سامۋيلدىڭ 2-جازباسى
3 ساۋل مەن ٴداۋىت ٷيىنىڭ اراسىنداعى سوعىس كوپكە سوزىلدى. ٴداۋىت كۇشەيگەن ۇستىنە كۇشەيە ٴتۇستى+، ال ساۋلدىڭ ٷيى السىرەي بەردى+.
2 حەبروندا تۇرعانىندا ٴداۋىت بىرنەشە ۇلدىڭ اكەسى بولدى+. ونىڭ ەزرەحەلدىك ايەلى احينوعامنان+ تۇڭعىش ۇلى امنون+ تۋىلدى. 3 كارميلدىك نابالدىڭ جەسىرى ابيگەلدەن+ ەكىنشى ۇلى كەلەپ، ال گەسۋر پاتشاسى تالمايدىڭ+ قىزى ماعاقتان ٷشىنشى ۇلى ابەسسالوم+ دۇنيەگە كەلدى. 4 حاگيتتەن ٴتورتىنشى ۇلى ادونياح+، ٵبيتالدان بەسىنشىسى شافاتياح تۋىلدى. 5 ەگلا داۋىتكە التىنشى ۇلى يتەرامدى تۋىپ بەردى. بۇلار ٴداۋىتتىڭ حەبروندا دۇنيەگە كەلگەن ۇلدارى.
6 ساۋل مەن ٴداۋىت ٷيىنىڭ اراسىنداعى سوعىس جالعاسىپ جاتقاندا، ابىنەر+ ساۋل ۇيىندە ٶز بيلىگىن نىعايتا بەردى. 7 ساۋلدىڭ ريسپا دەگەن كانيزاگى بولاتىن+. ول اياحتىڭ قىزى ەدى. بىردە يشبوشەت+ ابىنەرگە: «اكەمنىڭ كانيزاگىمەن نەگە جاقىنداستىڭ؟»+— دەدى. 8 بۇعان ابىنەر قاتتى اشۋلانىپ، بىلاي دەدى: «مەن نە، ياھۋدانىڭ توبەتى مە ەدىم؟! مەن اكەڭ ساۋلدىڭ ٷي ىشىنە، باۋىرلارى مەن دوستارىنا اينىماس سۇيىسپەنشىلىك تانىتىپ ٴجۇرمىن. ساعان دا وپاسىزدىق جاساپ ٴداۋىتتىڭ ۋىسىنا بەرگەن جوقپىن. ال سەن مەنى ايەلگە بولا ايىپتاپ وتىرسىڭ. 9 وسىدان قاراپ تۇر، ەحوبانىڭ داۋىتكە بەرگەن ۋادەسىن ورىنداماسام+، قۇداي ابىنەردى جازالاعان ۇستىنە جازالاسىن. 10 قۇداي ساۋلدىڭ ۇيىنەن پاتشالىقتى تارتىپ الىپ، ٴداۋىتتى داننان بەر-شەباعا دەيىن بۇكىل يسرايل+ مەن ياھۋدا جەرىنە پاتشا ەتۋدى ۋادە ەتكەن ەدى!» 11 يشبوشەت بۇعان ٴلام-ميم دەمەدى، ويتكەنى ول ابىنەردەن قورقاتىن+.
12 ابىنەر بىردەن داۋىتكە حابارشىلار جىبەرىپ: «بۇل جەردىڭ يەسى كىم ەكەنىن بىلەسىڭ عوي. مەنىمەن كەلىسىم جاساس، سوندا بۇكىل يسرايلدى سەنىڭ جاعىڭا شىعارۋ ٷشىن قولىمنان كەلگەننىڭ ٴبارىن ىستەيمىن»،— دەگەن حابار جولدادى+. 13 ٴداۋىت بۇعان: «جارايدى، كەلىستىك. تەك ٴبىر ٶتىنىشىم بار: ماعان ساۋلدىڭ قىزى ميحالدى+ الىپ كەل، ايتپەسە ٴجۇزىمدى كورمەيسىڭ»،— دەپ جاۋاپ بەردى. 14 بۇدان كەيىن ول ساۋل ۇلى يشبوشەتكە+ حابارشىلار جىبەرىپ: «ٴجۇز ٴفىلىستىردىڭ سۇندەت تەرىسىن بەرىپ، ايەلدىككە العان ميحالدى+ وزىمە قايتار»،— دەدى. 15 سودان يشبوشەت ادامدارىن جىبەرىپ، ميحالدى كۇيەۋى ٴلايشتىڭ ۇلى پالتيەلدەن الدىرتتى+. 16 ول ميحالعا ىلەسىپ، باحۋريمگە+ دەيىن جىلاپ كەلدى. ابىنەر: «ۇيىڭە قايت!»— دەگەننەن كەيىن عانا، كەرى قايتتى.
17 سول ەكى ارادا ابىنەر يسرايل اقساقالدارىنا حابار جىبەرىپ، مىنانى ايتتى: «سىزدەر ٴبىرازدان بەرى ٴداۋىتتىڭ پاتشا بولعانىن قالاپ جۇرسىزدەر. 18 ەحوبا داۋىتكە «حالقىم يسرايلدى فىلىستىرلەردەن جانە بارلىق جاۋلارىنان قىزمەتشىم ٴداۋىتتىڭ+ قولىمەن قۇتقارامىن» دەگەن جوق پا؟ ەندەشە، ىسكە كىرىسىڭىزدەر». 19 ابىنەر بەنيامين رۋىمەن+ دە سويلەستى. سودان سوڭ يسرايلدىكتەر مەن بەنياميندىكتەردىڭ شەشىمىن وڭاشادا داۋىتكە ايتۋ ٷشىن حەبرونعا جول تارتتى.
20 ابىنەر قاسىنا 20 ادام ەرتىپ حەبرونعا كەلگەندە، ٴداۋىت ولاردىڭ قۇرمەتىنە توي جاسادى. 21 ول داۋىتكە: «مەن بارىپ، كۇللى يسرايلدى پاتشا يەمنىڭ الدىنا جيناپ اكەلەيىن. سەن ولارمەن كەلىسىم جاساسقان سوڭ، ٶزىڭ قالاعاننىڭ بارلىعىنا پاتشا بولاسىڭ»،— دەدى. سودان كەيىن ٴداۋىت ونىمەن جىلى قوشتاسىپ، جونىنە جىبەردى.
22 وسى كەزدە جوعاب پەن ٴداۋىتتىڭ قىزمەتشىلەرى مول ولجامەن جورىقتان كەلە جاتتى. ابىنەر بولسا حەبروننان كەتىپ قالعان ەدى، سەبەبى ٴداۋىت ونىمەن جىلى قوشتاسىپ، جونىنە جىبەرگەن بولاتىن. 23 جوعاب+ پەن بۇكىل ساربازدار قالاعا كەلگەندە، جوعاب «پاتشاعا نەر+ ۇلى ابىنەر+ كەلدى. پاتشا ونى جىبەرە سالدى دا، ول امان-ەسەن ٶز جونىنە كەتتى» دەگەن حابار الدى. 24 سوندا ول پاتشاعا بارىپ: «بۇل نە ىستەگەنىڭ؟ ساعان ابىنەر كەلىپتى عوي. نەگە ونى جىبەرە سالدىڭ؟ 25 نەر ۇلى ابىنەردى بىلمەۋشى مە ەدىڭ؟ ول سەنى الداپ، باسقان ٵر قادامىڭدى، ىستەگەن ٵر ٸسىڭدى ٴبىلىپ الۋ ٷشىن كەلدى!»— دەدى.
26 جوعاب ٴداۋىتتىڭ الدىنان كەتكەن سوڭ، ابىنەردىڭ ارتىنان حابارشىلار جىبەرىپ، ونى سيرا سۋ قويماسىنىڭ تۇسىنان كەرى قايتاردى. ٴداۋىت بۇدان بەيحابار ەدى. 27 ابىنەر حەبرونعا جەتكەندە+، جوعاب قاقپا ماڭىندا ونىمەن وڭاشا سويلەسپەك بولعانسىپ ارىرەك اپاردى دا، ىشىنە سەمسەرىن سۇعىپ الدى+. وسىلاي باۋىرى اساحەلدىڭ قانى ٷشىن كەك الدى+. 28 ٴداۋىت كەيىنىرەك بۇل تۋرالى ەستىگەندە: «ٶزىم دە، پاتشالىعىم دا ەحوبانىڭ الدىندا نەر ۇلى ابىنەردىڭ ٶلىمى ٷشىن ەش كىنالى ەمەس+. 29 بار كىنا جوعاب پەن اكەسىنىڭ بۇكىل ٷي ٸشىنىڭ موينىنا جۇكتەلسىن+. ونىڭ اۋلەتىنەن جىنىس مۇشەسىنەن ٸرىڭ اعاتىن+، الاپەسكە ۇشىراعان+، ۇرشىق يىرەتىن ەركەك* تاۋسىلماسىن! اۋلەتىندە سەمسەردەن ولەتىن، نان سۇراپ جۇرەتىن ەركەك تە ارىلماسىن+!»— دەدى. 30 جوعاب باۋىرى ٵبىساي ەكەۋى+ گيبەونداعى شايقاستا باۋىرلارى اساحەلدى ولتىرگەنى ٷشىن+ ابىنەردىڭ+ كوزىن قۇرتتى.
31 ٴداۋىت جوعاب پەن قاسىنداعىلارعا: «كيىمدەرىڭنىڭ ٶڭىرىن جىرتىپ، بەلدەرىڭە قارا ماتا بايلاپ، ابىنەردى جوقتاڭدار»،— دەدى. ٶزى دە ٴمايىت سالىنعان زەمبىلدىڭ سوڭىنان ەردى. 32 ابىنەردىڭ سۇيەگى حەبرونعا قويىلدى. پاتشا ونىڭ ٴقابىرىنىڭ باسىندا داۋىس كوتەرىپ جىلادى، جينالعانداردىڭ ٴبارى دە كوز جاسىنا ەرىك بەردى. 33 ٴداۋىت:
«ابىنەر وسىلاي، اقىماق كىسىدەي، ٶلۋى كەرەك پە ەدى؟!
34 ەشكىم قولىڭدى كىسەندەگەن دە،
اياعىڭدى بۇعاۋلاعان دا جوق ەدى.
ادىلەتسىزدەردىڭ قولى عوي سەنى جەرگە جىققان+!»— دەپ ابىنەردى جوقتاعاندا، بارلىعى قايتادان ەڭىرەپ قويا بەردى.
35 جۇرت ٴداۋىتتى جۇباتۋ ٷشىن كەش باتپاي تۇرىپ وعان تاماق اكەلدى. ٴبىراق ول: «كۇن باتقانشا استان اۋىز تيسەم+، قۇداي مەنى جازالاعان ۇستىنە جازالاسىن!»— دەپ انت ەتتى. 36 پاتشانىڭ وسىلاي ەتكەنى جۇرتقا ۇنادى. ٴداۋىت نە ىستەسە دە، حالىقتىڭ كوڭىلىنەن شىقتى. 37 سول كۇنى بۇكىل ياھۋدا مەن يسرايل حالقى نەر ۇلى ابىنەردىڭ ولىمىنە پاتشانىڭ ەش قاتىسى جوق ەكەنىنە كوز جەتكىزدى+. 38 سودان كەيىن پاتشا قىزمەتشىلەرىنە: «بۇگىن يسرايل ەلىنىڭ كىمنەن ايىرىلعانىن بىلەسىڭدەر مە؟ بەكزاداسىنان، ۇلى ادامنان ايىرىلدى+. 39 مايلانعان پاتشا بولسام دا+، مەن بۇگىن دارمەنسىزبىن. ال اناۋ سارۇيانىڭ ۇلدارى+ — وتە تاسجۇرەك ادامدار+. زۇلىمدىق ىستەيتىن ادامنىڭ قارىمتاسىن ەحوبا زۇلىم ىسىنە قاراي قايتارسىن+»،— دەدى.