مۇسانىڭ 4-جازباسى
2 ەحوبا مۇسا مەن حارونعا بىلاي دەدى: 2 «ٵربىر يسرايلدىك شاتىرىن ٶزىنىڭ ٷش رۋلى بولىمىنە+ بەلگىلەنگەن جەرگە، ٶز اۋلەتىن كورسەتەتىن بەلگىنىڭ* ماڭىنا تىكسىن. بۇكىل قوس كيەلى شاتىرعا قاراتىلىپ، ونى اينالدىرا ورنالاستىرىلسىن.
3 كيەلى شاتىردىڭ كۇنشىعىس جاعىنا ياھۋدا رۋى باستاعان ٷش رۋلى ٴبولىم ٶز جاساعىمەن بىرگە ورنالاسسىن. ياھۋدا ٷرىم-بۇتاعىنىڭ باسشىسى — ٵميناداپ ۇلى ناعاسون+. 4 ونىڭ جاساعى ساناقتان وتكەن 74600 ەر ادامنان تۇرادى+. 5 ياھۋدا رۋىنىڭ جانىنا يساحار رۋى قوسىن تىكسىن. يساحار ٷرىم-بۇتاعىنىڭ باسشىسى — سۋار ۇلى نەتانەل+. 6 ونىڭ جاساعى ساناقتان وتكەن 54400 ەر ادامنان تۇرادى+. 7 ياھۋدا رۋىنىڭ جانىنا قوسىن تىگەتىن كەلەسى رۋ — زابۋلون. زابۋلون ٷرىم-بۇتاعىنىڭ باسشىسى — حەلون ۇلى ەلياپ+. 8 ونىڭ جاساعى ساناقتان وتكەن 57400 ەر ادامنان تۇرادى+.
9 سونىمەن، ياھۋدا رۋى باستاعان قوستىڭ جاساعى ساناقتان وتكەن 186400 ەر ادامنان تۇرادى. جولعا شىعاردا، ولار قوسىن ٴبىرىنشى بولىپ جيناسىن+.
10 وڭتۇستىك جاعىنا رۋبەن رۋى+ باستاعان ٷش رۋلى ٴبولىم ٶز جاساعىمەن بىرگە ورنالاسسىن. رۋبەن ٷرىم-بۇتاعىنىڭ باسشىسى — شەدەۋر ۇلى ەليسۋر+. 11 ونىڭ جاساعى ساناقتان وتكەن 46500 ەر ادامنان تۇرادى+. 12 رۋبەن رۋىنىڭ جانىنا شيمون رۋى قوسىن تىكسىن. شيمون ٷرىم-بۇتاعىنىڭ باسشىسى — سۋريشاداي ۇلى شەلۋميەل+. 13 ونىڭ جاساعى ساناقتان وتكەن 59300 ەر ادامنان تۇرادى+. 14 رۋبەن رۋىنىڭ جانىنا قوسىن تىگەتىن كەلەسى رۋ — عاد. عاد ٷرىم-بۇتاعىنىڭ باسشىسى — دەۋەل* ۇلى ەلياساپ+. 15 ونىڭ جاساعى ساناقتان وتكەن 45650 ەر ادامنان تۇرادى+.
16 سونىمەن، رۋبەن رۋى باستاعان قوستىڭ جاساعى ساناقتان وتكەن 151450 ەر ادامنان تۇرادى. جولعا شىعاردا، ولار قوسىن ەكىنشى بولىپ جيناسىن+.
17 كەزدەسۋ شاتىرىن الىپ جۇرگەندە+، لەۋىلىكتەر وزگە قوستاردىڭ ورتاسىندا ٴجۇرۋ كەرەك.
يسرايلدىكتەر جولعا شىققاندا، قوستارىنىڭ ورنالاسۋ تارتىبىمەن ٴجۇرىپ وتىرسىن+، ياعني اركىم ٷش رۋلى بولىمىندەگى ٶز ورنىن وزگەرتپەسىن.
18 باتىس جاعىندا ەفرەم رۋى باستاعان ٷش رۋلى ٴبولىم ٶز جاساعىمەن بىرگە ورنالاسسىن. ەفرەم ٷرىم-بۇتاعىنىڭ باسشىسى — ٵميحۋد ۇلى ەليشاما+. 19 ونىڭ جاساعى ساناقتان وتكەن 40500 ەر ادامنان تۇرادى+. 20 ەفرەم رۋىنىڭ جانىنا ماناسا رۋى+ قوسىن تىكسىن. ماناسا ٷرىم-بۇتاعىنىڭ باسشىسى — پەداسۋر ۇلى گاماليەل+. 21 ونىڭ جاساعى ساناقتان وتكەن 32200 ەر ادامنان تۇرادى+. 22 ەفرەم رۋىنىڭ جانىنا قوسىن تىگەتىن كەلەسى رۋ — بەنيامين. بەنيامين ٷرىم-بۇتاعىنىڭ باسشىسى — گەدەوني ۇلى ٵبيدان+. 23 ونىڭ جاساعى ساناقتان وتكەن 35400 ەر ادامنان تۇرادى+.
24 سونىمەن، ەفرەم رۋى باستاعان قوستىڭ جاساعى ساناقتان وتكەن 108100 ەر ادامنان تۇرادى. جولعا شىعاردا، ولار قوسىن ٷشىنشى بولىپ جيناسىن+.
25 سولتۇستىك جاعىندا دان رۋى باستاعان ٷش رۋلى ٴبولىم ٶز جاساعىمەن بىرگە ورنالاسسىن. دان ٷرىم-بۇتاعىنىڭ باسشىسى — ٵميشاداي ۇلى احيەزەر+. 26 ونىڭ جاساعى ساناقتان وتكەن 62700 ەر ادامنان تۇرادى+. 27 دان رۋىنىڭ جانىنا اشير رۋى قوسىن تىكسىن. اشير ٷرىم-بۇتاعىنىڭ باسشىسى — وحران ۇلى پاگيەل+. 28 ونىڭ جاساعى ساناقتان وتكەن 41500 ەر ادامنان تۇرادى+. 29 دان رۋىنىڭ جانىنا قوسىن تىگەتىن كەلەسى رۋ — نافتاليم. نافتاليم ٷرىم-بۇتاعىنىڭ باسشىسى — ەنان ۇلى احيرا+. 30 ونىڭ جاساعى ساناقتان وتكەن 53400 ەر ادامنان تۇرادى+.
31 سونىمەن، دان رۋى باستاعان قوستىڭ جاساعى ساناقتان وتكەن 157600 ەر ادامنان تۇرادى. جولعا شىعاردا، ولار ٷش-ٷش رۋدان تۇراتىن بولىمدەردىڭ ەڭ سوڭعىسى بولىپ قوسىن جيناسىن+».
32 اۋلەتتەرى بويىنشا ساناقتان وتكەن يسرايلدىكتەر، مىنە، وسىلار. يسرايل قوسىنداعى شايقاسقا جارامدى ەر ادامداردىڭ جالپى سانى 603550 بولدى+. 33 ەحوبانىڭ مۇساعا ايتقان بۇيرىعىنا ساي، لەۋىلىكتەر وزگە يسرايلدىكتەرمەن بىرگە تىركەۋگە الىنعان جوق+. 34 يسرايلدىكتەر ەحوبانىڭ مۇساعا بۇيىرعانىنىڭ ٴبارىن ىستەدى. ولار وسىلايشا ٷش رۋلى ٶز بولىمدەرىمەن بىرگە شاتىر تىگەتىن+ ٵرى جولعا جينالاتىن بولدى+. اركىم ٶز وتباسىمەن، ٶز اۋلەتىمەن بىرگە كوشىپ-قونىپ ٴجۇردى.