بيلەر
2 بۇدان كەيىن ەحوبانىڭ پەرىشتەسى+ عىلعالدان+ بوحيمگە كەلىپ، بىلاي دەدى: «مەن سەندەردى مىسىردان الىپ شىعىپ، اتا-بابالارىڭا بەرەمىن دەپ انت ەتكەن جەرگە اكەلدىم+. ونىڭ ۇستىنە، مەن: —سەندەرمەن جاساسقان كەلىسىمىمدى ەشقاشان بۇزبايمىن+. 2 ال سەندەر وسى جەردىڭ تۇرعىندارىمەن كەلىسىم جاساسپاڭدار+. ولاردىڭ قۇرباندىق ورىندارىن بۇزىپ تاستاڭدار+،— دەگەن ەدىم. ٴبىراق سەندەر سوزدەرىمە قۇلاق اسپادىڭدار+. نەگە بۇلاي ەتتىڭدەر؟ 3 سوندىقتان مەن: —بۇل حالىقتاردى ارالارىڭنان الاستاتپايمىن+. ولاردىڭ وزدەرى سەندەر ٷشىن تور+، ال قۇدايلارى تۇزاق بولادى،— دەدىم+».
4 ەحوبانىڭ پەرىشتەسى وسى سوزدەردى ايتقاندا، كۇللى يسرايلدىكتەر ايقايلاپ جىلاي باستادى. 5 سوندىقتان سول جەردى بوحيم* دەپ اتادى. ٴسۇيتىپ، سول جەردە ەحوباعا ارناپ قۇرباندىق شالدى.
6 ەشۋا حالىقتى تاراتقان سوڭ، ٶز ۇلەسىنە تيگەن جەردى يەمدەنۋ ٷشىن يسرايلدىكتەردىڭ ٴارقايسىسى مۇرالى يەلىگىنە كەتتى+. 7 جۇرت ەشۋانىڭ، سونداي-اق ودان ۇزاعىراق جاساعان ٵرى ەحوبانىڭ يسرايلدىڭ يگىلىگى ٷشىن ىستەگەن بارلىق ۇلى ىستەرىن كورگەن اقساقالداردىڭ كوزى تىرىسىندە ەحوباعا قىزمەت ەتىپ ٴجۇردى+. 8 ەحوبانىڭ قىزمەتشىسى نۇن ۇلى ەشۋا 110 جاسقا كەلىپ قايتىس بولدى+. 9 ونىڭ سۇيەگى گاعاش تاۋىنىڭ سولتۇستىگىندەگى ەفرەمنىڭ تاۋلى وڭىرىندە ورنالاسقان تيمنات-حەرەسكە*+، ٶزىنىڭ مۇرالى يەلىگىنە قويىلدى+. 10 سونداي-اق ونىڭ زامانداستارىنىڭ ٴبارى دۇنيە سالدى، ال ولاردىڭ ورنىنا ەحوبانى دا، ونىڭ يسرايلگە جاساعان ىستەرىن دە بىلمەيتىن ۇرپاق كەلدى.
11 سودان يسرايلدىكتەر ەحوباعا ۇنامسىز ىستەر جاساپ، باعالدارعا تابىناتىن بولدى+. 12 ولار اكەلەرىن مىسىردان الىپ شىققان قۇدايلارى ەحوبادان باس تارتىپ+، بوتەن قۇدايلاردىڭ، اينالاسىنداعى حالىقتاردىڭ قۇدايلارىنىڭ، جەتەگىندە كەتتى+ جانە سولارعا تابىنىپ، ەحوبانىڭ جۇرەگىن اۋىرتتى+. 13 وسىلايشا ەحوبادان باس تارتىپ، باعال مەن اشتار مۇسىندەرىنە قىزمەت ەتەتىن بولدى+. 14 سوندىقتان يسرايلدىكتەرگە ەحوبانىڭ قاھارى لاۋلاپ، ولاردى تالان-تاراج ەتەتىن توناۋشىلاردىڭ قولىنا بەردى+. قۇداي ٶز حالقىن اينالاسىنداعى جاۋلارىنىڭ قولىنا بەردى+، ٴسۇيتىپ، ولار بۇدان بىلاي جاۋلارىنا قارسى تۇرا المايتىن بولدى+. 15 قايدا بارسا دا، ەحوبا ولارعا قارسى بولىپ، پالەگە ۇشىراتىپ وتىردى+. بۇلاي ىستەيتىنىن ەحوبانىڭ ٶزى ايتىپ، ەحوبانىڭ ٶزى انت ەتكەن ەدى+. وسىلايشا يسرايلدىكتەر اسا مۇشكىل جاعدايعا ٴتۇستى+. 16 سوندا ەحوبا حالقىن توناۋشىلاردان قۇتقارۋ ٷشىن بيلەر تاعايىنداي باستادى+.
17 الايدا ولار بيلەرگە دە قۇلاق اسپاي، بوتەن قۇدايلارعا تابىنىپ، سولارمەن ازعىندىق جاساۋلارىن قويمادى. ولار اتا-بابالارىنىڭ جولىنان لەزدە تايىپ كەتتى. اتا-بابالارى ەحوبانىڭ بۇيرىقتارىنا مويىنسۇنعان ەدى+، ال بۇلار ولاي ەتپەدى. 18 ەحوبا بي تاعايىنداعان سايىن+، ونى ەحوبانىڭ ٶزى قولدايتىن، ٵرى ول تورەلىك ەتىپ وتىرعان كەزدىڭ بارىندە حالقىن جاۋ قولىنان قۇتقاراتىن. سەبەبى حالقى قاناۋشىلارىنان جاپا شەگىپ+، جابىرلەۋشىلەرىنىڭ كەسىرىنەن كۇڭىرەنگەندە، ەحوبانىڭ ولارعا جانى اشيتىن+.
19 ٴبىراق بي دۇنيەدەن وتكەندە، حالىق قايتادان ٶز جولدارىنا تۇسەتىن دە، بوتەن قۇدايلارعا قۇلشىلىق ەتىپ، سولارعا تابىنىپ، اكەلەرىنىكىنەن دە سوراقى ىستەر ىستەيتىن+. ولار جاساپ جاتقان قىلىقتارىن دوعارمادى، قيقارلىقتارىن دا قويمادى. 20 اقىر سوڭىندا يسرايلگە ەحوبانىڭ قاھارى لاۋلاپ+، بىلاي دەدى: «بۇل حالىق اتا-بابالارىمەن جاساسقان كەلىسىمىمدى بۇزدى+، ماعان مويىنسۇنبادى+. 21 سوندىقتان مەن دە ەشۋانىڭ كوزى تىرىسىندە جويىلماي، وسى جەردە قالىپ قويعان حالىقتاردىڭ بىردە-بىرەۋىن ارالارىنان الاستاتپايمىن+. 22 بۇنى اكەلەرى ىسپەتتى ەحوبانىڭ جولدارىمەن جۇرە مە، جوق پا — سونى تەكسەرۋ ٷشىن ىستەيمىن+». 23 ٴسۇيتىپ، ەحوبا باسقا حالىقتاردى ارالارىنان بىردەن الاستاتپاي، سول جەردە قالدىردى. كەزىندە ولاردى ەشۋانىڭ اياعىنا جىعىپ بەرمەگەن ەدى.