال-جابدىقتارىن قاداعالاۋعا ٴتيىس».
17 ەحوبا ٵرى قاراي مۇسا مەن حارونعا بىلاي دەدى: 18 «لەۋىلىكتەردىڭ اراسىنان قاحات اۋلەتىنىڭ+ قۇرىپ كەتۋىنە جول بەرمەڭدەر. 19 ولار اسا كيەلى نارسەلەرگە+ جاقىنداعاندا، ٶلىپ قالماي، ٴتىرى جۇرۋلەرى ٷشىن، بىلاي ىستەلسىن: حارون مەن ونىڭ ۇلدارى كەلىپ، ولاردىڭ ٴارقايسىسىنا اتقاراتىن جۇمىسى مەن كوتەرىپ جۇرەتىن جۇگىن كورسەتسىن. 20 قاحات ۇلدارىنا قاسيەتتى ورىنعا كىرىپ، كيەلى نارسەلەرگە ٴبىر ساتكە دە كوز تاستاۋىنا بولمايدى، ايتپەسە ٶلىپ كەتەدى+».
21 بۇدان سوڭ ەحوبا مۇساعا مىنانى ايتتى: 22 «لەۋىلىكتەردىڭ ىشىنەن گەرشون ۇلدارىن+ اتاتەگى مەن اۋلەتتەرى بويىنشا ساناقتان وتكىز. 23 كەزدەسۋ شاتىرىنداعى قىزمەتكە جارامدى، جاسى وتىز بەن ەلۋ ارالىعىنداعى ەركەك كىندىكتىنى تۇگەل سانا. 24 گەرشون اۋلەتىنە تاپسىرىلعان ٵرى كوتەرىپ جۇرەتىن جۇكتەرى+ مىنالار: 25 كيەلى شاتىردىڭ ىشكى جابىنى+، ونىڭ ۇستىندەگى جابىندارى جانە يتبالىق تەرىسىنەن جاسالعان ەڭ سىرتقى جابىن+، كەزدەسۋ شاتىرىنىڭ كىرەبەرىسىندەگى پەردە+، 26 اۋلا مەن قۇرباندىق وشاعىن قورشاپ تۇرعان ماتالار+، ونىڭ كىرەبەرىسىندەگى پەردە+، قورشاۋدىڭ ارقاندارى مەن قۇرال-جابدىقتارى جانە سونداعى جۇمىستى اتقارۋعا قاجەتتى باسقا دا زاتتار. مىنە، ولارعا وسىلار جۇكتەلەدى. 27 گەرشون ۇلدارىنىڭ+ الىپ جۇرەتىن جۇكتەرىمەن قوسا، بارلىق قىزمەتىن حارون مەن ونىڭ ۇلدارى باقىلاسىن. ولاردىڭ الىپ جۇرەتىن بار جۇگىن ٶزىڭ تاعايىندا. 28 گەرشون اۋلەتىنىڭ كەزدەسۋ شاتىرىندا اتقاراتىن قىزمەتى+، مىنە، وسى. ولار ٶز مىندەتتەرىن ٴدىني قىزمەتكەر حاروننىڭ ۇلى يتاماردىڭ باسشىلىعىمەن اتقارسىن+.
29 مەراريدىڭ ۇلدارىن+ دا اتاتەگى مەن اۋلەتتەرى بويىنشا ساناقتان وتكىز. 30 كەزدەسۋ شاتىرىنداعى قىزمەتكە جارامدى، جاسى وتىز بەن ەلۋ ارالىعىنداعى ەركەك كىندىكتىنى تۇگەل سانا. 31 ولاردىڭ كەزدەسۋ شاتىرىنداعى قىزمەتى بارىسىندا كوتەرىپ جۇرەتىن جۇكتەرى+ مىنالار: شاتىردىڭ قابىرعالارىن قۇرايتىن جاقتاۋلارى+، سىرىقتارى+، باعانالارى+، ويىعى بار تۇعىرلارى+، 32 سونداي-اق اۋلا قورشاۋىنىڭ باعانالارى+، ولاردىڭ ويىعى بار تۇعىرلارى+، قازىقتارى+، ارقاندارى مەن ولاردىڭ كۇللى قۇرال-سايماندارى جانە وسىلارمەن بايلانىستى بارلىق جۇمىستار. سەن ولاردىڭ ٴارقايسىسىنا الىپ جۇرەتىن جۇگىن تاعايىندا. 33 بۇل — ٴدىني قىزمەتكەر حاروننىڭ ۇلى يتاماردىڭ باسشىلىعىمەن+ كەزدەسۋ شاتىرىندا اتقاراتىن مەراري اۋلەتىنىڭ+ قىزمەتى».
34 سونىمەن، مۇسا، حارون جانە قاۋىم باسشىلارى+ قاحات ۇلدارىن+ اتاتەگى مەن اۋلەتتەرى بويىنشا تىركەۋدەن وتكىزىپ، 35 كەزدەسۋ شاتىرىنداعى قىزمەتكە جارامدى، جاسى وتىز بەن ەلۋ ارالىعىنداعى ەركەك كىندىكتىنى+ تۇگەل سانادى. 36 اۋلەتتەرى بويىنشا تىركەلگەندەردىڭ جالپى سانى 2750 بولدى+. 37 بۇلار كەزدەسۋ شاتىرىندا قىزمەت ەتىپ جاتقان قاحات اۋلەتىنەن تىركەۋدەن وتكەندەر. ولاردى مۇسا مەن حارون ەحوبانىڭ مۇسا ارقىلى بەرگەن نۇسقاۋى بويىنشا تىركەۋدەن وتكىزگەن ەدى+.
38 گەرشون ۇلدارى+ دا اتاتەگى مەن اۋلەتتەرى بويىنشا تىركەۋدەن وتكىزىلىپ، 39 كەزدەسۋ شاتىرىنداعى قىزمەتكە جارامدى، جاسى وتىز بەن ەلۋ ارالىعىنداعى ەركەك كىندىكتى تۇگەل سانالدى. 40 اتاتەگى مەن اۋلەتتەرى بويىنشا تىركەلگەندەردىڭ جالپى سانى 2630 بولدى+. 41 بۇلار كەزدەسۋ شاتىرىندا قىزمەت ەتىپ جاتقان گەرشون اۋلەتىنەن تىركەۋدەن وتكەندەر. ولاردى مۇسا مەن حارون ەحوبانىڭ نۇسقاۋى بويىنشا تىركەۋدەن وتكىزگەن ەدى+.
42 سونداي-اق مەراري ۇلدارى اتاتەگى مەن اۋلەتتەرى بويىنشا تىركەۋدەن وتكىزىلىپ، 43 كەزدەسۋ شاتىرىنداعى قىزمەتكە جارامدى، جاسى وتىز بەن ەلۋ ارالىعىنداعى ەركەك كىندىكتى+ تۇگەل سانالدى. 44 اۋلەتتەرى بويىنشا تىركەلگەندەردىڭ جالپى سانى 3200 بولدى+. 45 بۇلار، ەحوبانىڭ مۇسا ارقىلى بەرگەن نۇسقاۋى بويىنشا، مۇسا مەن حارون تىركەۋدەن وتكىزگەن مەراري اۋلەتى+.
46 وسىلاي مۇسا، حارون جانە يسرايل باسشىلارى وسى لەۋىلىكتەردىڭ ٴبارىن اتاتەگى مەن اۋلەتتەرى بويىنشا تىركەۋدەن وتكىزدى. 47 ولار كەزدەسۋ شاتىرىندا قىزمەت ەتۋگە جانە جۇك كوتەرۋگە تاعايىندالعان+، جاسى وتىز بەن ەلۋ ارالىعىنداعى ەركەك كىندىكتىلەر ەدى. 48 تىركەلگەندەردىڭ جالپى سانى 8580 بولدى+. 49 ەحوبانىڭ مۇساعا بەرگەن نۇسقاۋىمەن ولاردىڭ ٴارقايسىسى اتقاراتىن قىزمەتى مەن كوتەرەتىن جۇگى بويىنشا تىركەۋگە الىندى. وسىلايشا ولار، ەحوبانىڭ مۇساعا بۇيىرعانىنداي، ساناقتان وتكىزىلدى.