بيلەر
6 بۇدان كەيىن يسرايلدىكتەر قايتادان ەحوباعا ۇنامسىز ىستەر جاساي باستادى+. سوندىقتان ەحوبا ولاردى جەتى جىلعا مادياندىقتاردىڭ قولىنا بەردى+. 2 مادياندىقتاردان قىسىم كورگەن ولار تاۋلاردا، ۇڭگىرلەر مەن جەتۋ قيىن جەرلەردە جاسىرىناتىن ورىندار* جاساپ الدى+. 3 يسرايلدىكتەر ەگىن ەكسە، مادياندىقتار، امالەكتىكتەر+ مەن شىعىس تۇرعىندارى+ ولارعا شاپقىنشىلىق جاسايتىن. 4 ولار يسرايلگە قارسى قوس تىگەتىن دە، جەردىڭ ٶنىمىن سوناۋ گازاعا دەيىن جويىپ جىبەرەتىن. ەلدە ازىق-تۇلىك تە، ٸرىلى-ۇساقتى مال دا، ەسەك تە قالدىرمايتىن+. 5 جاۋ مالدارىمەن، شاتىرلارىمەن كەلىپ، شەگىرتكەدەي قاپتايتىن+. سەبەبى وزدەرى دە، تۇيەلەرى دە سانسىز كوپ ەدى+. ولار جەردى تالان-تاراج ەتىپ قۇرتۋعا كەلەتىن. 6 سودان يسرايل مادياندىقتاردىڭ كەسىرىنەن ابدەن ازىپ-توزىپ، ەحوبادان كومەك سۇراپ جالبارىندى+.
7 ولار مادياندىقتاردان قۇتقارۋىن سۇراپ ەحوباعا جالبارىنعاندا+، 8 ەحوبا مىنا حابارمەن ٴبىر پايعامباردى جىبەردى: «يسرايلدىڭ قۇدايى ەحوبا بىلاي دەيدى: —مەن سەندەردى مىسىردان الىپ شىعىپ، قۇلدىقتان بوساتتىم+. 9 مىسىرلىقتاردان جانە قىسىم كورسەتكەندەردىڭ بارىنەن ازات ەتتىم. جاۋلارىڭدى قۋىپ شىعىپ، جەرلەرىن سەندەرگە بەردىم+. 10 بۇعان قوسا، «مەن سەندەردىڭ قۇدايلارىڭ ەحوبامىن+. وزدەرىڭ جەرىندە تۇرىپ جاتقان امورلىقتاردىڭ قۇدايلارىنان قورىقپاڭدار» دەگەن ەدىم+. ٴبىراق سەندەر قۇلاق اسپادىڭدار+».
11 كەيىنىرەك ابيەزەر+ ۇرپاعى جوعاشتىڭ يەلىگىندەگى وفراعا ەحوبانىڭ پەرىشتەسى كەلىپ+، ۇلكەن اعاشتىڭ استىندا وتىردى. ول كەزدە جوعاشتىڭ ۇلى گەدەون+ جيناعان بيدايىن مادياندىقتاردان تىعىپ قويۋ ٷشىن، ٴجۇزىم سىعاتىن ورىندا باستىرىپ جاتقان بولاتىن. 12 وعان ەحوبانىڭ پەرىشتەسى كورىنىپ: «مىقتى سارباز، ەحوبا ساعان جار+»،— دەدى. 13 بۇعان گەدەون: «كەشىرىڭىز، مىرزا، ەحوبا بىزگە جار بولسا، وندا بۇنىڭ ٴبارى نەگە باسىمىزعا ٴتۇستى+؟ اكەلەرىمىز «ەحوبا ٴبىزدى مىسىردان الىپ شىقتى» دەۋشى ەدى، ونىڭ سول كەرەمەت ىستەرىنىڭ ٴبارى قايدا+؟ ەندى بولسا ەحوبا بىزدەن باس تارتىپ+، مادياندىقتاردىڭ قولىنا بەرىپ وتىر»،— دەپ جاۋاپ بەردى. 14 سوندا ەحوبا وعان قاراپ بىلاي دەدى: «وسى كۇشىڭمەن بار. سەن يسرايلدى مادياننىڭ قولىنان قۇتقاراسىڭ+. سەنى جۇمساپ تۇرعان مەن ەمەسپىن بە؟!» 15 سوندا گەدەون: «كەشىرشى، ەحوبا، ٴبىراق مەن يسرايلدى قالاي قۇتقارامىن؟ مەنىڭ اۋلەتىم* ماناسا رۋىنىڭ ىشىندە ەڭ كىشىگى. ٶزىم دە اكەمنىڭ ۇيىندە ەڭ كىشىگىمىن»،— دەدى. 16 ٴبىراق ەحوبا: «مەن ساعان جار بولامىن+، سوندىقتان سەن مادياندىقتاردىڭ ٴبارىن ٴبىر-اق كىسىنى ولتىرگەندەي قىرىپ تاستايسىڭ»،— دەپ جاۋاپ بەردى.
17 بۇعان ول مىنانى ايتتى: «ەگەر مەن ىقىلاسىڭا يە بولسام، مەنىمەن سويلەسىپ تۇرعان ٶزىڭ ەكەنىن راستايتىن بەلگى بەرشى. 18 سي-تارتۋىمدى اكەلىپ، الدىڭا قويعانىمشا وسى جەردەن كەتىپ قالماشى+». پەرىشتە: «قايتىپ كەلگەنىڭشە وسىندا بولامىن»،— دەدى. 19 سوندا گەدەون بارىپ، ٴبىر لاق سويىپ، ەتىن استى، ٴبىر ەفا* ۇننان اشىتقىسىز كۇلشە ٴپىسىردى+. سوسىن ەتتى سەبەتكە سالىپ، سورپاسىن ىدىسقا قۇيدى دا، ۇلكەن اعاشتىڭ استىنا اپارىپ، داستارقان جايدى.
20 شىنايى قۇدايدىڭ پەرىشتەسى وعان: «ەت پەن كۇلشەلەردى ال دا، اناۋ تۇرعان ۇلكەن تاسقا قويىپ، ۇستىنە سورپانى قۇي»،— دەدى. گەدەون سولاي ەتتى. 21 سوندا ەحوبانىڭ پەرىشتەسى اساتاياعىنىڭ ۇشىن ەت پەن كۇلشەلەرگە تيگىزدى. سول-اق ەكەن تاستان وت شىعىپ، ەت پەن كۇلشەلەردى جالماپ قويدى+. ال ەحوبانىڭ پەرىشتەسى عايىپ بولدى. 22 گەدەون بولسا ەحوبانىڭ پەرىشتەسىمەن سويلەسكەنىن ٴتۇسىنىپ+، بىلاي دەدى: «ۋا، الەمنىڭ ٵمىرشىسى ەحوبا، مەن قاسىرەتكە قالدىم! ويتكەنى، ەحوبا، سەنىڭ پەرىشتەڭمەن جۇزدەستىم+». 23 ٴبىراق ەحوبا وعان: «ۋايىمداما*، قورىقپا دا+، سەن ولمەيسىڭ»،— دەپ جاۋاپ بەردى. 24 گەدەون سول جەردە قۇرباندىق ورنىن جاسادى. كۇنى بۇگىنگە دەيىن ابيەزەر ۇرپاقتارىنىڭ يەلىگىندەگى وفرادا تۇرعان سول قۇرباندىق ورنى ٵلى دە ەحوبا-شالوم*+ دەپ اتالادى.
25 سول ٴتۇنى ەحوبا گەدەونعا مىنانى ايتتى: «اكەڭنىڭ بۇقاسىن، جەتى جاسار ەكىنشى بۇقاسىن ال. ونىڭ باعالعا ارناپ جاساعان قۇرباندىق ورنى مەن قاسىندا تۇرعان قاسيەتتى باعانانى* قيراتىپ تاستا+. 26 سوسىن ەحوبا قۇدايىڭا مىنا توبەدە تاستان قۇرباندىق ورنىن قالاپ، ونىڭ ۇستىندە الگى بۇقانى تۇگەل ورتەپ جىبەر، ال قيراتىپ تاستاعان قاسيەتتى باعانانى وتىن قىل». 27 سوندا گەدەون ون قىزمەتشىسىن ەرتىپ الدى دا، ەحوبانىڭ بۇيرىعىن تۇگەل ورىندادى. ٴبىراق اكەسىنىڭ ٷي ىشىندەگىلەرى مەن قالا تۇرعىندارىنان قورىققاندىقتان مۇنى كۇندىز ەمەس، تۇندە ىستەدى.
28 ەرتەڭىنە قالا تۇرعىندارى ەرتە تۇرىپ، كەلىپ قاراسا، بىرەۋ باعالدىڭ قۇرباندىق ورنىن قيراتىپ، قاسىنداعى قاسيەتتى باعانانى كەسىپ تاستاپتى. ال جاڭادان جاسالعان قۇرباندىق ورنىندا ەكىنشى بۇقانى ورتەپ جىبەرىپتى. 29 ولار ٴبىر-بىرىنەن: «مۇنى كىم ىستەدى؟»— دەپ سۇرادى. تەكسەرىپ، ىزدەستىرگەننەن كەيىن: «مۇنى ىستەگەن — جوعاشتىڭ ۇلى گەدەون»،— دەستى. 30 سوسىن جوعاشقا كەلىپ: «ۇلىڭدى بەرى شىعار! باعالدىڭ قۇرباندىق ورنىن قيراتىپ، قاسىنداعى قاسيەتتى باعانانى كەسىپ تاستاعانى ٷشىن ول ٶلۋى ٴتيىس!»— دەدى. 31 جوعاش+ وزىنە قارسى شىققاندارعا بىلاي جاۋاپ بەردى: «باعالدى قورعايتىن، ونى امان الىپ قالاتىن سەندەر مە ەدىڭدەر؟ ونى قورعايتىن كەز كەلگەن ادام قازىر، وسى تاڭدا-اق ٶلىم قۇشادى+. بىرەۋ باعالدىڭ قۇرباندىق ورنىن قيراتقان ەكەن، ەگەر باعال قۇداي بولسا، ٶزىن-ٶزى قورعاسىن+». 32 سول كۇنى ول: «بىرەۋ باعالدىڭ قۇرباندىق ورنىن قيراتقان ەكەن، ول ٶزىن قورعاپ السىن»،— دەپ، گەدەوندى ەرۋباعال* دەپ اتادى.
33 مادياندىقتار+، امالەكتىكتەر+ مەن شىعىس تۇرعىندارى اسكەرلەرىن بىرىكتىردى+. ولار وزەننەن ٶتىپ، ەزرەحەل اڭعارىنا قوس تىكتى. 34 سوندا گەدەونعا ەحوبانىڭ رۋحى قونىپ، بويىن بيلەدى+. ول كەرنەيلەتكەندە+، ابيەزەر+ ۇرپاقتارى جينالىپ، سوڭىنان ەردى. 35 گەدەون بۇكىل ماناسا رۋىنا شابارماندار جىبەردى دە، ولار دا سوڭىنان ەردى. سونداي-اق ول اشير، زابۋلون جانە نافتاليم رۋلارىنا دا شابارماندار جىبەرىپ، ولار دا قاسىنا جينالدى.
36 گەدەون شىنايى قۇدايعا بىلاي دەدى: «ٶزىڭ ۋادە ەتكەندەي، يسرايلدى مەن ارقىلى قۇتقاراتىنىڭا كوز جەتكىزۋىم ٷشىن+، 37 قىرمانعا قويدىڭ ٴجۇنىن جايىپ قويايىن. ەگەر جۇنگە شىق ٴتۇسىپ، ال جەر قۇرعاق كۇيى قالسا، ٶزىڭ ۋادە ەتكەندەي، يسرايلدى مەن ارقىلى قۇتقاراتىنىڭدى بىلەتىن بولامىن». 38 ٴبارى دە تاپ سولاي بولدى. ەرتەڭىنە گەدەون ەرتە تۇرىپ، ٴجۇندى سىعىپ ەدى، ودان ۇلكەن توستاق تولاتىنداي سۋ شىقتى. 39 ٴبىراق گەدەون شىنايى قۇدايعا: «تاعى ٴبىر ٶتىنىش ايتسام، ماعان قاھارلانا كورمە. وتىنەمىن، جۇنمەن تاعى ٴبىر سىناق جاسايىنشى. ەندى شىق تەك جەرگە ٴتۇسىپ، ال ٴجۇن قۇرعاق كۇيىندە قالسا ەكەن»،— دەدى. 40 سول ٴتۇنى قۇداي تاپ سولاي ەتتى: تەك ٴجۇن قۇرعاق كۇيى قالىپ، بۇكىل جەرگە شىق ٴتۇستى.