مۇسانىڭ 4-جازباسى
10 ەحوبا مۇساعا بىلاي دەپ ٴتىل قاتتى: 2 «وزىڭە كۇمىستەن سوعىپ، ەكى كەرنەي+ جاساپ ال دا، قاۋىمدى جيناعاندا نە قوسقا جول جۇرۋگە بەلگى بەرگەندە قولدان. 3 ەكەۋىن بىرگە تارتقاندا، بۇكىل قاۋىم كەزدەسۋ شاتىرىنىڭ الدىنا سەنىڭ قاسىڭا جينالاتىن بولسىن+. 4 ال بىرەۋى عانا تارتىلسا، سەنىڭ قاسىڭا تەك باسشىلار، يسرايلدىڭ مىڭباسىلارى، جينالسىن+.
5 كەرنەي ۇزىك-ۇزىك تارتىلعاندا، كيەلى شاتىردىڭ شىعىس جاعىنداعى قوستار+ جولعا شىقسىن. 6 كەرنەي ٷنى ەكىنشى رەت ۇزىك-ۇزىك شىققاندا، وڭتۇستىك جاقتاعى قوستار+ ورىندارىنان قوزعالسىن. سونىمەن، كەرنەي وسىلاي تارتىلعان سايىن، بولىمدەردىڭ ٴبىرى جولعا شىعاتىن بولسىن.
7 ال قاۋىمدى جيناۋ كەرەك كەزدە كەرنەي+ ۇزىك-ۇزىك تارتىلماسىن. 8 ونى حاروننىڭ ٴدىني قىزمەتكەر ۇلدارى تارتسىن+. بۇل — سەندەرگە دە، كەلەر ۇرپاقتارىڭا دا بەرىلگەن ماڭگىلىك نۇسقاۋ.
9 ەلدەرىڭدە سەندەردى ەزگىگە سالعان جاۋعا قارسى اتتانعاندا، حالىقتى سوعىسقا شاقىرىپ، كەرنەي تارتىڭدار+. سوندا ەحوبا قۇدايلارىڭ سەندەردى ەسىنە الىپ، جاۋلارىڭنىڭ قولىنان قۇتقارادى.
10 سونداي-اق قۋانىشتى شاقتاردا+ — مەيرامدارىڭ+ مەن ٵربىر ايدىڭ باسىندا — تۇگەل ورتەلەتىن+ جانە تاتۋلىق قۇرباندىقتارىن+ ۇسىنىپ جاتىپ، كەرنەي تارتىڭدار. سوندا قۇدايلارىڭ سەندەردى ەسىنە الادى. مەن سەندەردىڭ قۇدايلارىڭ ەحوبامىن+».
11 ەكىنشى جىلدىڭ ەكىنشى ايىنىڭ جيىرماسىنشى كۇنى+ كۋالىك ساندىعى تۇرعان شاتىردىڭ ۇستىندەگى بۇلت جوعارى كوتەرىلدى+. 12 سوندا يسرايلدىكتەر وزدەرىندە ورناتىلعان تارتىپپەن+ سيناي شولىنەن جولعا شىعىپ، بۇلت پاران شولىنە كەلىپ توقتاعانشا+، كوشتەرىن جالعاستىردى. 13 بۇل ەحوبانىڭ مۇسا ارقىلى بەرگەن نۇسقاۋى بويىنشا+ ولاردىڭ العاش رەت جولعا شىعۋى ەدى.
14 ٴبىرىنشى بولىپ ياھۋدا رۋى باستاعان ٷش رۋلى ٴبولىم ٶز جاساعىمەن ورنىنان قوزعالدى. ياھۋدا رۋىنىڭ جاساق باسشىسى ٵميناداپ ۇلى ناعاسون+ بولاتىن. 15 يساحار رۋىنىڭ جاساق باسشىسى سۋار ۇلى نەتانەل+ ەدى. 16 ال زابۋلون رۋىنىڭ جاساق باسشىسى حەلون ۇلى ەلياپ+ بولاتىن.
17 كيەلى شاتىر جينالعاندا+، ونى گەرشون+ مەن مەراري ۇلدارى+ كوتەرىپ جولعا شىقتى.
18 سوسىن رۋبەن رۋى باستاعان ٷش رۋلى ٴبولىم ٶز جاساعىمەن ٴجۇردى. رۋبەن رۋىنىڭ جاساق باسشىسى شەدەۋر ۇلى ەليسۋر+ ەدى. 19 شيمون رۋىنىڭ جاساق باسشىسى — سۋريشاداي ۇلى شەلۋميەل+، 20 ال عاد رۋىنىڭ جاساق باسشىسى دەۋەل ۇلى ەلياساپ+ بولاتىن.
21 سودان سوڭ قاسيەتتى ورىننىڭ بۇيىمدارىن كوتەرىپ، قاحات ۇلدارى جولعا شىقتى+. ولار قونىستاناتىن جەرگە كەلىپ جەتكەنشە، كيەلى شاتىر قۇرىلىپ دايىن تۇرۋ كەرەك ەدى.
22 بۇدان كەيىن ەفرەم رۋى باستاعان ٷش رۋلى ٴبولىم ٶز جاساعىمەن اتتاندى. ەفرەم رۋىنىڭ جاساق باسشىسى ٵميحۋد ۇلى ەليشاما+ بولاتىن. 23 ماناسا رۋىنىڭ جاساق باسشىسى پەداسۋر ۇلى گاماليەل+ ەدى. 24 ال بەنيامين رۋىنىڭ جاساق باسشىسى گەدەوني ۇلى ٵبيدان+ بولاتىن.
25 وسىلاردان سوڭ دان رۋى باستاعان ٷش رۋلى ٴبولىم ٶز جاساعىمەن جولعا شىقتى. ولار سوڭىندا ٴجۇرىپ، بۇكىل كوشتى ارتقى جاعىنان قورعادى. دان رۋىنىڭ جاساق باسشىسى ٵميشاداي ۇلى احيەزەر+ ەدى. 26 اشير رۋىنىڭ جاساق باسشىسى — وحران ۇلى پاگيەل+، 27 ال نافتاليم رۋىنىڭ جاساق باسشىسى ەنان ۇلى احيرا+ بولاتىن. 28 جولعا شىققاندا، يسرايلدىكتەر مەن ونىڭ جاساقتارى وسىنداي تارتىپپەن ٴجۇرىپ وتىردى+.
29 مۇسا قايىن اتاسى مادياندىق راگۋەلدىڭ*+ ۇلى حوبابقا: «ەحوبانىڭ «سەندەرگە بەرەمىن» دەگەن جەرىنە+ كوشىپ بارا جاتىرمىز. بىزبەن ٴجۇر+، سەنەن جاقسىلىعىمىزدى اياماسپىز، ويتكەنى ەحوبا يسرايلگە يگىلىگىمدى توگەمىن دەپ ۋادە ەتكەن+»،— دەدى. 30 ٴبىراق ول: «جوق، سەندەرگە ىلەسپەيمىن. مەن ٶز جەرىمە، ٶز تۋىستارىما قايتامىن»،— دەپ جاۋاپ بەردى. 31 سوندا مۇسا: «وتىنەمىن، كەتپە! ٴشول دالادا قاي جەرگە قوس تىگۋگە بولاتىنىن سەن جاقسى بىلەسىڭ عوي. سوندىقتان بىزگە باعىت-باعدار بەرۋشى بول. 32 ەگەر بىزبەن جۇرسەڭ+، ەحوبا بىزگە قانداي جاقسىلىق جاساسا، ساعان دا سونداي جاقسىلىق جاسايمىز»،— دەدى.
33 سودان ولار ەحوبانىڭ تاۋىنان شىعىپ+، ٷش كۇن جول ٴجۇردى. وسى ٷش كۇن بويى حالىق ٷشىن تىنىعاتىن جەر ىزدەپ جۇرگەندە+، ەحوبانىڭ كەلىسىم ساندىعى+ الدارىندا ٴجۇرىپ وتىردى. 34 كوش كۇندىز جولعا شىققاندا، ەحوبانىڭ بۇلتى+ توبەلەرىندە بولدى.
35 لەۋىلىكتەر كەلىسىم ساندىعىن كوتەرىپ، جولعا شىققان سايىن، مۇسا: «ۋا، ەحوبا، كوتەرىل+! جاۋلارىڭ جان-جاققا بىتىراپ، سەنى جەك كورەتىندەر تۇرا قاشسىن»،— دەيتىن. 36 ال كەلىسىم ساندىعى توقتاعاندا: «ۋا، ەحوبا، سان مىڭداعان يسرايل حالقىنىڭ+ اراسىنا قايتا ورالا كور!»— دەيتىن.