سامۋيلدىڭ 2-جازباسى
16 ٴداۋىت تاۋ باسىنان+ تومەندەي بەرگەندە، الدىنان مەپىبوشەتتىڭ+ قىزمەتشىسى سيبا+ شىقتى. ول ەرتتەلگەن ەكى ەسەككە 200 كۇلشە نان، 100 مەيىز كۇلشە، جازدىق ماۋەدەن* جاسالعان 100 كۇلشە، ٴبىر ۇلكەن قۇمىرا شاراپ ارتىپ الىپتى+. 2 پاتشا ودان: «مىنالاردى نە قىلاسىڭ؟»— دەپ سۇرادى. سيبا: «ەسەكتەرگە پاتشانىڭ ٷي ىشىندەگىلەر ٴمىنسىن دەپ، نان مەن جازدىق ماۋەلەردى جىگىتتەر ازىق ەتسىن، ال شاراپتى ٴشول دالادا قالجىراعاندار ٸشسىن دەپ اكەلدىم»،— دەدى+. 3 پاتشا: «قوجايىنىڭنىڭ بالاسى*+ قايدا؟»— دەگەن سۇراق قويدى. سيبا: «ول «يسرايل ٷيى اكەمە تيەسىلى پاتشالىق بيلىكتى بۇگىن ماعان قايتارىپ بەرەدى» دەپ، يەرۋساليمدە قالىپ قويدى»،— دەپ جاۋاپ بەردى+. 4 سوندا پاتشا: «مەپىبوشەتتىكى بولعاننىڭ ٴبارى ەندى سەنىكى»،— دەدى+. سيبا مىنانى ايتتى: «الدىڭىزدا باس ٴيىپ تاعزىم ەتەمىن. تاقسىر يەم، مەنى ىقىلاسىڭىزدان ايىرماڭىز»+.
5 ٴداۋىت پاتشا باحۋريمگە جەتكەندە، سول جەردەن ساۋلدىڭ اۋلەتىنە جاتاتىن گەرا ۇلى شيمەي شىقتى+. ول ايعايلاپ داۋىتكە قارعىس جاۋدىرىپ كەلە جاتتى+. 6 شيمەي ٴداۋىت پەن ونىڭ قىزمەتشىلەرىنە، سونداي-اق پاتشانىڭ ەكى جاعىندا كەلە جاتقان كۇللى حالىق پەن مىقتى جىگىتتەرگە تاس لاقتىرۋمەن بولدى. 7 ول ٴداۋىتتى بىلاي دەپ قارعادى: «جوعال، قانىشەر! وڭباعان، جوعال بۇل جەردەن! 8 ساۋلدىڭ ٷي ٸشىنىڭ قانىن توگىپ، ورنىنا ٶزىڭ پاتشا بولىپ ەدىڭ، ەندى مىنە، ەحوبا ٴدال سونى ٶز باسىڭا كەلتىردى. قاراشى، ەحوبا پاتشا تاعىن ۇلىڭ ابەسسالومعا بەرىپ وتىر. سەن قانىشەرسىڭ، سوندىقتان وسى پالەگە دۋشار بولدىڭ+!»
9 سوندا سارۇيانىڭ ۇلى ٵبىساي+: «مىنا ٴيتتىڭ ولىمتىگى+ پاتشا يەمدى نەگە قارعاپ كەلە جاتىر+؟! رۇقسات ەتسەڭ، بارىپ، باسىن الايىن!»— دەدى+. 10 ٴبىراق پاتشا: «سارۇيانىڭ ۇلدارى، وندا ٴبىزدىڭ ٸسىمىز قانشا+؟ قارعاي بەرسىن+، ەحوبانىڭ ٶزى وعان «ٴداۋىتتى قارعا!» دەسە+، كىم تيىم سالا الادى؟»— دەدى. 11 سوسىن ٵبىساي مەن بارلىق قىزمەتشىلەرىنە تاعى مىنانى ايتتى: «تۋعان بالام جانىمدى العىسى كەلىپ جۇرگەندە+، مىنا بەنياميندىكتەن+ نە كۇتۋىم كەرەك؟! مەنى قارعا دەپ وعان ەحوبانىڭ ٶزى ايتقان عوي، تيمەڭدەر، قارعاي بەرسىن! 12 بالكىم، ەحوبا كورگەن قورلىعىما نازار اۋدارىپ+، شيمەيدەن ەستىگەن قارعىستىڭ ورنىنا ەحوبا ماعان باتاسىن بەرەر+». 13 وسىدان كەيىن ٴداۋىت پەن قاسىنداعىلار ٶز جوندەرىمەن كەتە بەردى، ال شيمەي جاندارىندا تاۋ بوكتەرىن جاعالاي ٴجۇرىپ، ايعايلاپ قارعىس جاۋدىرۋمەن بولدى+. ول قىر سوڭدارىنان قالماي، تاس لاقتىرىپ، توپىراق شاشىپ كەلە جاتتى.
14 اقىرىندا، شارشاپ-شالدىققان پاتشا مەن قاسىنداعىلار دىتتەگەن جەرلەرىنە جەتتى دە، دەمالۋعا توقتادى.
15 وسى ەكى ارادا ابەسسالوم مەن كۇللى يسرايل حالقى يەرۋساليمگە كىردى. ابەسسالومنىڭ جانىندا احيتوپەل+ دە بولدى. 16 ٴداۋىتتىڭ دوسى ارحيلىك+ حۋشاي+ ابەسسالومنىڭ جانىنا كەلىپ: «پاتشا مىڭ جاساسىن+! پاتشا مىڭ جاساسىن!»— دەپ داۋىستادى. 17 ابەسسالوم بولسا: «دوسىڭا كورسەتكەن اينىماس سۇيىسپەنشىلىگىڭ وسى ما؟! نەگە دوسىڭمەن بىرگە كەتپەدىڭ؟— دەپ سۇراپ ەدى، 18 حۋشاي مىنانى ايتتى: — جوق، كەتپەدىم. ويتكەنى ەحوبا، مىنا حالىق جانە بۇكىل يسرايل ەلى كىمدى تاڭداسا، مەن سونىڭ قاسىندا بولامىن. 19 ونىڭ ۇستىنە، دوسىمنىڭ ۇلىنا قىزمەت ەتپەگەندە، كىمگە قىزمەت ەتەمىن؟! اكەڭە قالاي قىزمەت ەتسەم، ساعان دا سولاي قىزمەت ەتەمىن+!»
20 كەيىنىرەك ابەسسالوم احيتوپەلگە: «نە ىستەسەك ەكەن، قانداي كەڭەس بەرەسىڭ+؟»— دەگەن سۇراق قويدى. 21 ول بولسا: «ٷيىن قاراۋعا قالدىرعان اكەڭنىڭ كانيزاكتارىمەن+ جاقىنداس+. ونى وسىلاي قورلاعانىڭ كۇللى يسرايلگە تاراماي قويمايدى. سوندا سەنى قولدايتىندار جىگەرلەنىپ، نىعايا تۇسەدى»،— دەدى. 22 سودان ابەسسالومعا ارناپ ٷي توبەسىنە+ شاتىر تىگىلدى دە، ول بۇكىل يسرايلدىڭ كوزىنشە+ اكەسىنىڭ كانيزاكتارىمەن جاقىنداستى+.
23 ول كەزدە احيتوپەلدىڭ+ كەڭەستەرى شىنايى قۇدايدىڭ سوزىندەي قابىلداناتىن. احيتوپەلدىڭ بارلىق كەڭەسىن ٴداۋىت تە، ابەسسالوم دا سولاي قاراستىراتىن.