سامۋيلدىڭ 2-جازباسى
20 سول جەردە بەنياميندىك بيحري ۇلى شەبا دەگەن ٴبىر بالەقۇمار كىسى بار ەدى+. ول كەرنەيلەتتى دە+: «ٴبىزدىڭ داۋىتكە ەش قاتىسىمىز جوق! ەسەي ۇلىندا ەش ۇلەسىمىز جوق+! ەي، يسرايلدىكتەر، ٵرقايسىسىڭ ٶز قۇدايلارىڭا* بارىڭدار!»— دەدى+. 2 سوندا كۇللى يسرايلدىكتەر ٴداۋىتتى تاستاپ، بيحري ۇلى شەباعا ەردى+. ال ياھۋدالىقتار يورداننان يەرۋساليمگە دەيىن پاتشالارىنان ٴبىر ەلى اجىرامادى+.
3 ٴداۋىت يەرۋساليمگە ورالعاندا، ٷيىن+ قاراۋعا قالدىرىپ كەتكەن ون كانيزاگىن+ كۇزەت قويىلعان ارنايى ۇيگە قونىستاندىردى. ولاردى اس-سۋمەن قامتاماسىز ەتىپ وتىردى، ٴبىراق قايتىپ ولارمەن جاقىنداسپادى+. وسىلايشا ولار كۇيەۋى ٴتىرى بولسا دا، جەسىر قالعانداي، ولە-ولگەنشە سول ۇيدە تۇردى.
4 ٴداۋىت پاتشا عاماساعا+: «ٷش كۇننىڭ ىشىندە ياھۋدانىڭ بۇكىل ەر ادامدارىن جينا. ٶزىڭ دە وسىندا بول!»— دەپ بۇيىردى. 5 عاماسا ياھۋدالىقتاردى شاقىرۋعا كەتتى، ٴبىراق بەلگىلەنگەن ۋاقىتتان كەشىگىپ جاتتى. 6 سوندا ٴداۋىت ٵبىسايعا+: «بيحري ۇلى شەبا+ بىزگە ابەسسالومنان دا كوپ زيان كەلتىرەتىن بولدى+. يەڭنىڭ قىزمەتشىلەرىن ال دا، ونىڭ سوڭىنا ٴتۇس. ايتپەسە ول بەكىنىستى قالالار تاۋىپ، بىزدەن قۇتىلىپ كەتەر»،— دەدى. 7 وسىلايشا جوعابتىڭ+ ادامدارى، كەرەتتىكتەر مەن پەلەتتىكتەر+ جانە مىقتى ساربازداردىڭ بارلىعى ٵبىسايعا ەردى. ولار يەرۋساليمنەن شىعىپ، بيحري ۇلى شەبانىڭ سوڭىنا ٴتۇستى. 8 گيبەونداعى+ ۇلكەن تاسقا جەتكەندە، ولاردىڭ الدىنان عاماسا+ شىقتى. جوعاب جاۋىنگەرلىك كيىم كيىپ، بەلىنە بەلدىك تاعىپ العان بولاتىن. ال بەلدىگىندەگى قىنابىندا سەمسەرى بار ەدى. ول العا قاراي ۇمتىلا بەرگەندە، سەمسەرى ٴتۇسىپ قالدى.
9 جوعاب عاماسادان: «امان-ەسەن ٴجۇرسىڭ بە، باۋىرىم؟»— دەپ سۇرادى دا، وڭ قولىمەن ونىڭ ساقالىنان ۇستاپ، بەتىنەن سۇيگىسى كەلگەندەي سىڭاي تانىتتى. 10 عاماسا جوعابتىڭ قولىنداعى سەمسەرگە ٴمان بەرمەدى. جوعاب بولسا سەمسەرىن ونىڭ ىشىنە سۇعىپ الدى+. عاماسانىڭ ىشەك-قارنى جەرگە اقتارىلىپ تۇسكەنىن كورگەن ول سوققىسىن ەكىنشى رەت قايتالامادى. عاماسا سول جەردە قازا بولدى. ال جوعاب باۋىرى ابىسايمەن بيحري ۇلى شەبانى قۋۋدى جالعاستىرا بەردى.
11 جوعابتىڭ جىگىتتەرىنىڭ ٴبىرى عاماسا جاتقان جەرگە كەلىپ: «كىم جوعاب جاعىندا بولسا ٵرى ٴداۋىتتى جاقتاسا، جوعابقا ەرسىن!»— دەپ ايعايلادى. 12 ال عاماسا ٵلى دە ۇلكەن جولدىڭ ورتاسىندا قانعا مالىنىپ جاتتى. الگى جىگىت جۇرتتىڭ بارلىعى ونىڭ جانىنا توقتاپ جاتقانىن كورىپ، ونى جولدان تاناپقا قاراي سۇيرەپ شىعارىپ، ۇستىنە جامىلعى تاستاي سالدى. 13 عاماسانى جولدان الىپ تاستاعاننان كەيىن، ادامداردىڭ ٴبارى بيحري ۇلى شەبانى+ قۋۋ ٷشىن جوعابقا ەردى.
14 شەبا يسرايلدىڭ بارلىق رۋلارىنىڭ جەرىمەن ٶتىپ، ابەل-بەت-ماعاققا+ كەلدى. بيحري اۋلەتىنەن شىققانداردىڭ ٴبارى جينالىپ، وعان ەرىپ قالاعا كىردى.
15 جوعاب پەن ونىڭ ادامدارى ابەل-بەت-ماعاقتى قورشاۋعا الىپ، قالا بەكىنىسىنە قارسى ٷيىندى جاساي باستادى. بارلىعى قالا قابىرعاسىن قيراتۋ ٷشىن استىن قازىپ جاتقاندا، 16 ٴبىر دانا ايەل قابىرعادان: «ەر-ازاماتتار، سوزىمە قۇلاق تۇرىڭدەر! جوعابتى شاقىرىڭدارشى، وعان ايتارىم بار!»— دەپ داۋىستادى. 17 جوعاب كەلگەندە، ايەل ودان: «ٴسىز جوعابسىز با؟»— دەپ سۇرادى. ول: «ٴيا، مەنمىن،— دەگەندە، ايەل: — كۇڭىڭىزدىڭ سوزىنە قۇلاق سالىڭىزشى»،— دەپ ٶتىندى. جوعاب وعان: «ايتا بەر، قۇلاعىم سەندە»،— دەدى. 18 سوندا ايەل بىلاي دەدى: «بۇرىن جۇرت «ابەل قالاسىنا بارىپ سۇراڭدار، سوندا ماسەلەلەرىڭ شەشىلەدى» دەۋشى ەدى. 19 مەن يسرايلدىڭ بەيبىت تە ادال ادامدارىنىڭ اتىنان سويلەپ تۇرمىن. ٴسىز يسرايلدەگى انا سياقتى قالانى قۇرتقالى جاتىرسىز. نەگە ەحوبانىڭ مەنشىكتى يەلىگىن+ جالماپ قويماقسىز؟» 20 جوعاب بولسا مىنانى ايتتى: «جالماۋ دا، قۇرتۋ دا ويىمدا بولعان جوق ەدى. 21 ماسەلە مۇلدەم باسقادا: ەفرەم تاۋلى وڭىرىنەن+ شىققان بيحري ۇلى شەبا+ ٴداۋىت پاتشاعا قارسى باس كوتەردى. سونى ۇستاپ بەرسەڭدەر، كەرى شەگىنەمىن». سوندا الگى ايەل: «جارايدى، ونىڭ باسى سىزگە قابىرعادان لاقتىرىلادى!»— دەدى.
22 سوسىن دەرەۋ قالا تۇرعىندارىمەن سويلەسىپ، دانا كەڭەس بەردى. سوندا ولار بيحري ۇلى شەبانىڭ باسىن شاۋىپ الىپ، جوعابقا لاقتىرىپ جىبەردى. بۇدان كەيىن جوعاب كەرنەيلەتتى دە، قالادان كەرى شەگىنىپ، ادامدارى ٷيدى-ۇيىنە تاراپ كەتتى+. ٶزى دە پاتشانىڭ قاسىنا، يەرۋساليمگە ورالدى.
23 جوعاب كۇللى يسرايل جاساعىنىڭ اسكەرباسى بولدى+. ال ەحوداي+ ۇلى بەناياح+ كەرەتتىكتەر مەن پەلەتتىكتەردى باسقاردى+. 24 ادورام+ باسىبايلى جۇمىسشىلاردىڭ ۇستىنەن قارادى، احيلۋد ۇلى جوسافات شەجىرەشى+، 25 شابا حاتشى، سادىق+ پەن ٵبياتار+ ٴدىني قىزمەتكەرلەر، 26 جايىرلىق يرا ٴداۋىتتىڭ تۇسىندا لاۋازىمدى قىزمەتكەر* بولدى.