سامۋيلدىڭ 2-جازباسى
15 وسىدان كەيىن ابەسسالوم وزىنە اربا مەن وعان جەگىلەتىن اتتار الدى. الدىندا جۇگىرىپ جۇرەتىن 50 ادامى دا بولدى+. 2 ول تاڭەرتەڭ قالا قاقپاسىنا اپاراتىن جول بويىنا تۇرىپ الاتىن دا+، پاتشانىڭ تورەلىگىنە جۇگىنىپ+ كەلگەن ادامنان: «قاي قالادان كەلدىڭ؟»— دەپ سۇرايتىن. ول يسرايلدىڭ قاي رۋىنان ەكەنىن ايتقاندا، 3 ابەسسالوم: «بۇل ىستە شىندىق پەن ادىلدىك سەنىڭ جاعىڭدا ەكەن، ٴبىراق پاتشانىڭ سەنى تىڭدايتىن ەشكىمى جوق»،— دەيتىن. 4 ارتىنان: «مىنا ەلگە بيلىك ايتۋعا مەنى قويسا عوي! ارىزدانىپ كەلگەن ٵربىر كىسى ماعان كەلەر ەدى، ال مەن ونىڭ ماسەلەسىن ٵدىل شەشىپ بەرەر ەدىم!»— دەپ قوساتىن.
5 ال بىرەۋ الدىنا كەلىپ، تاعزىم ەتپەك بولسا، ابەسسالوم ونى قۇشاقتاپ، بەتىنەن سۇيەتىن+. 6 ول پاتشانىڭ تورەلىگىنە جۇگىنىپ كەلگەن يسرايلدىكتەردىڭ بارىنە وسىلاي ەتىپ، حالىقتىڭ جۇرەگىن جاۋلاپ، وزىنە قاراتا باستادى+.
7 ٴتورت* جىلدان كەيىن ابەسسالوم پاتشادان بىلاي دەپ ٶتىندى: «حەبرونعا+ بارىپ، ەحوباعا بەرگەن ۋادەمدى ورىنداۋعا رۇقسات ەتىڭىزشى. 8 قىزمەتشىڭىز سيرياداعى گەسۋردا+ جۇرگەندە، «ەحوبا مەنى يەرۋساليمگە قايتارسا، ەحوباعا ارناپ قۇرباندىق شالامىن» دەپ انت ەتكەن ەدى+». 9 پاتشا: «امان-ەسەن بارىپ كەل»،— دەگەن سوڭ، ابەسسالوم حەبرونعا جول تارتتى.
10 ابەسسالوم يسرايلدىڭ كۇللى رۋلارىنا تىڭشىلار جىبەرىپ: «كەرنەي داۋسىن ەستىگەندە، «ابەسسالوم حەبروندا+ پاتشا بولدى!» دەپ جار سالىڭدار»،— دەگەن حابار جولدادى. 11 وعان يەرۋساليمنەن 200 ادام ەردى. ولار ابەسسالومعا ەرۋگە شاقىرىلعانمەن، ەش ارام ويلارى جوق، ٸستىڭ ٴمان-جايىنان دا مۇلدەم بەيحابار بولاتىن. 12 قۇرباندىق شالىنىپ جاتقاندا، ابەسسالوم عيلوننان+ ٴداۋىتتىڭ كەڭەسشىسى+ احيتوپەلدى+ دە شاقىرتتى. وسىلايشا ابەسسالومدى قولدايتىنداردىڭ سانى كوبەيىپ، داۋىتكە قارسى قاستاندىق كۇشەيە ٴتۇستى+.
13 ٴبىراز ۋاقىتتان كەيىن داۋىتكە «يسرايلدىكتەردىڭ كوڭىلى ابەسسالومعا اۋىپ كەتىپتى» دەگەن حابار جەتتى. 14 ٴداۋىت مۇنى ەستي سالا، يەرۋساليمدەگى بارلىق قىزمەتشىسىنە: «جۇرىڭدەر، قاشايىق+، ايتپەسە ابەسسالومنان ەشقايسىسىمىز قۇتىلا الماي قالامىز! تەزىرەك جولعا شىعايىق، ول تاپ بەرىپ، قالاداعىلاردىڭ ٴبارىن سەمسەرمەن قىرىپ تاستاپ جۇرەر!»— دەدى+. 15 سوندا ولار: «پاتشا يەمىز نە ايتسا، قىزمەتشىلەرىڭىز سونى ىستەۋگە دايىن»+،— دەپ جاۋاپ بەردى. 16 وسىلايشا پاتشا بۇكىل ٷي ىشىمەن جولعا شىعىپ، ون كانيزاگىن+ عانا ٷيدى قاداعالاۋعا قالدىرىپ كەتتى. 17 پاتشا مەن وعان ەرگەندەردىڭ ٴبارى بەت-مەرحاققا كەلىپ توقتادى.
18 قىزمەتشىلەرىنىڭ ٴبارى پاتشانىڭ الدىنان ٶتىپ جاتتى. ول ٶتىپ جاتقان كۇللى كەرەتتىكتەر مەن پەلەتتىكتەردى+ جانە كۇللى عاتتىقتاردى+، عات قالاسىنان+ وعان* قوسىلىپ شىققان 600 ادامدى، باقىلاپ تۇردى. 19 سوسىن پاتشا يتتايعا+ بىلاي دەدى: «بىزگە نەگە ەردىڭ؟ بارىپ، جاڭا پاتشانىڭ قاسىندا قال. ويتكەنى سەن جاتجەرلىكسىڭ، ونىڭ ۇستىنە، ٶز ەلىڭنەن قۋىلعانسىڭ. 20 كەلگەنىڭ كەشە عانا، ال بۇگىن قاشان جانە قايدا جۇرەرىمدى بىلمەي تۇرعاندا، سەنى وزىممەن بىرگە قاڭعىرىپ جۇرۋگە قالاي ماجبۇرلەيمىن؟ باۋىرلارىڭدى الىپ، كەرى قايت. ەحوبا ساعان اينىماس سۇيىسپەنشىلىك پەن ادالدىق تانىتسىن+!» 21 بۇعان يتتاي: «ٴتىرى قۇداي ەحوبا مەن پاتشا يەمنىڭ الدىندا شىن ايتامىن*، پاتشا اعزام قايدا بارسا، مەن دە سوندا بارامىن. قىزمەتشىڭىز سىزبەن بىرگە ولۋگە دە دايىن!»— دەدى+. 22 ٴداۋىت وعان: «وندا، جارايدى، وتە بەر»،— دەپ جاۋاپ بەردى. ٴسۇيتىپ، عاتتىق يتتاي+ ادامدارى مەن بالا-شاعاسىن الىپ، پاتشانىڭ الدىنان ٶتتى.
23 جۇرت پاتشانىڭ الدىنان ٶتىپ جاتقاندا، سول جەردىڭ تۇرعىندارىنىڭ ٴبارى داۋىستاپ جىلاپ تۇردى. پاتشا قيدرون اڭعارىندا+ تۇرعان ەدى، ال جۇرت ونىڭ الدىنان ٴشول دالاعا اپاراتىن جولمەن ٶتىپ جاتتى. 24 ولاردىڭ اراسىندا سادىق+ جانە شىنايى قۇدايدىڭ كەلىسىم ساندىعىن+ كوتەرىپ جۇرەتىن بارلىق لەۋىلىكتەر+ دە بار ەدى+. ولار ساندىقتى جەرگە قويدى. قالادان شىققان جۇرت اڭعاردان ٶتىپ جاتقاندا، ٵبياتار+ دا سول جەرگە كەلدى. 25 پاتشا سادىققا مىنانى ايتتى: «شىنايى قۇدايدىڭ كەلىسىم ساندىعىن قالاعا قايتار+. ەگەر ەحوبانىڭ ىقىلاسىنا يە بولسام، ول مەنى دە قايتارىپ، ساندىق پەن ونىڭ تۇرعان جەرىن قايتا كورۋىمە مۇمكىندىك بەرەدى+. 26 ال «ساعان كوڭىلىم تولمايدى» دەسە، وندا ماعان نە ىستەسە دە، قابىل الۋعا دايىنمىن». 27 ول ٴدىني قىزمەتكەر سادىققا تاعى بىلاي دەدى: «سەن كورەگەن* ەمەسسىڭ بە+؟ ۇلىڭ احيماعاس پەن ٵبياتار ۇلى جوناتاندى الىپ، امان-ەسەن كەرى قايت+. 28 سەندەردەن حابار كەلگەنشە، مەن ٴشول دالاداعى وتكەلدە توسا تۇرامىن+». 29 سودان سادىق پەن ٵبياتار شىنايى قۇدايدىڭ كەلىسىم ساندىعىن الىپ، يەرۋساليمگە كەلدى دە، سوندا قالدى.
30 ٴداۋىت بولسا جىلاعان كۇيى ٴزايتۇن تاۋىنىڭ+ بوكتەرىمەن ورلەپ بارا جاتتى. ونىڭ باسى بۇركەۋلى، اياعى جالاڭاياق ەدى. قاسىنداعى ادامدارى دا باستارىن بۇركەپ، ەگىلە جىلاپ كەلە جاتتى. 31 داۋىتكە «احيتوپەل دە ابەسسالومنىڭ قاستاندىعىنا+ قوسىلىپتى»+ دەگەن حابار جەتتى. سوندا ول: «ۋا، ەحوبا، احيتوپەلدىڭ كەڭەسىن اقىماقتىققا اينالدىرا كور!»— دەدى+.
32 وسىلاي ٴداۋىت تاۋ باسىنا، جۇرت قۇدايعا سيىناتىن جەرگە جەتتى. سول جەردە ونىڭ الدىنان ارحيلىك+ حۋشاي+ شىقتى. ول كيىمىنىڭ ٶڭىرىن ايىرىپ، باسىنا توپىراق سەۋىپ الىپتى. 33 ٴداۋىت وعان بىلاي دەدى: «مەنىمەن بىرگە جۇرسەڭ، ماعان اۋىرتپالىق سالاسىڭ. 34 ال قالاعا قايتىپ، ابەسسالومعا «ۋا، پاتشا، مەن سەنىڭ قىزمەتشىڭمىن. اكەڭە قالاي قىزمەت ەتسەم، ساعان دا سولاي قىزمەت ەتەمىن» دەسەڭ+، احيتوپەلدىڭ كەڭەسىن جوققا شىعارىپ، ماعان كومەكتەسەسىڭ+. 35 ٴدىني قىزمەتكەرلەر سادىق پەن ٵبياتار دا سول جەردە سەنىمەن بىرگە بولادى. پاتشا ۇيىندە ەستىگەندەرىڭنىڭ ٴبارىن سولارعا جەتكىزىپ تۇر+. 36 سادىقتىڭ احيماعاس+، ٵبياتاردىڭ جوناتان+ دەگەن ۇلدارى دا سوندا. ەستىپ-بىلگەندەرىڭنىڭ ٴبارىن سولار ارقىلى ماعان حابارلاپ تۇرىڭدار». 37 سودان ٴداۋىتتىڭ دوسى حۋشاي+ ابەسسالوم يەرۋساليمگە كىرىپ كەلە جاتقاندا قالاعا كەلىپ جەتتى.