پاتشالار 2-جازبا
18 يسرايل پاتشاسى ەلاح ۇلى حوشيانىڭ+ بيلىك قۇرۋىنىڭ ٷشىنشى جىلى ياھۋدا پاتشاسى احاز+ ۇلى ەزەكيا+ تاققا وتىردى. 2 ول 25 جاسىندا پاتشا بولىپ، يەرۋساليمدە 29 جىل بيلىك ەتتى. ونىڭ اناسى زاكاريانىڭ قىزى ٵبي* بولاتىن+. 3 ەزەكيا تاپ ارعى اتاسى ٴداۋىت سياقتى+، ەحوبانىڭ الدىندا ۇنامدى ىستەر ىستەپ ٴجۇردى+. 4 ول عيبادات توبەلەرىن قيراتىپ+، قاسيەتتى تاس باعانالاردى تالقانداپ، قاسيەتتى اعاش باعانانى* شاۋىپ تاستادى+. سونداي-اق كەزىندە مۇسا جاساعان مىس جىلاندى دا بۇزدى+. ويتكەنى جۇرت ونى «نەحۋشتان»* دەپ اتاپ، سول ۋاقىتقا دەيىن سوعان ارناپ قۇرباندىق ٴتۇتىنىن تۇتەتىپ ٴجۇردى. 5 پاتشا يسرايل قۇدايى ەحوباعا ارقا سۇيەيتىن+. وعان دەيىن دە، ودان كەيىن دە ياھۋدا ەلىندە ول سياقتى پاتشا بولعان ەمەس. 6 ول ەحوبادان ەش اجىرامادى+. ونىڭ جولىنان تايماي، ەحوبانىڭ مۇساعا بەرگەن بۇيرىقتارىن ورىنداپ ٴجۇردى. 7 ال ەحوبا وعان جار بولدى. پاتشا نە ىستەسە دە، اقىلمەن ارەكەت ەتەتىن. ول اسسيريا پاتشاسىنا قارسى شىعىپ، وعان قىزمەت ەتۋدەن باس تارتتى+. 8 ەزەكيا فىلىستىرلەرمەن سوعىسىپ+، ولاردى گازا مەن ونىڭ ايماعىنا، كۇزەت مۇناراسىنان بەكىنىستى قالاعا دەيىن* قىردى.
9 ەزەكيا پاتشانىڭ بيلىك قۇرۋىنىڭ ٴتورتىنشى جىلى، ياعني يسرايل پاتشاسى ەلاح ۇلى حوشيانىڭ+ بيلىك قۇرۋىنىڭ جەتىنشى جىلى، اسسيريا پاتشاسى سالماناسار سامارياعا قارسى اتتانىپ، ونى قورشاۋعا الدى+. 10 ٷش جىل قورشاۋدا ۇستاعاننان كەيىن+، جاۋ ساماريانى باسىپ الدى. بۇل ەزەكيانىڭ بيلىك قۇرۋىنىڭ التىنشى، ال يسرايل پاتشاسى حوشيانىڭ بيلىك قۇرۋىنىڭ توعىزىنشى جىلى بولدى. 11 اسسيريا پاتشاسى يسرايل حالقىن اسسيرياعا جەر اۋدارىپ+، حالاحقا، عوزان وزەنىنىڭ بويىنداعى حابورعا جانە ميديالىقتاردىڭ قالالارىنا قونىستاندىردى+. 12 سەبەبى يسرايلدىكتەر قۇدايلارى ەحوبانى تىڭداماي، ونىڭ كەلىسىمىن بۇزىپ، ەحوبانىڭ قىزمەتشىسى مۇسا بەرگەن وسيەتتەردىڭ ەشقايسىسىن ورىندامادى+. ولار ونى تىڭدامادى دا، مويىنسۇنبادى دا.
13 ەزەكيا پاتشانىڭ بيلىك قۇرۋىنىڭ ون ٴتورتىنشى جىلى اسسيريا+ پاتشاسى سەنناحيريم ياھۋدانىڭ كۇللى بەكىنىستى قالالارىنا قارسى اتتانىپ، ولاردى جاۋلاپ الدى+. 14 سوندا ياھۋدا پاتشاسى ەزەكيا لاحيشتەگى اسسيريا پاتشاسىنا: «مەن قاتەلىك جاسادىم. نە تالاپ ەتسەڭ سونى بەرەيىن، مەنەن كەرى شەگىن»،— دەگەن حابار جىبەردى. سەنناحيريم بولسا ياھۋدا پاتشاسى ەزەكيادان 300 تالانت* ساپالى كۇمىس پەن 30 تالانت التىن تالاپ ەتتى. 15 ەزەكيا وعان ەحوبانىڭ ٷيى مەن پاتشا سارايىنداعى قازىنالاردان تابىلعان بار كۇمىستى بەردى+. 16 ٶزى التىنمەن قاپتاتقان+ ەحوبانىڭ عيباداتحاناسىنىڭ ەسىكتەرىندەگى+ جانە ەسىك جاقتاۋلارىنداعى التىندى ەزەكيا سول كەزدە الدىرىپ، اسسيريا پاتشاسىنا بەرگەن ەدى.
17 بۇدان كەيىن اسسيريا پاتشاسى تارتان*، رابساريس* جانە رابشاقتى* قالىڭ قولمەن يەرۋساليمدەگى ەزەكيا پاتشاعا جىبەردى+. ولار يەرۋساليمگە قاراي ورلەپ، كىر جۋۋشىنىڭ تانابىنا اپاراتىن ۇلكەن جولدىڭ بويىنداعى جوعارعى حاۋىز سالاسىنىڭ جانىنا كەلىپ ورنالاستى+. 18 سەنناحيريم جۇمساعان وسى كىسىلەر پاتشانى شاقىرعاندا، ولاردىڭ الدىنان ساراي باسقارۋشىسى حەلكيا ۇلى ەلياكىم+، حاتشى شەبنا+ جانە شەجىرەشى اساپ ۇلى جوۋاح شىقتى.
19 سوندا رابشاق ولارعا بىلاي دەدى: «ەزەكياعا حابارىمدى جەتكىزىڭدەرشى. اسسيريانىڭ ۇلى پاتشاسى بىلاي دەيدى: —سەن نە نارسەگە سەنىم ارتاسىڭ+؟ 20 «مەندە سوعىسۋعا جوسپار دا، كۇش تە بار» دەيسىڭ. ٴبىراق مۇنىڭ بوس ٴسوز. ماعان قارسى شىعاتىنداي، سەن كىمگە ارقا سۇيەيسىڭ+؟ 21 مىنە، سەن سىنىق قامىستىڭ، الگى مىسىردىڭ، قولداۋىنا سۇيەنىپ وتىرسىڭ+. ول وزىنە سۇيەنگەن ادامنىڭ قولىنا كىرىپ، تەسىپ كەتەدى. وزىنە ارقا سۇيەگەندەردىڭ بارىنە مىسىر پاتشاسى پەرعاۋىن سولاي ىستەيدى. 22 ال ەگەر «ٴبىز قۇدايىمىز ەحوباعا ارقا سۇيەيمىز»+ دەسەڭدەر، ەزەكيانىڭ ٶزى سوعان ارنالعان عيبادات توبەلەرى مەن قۇرباندىق ورىندارىن بۇزىپ تاستاپ+، ياھۋدا مەن يەرۋساليم حالقىنا «سەندەر يەرۋساليمدەگى مىنا قۇرباندىق وشاعىنىڭ الدىندا باس ۇرۋلارىڭ كەرەك» دەمەپ پە ەدى+؟ 23 كانە، مەنىڭ تاقسىر يەم اسسيريا پاتشاسىمەن باستەسىپ كورشى: مەن ساعان 2000 ات بەرەيىن، قولىڭنان كەلسە، سولارعا مىنەتىن ادام تاپشى+. 24 ٶزىڭ مىسىردىڭ سوعىس اربالارى مەن سالت اتتى اسكەرىنە ارقا سۇيەپ وتىرىپ، تاقسىر يەمنىڭ قىزمەتشىلەرىنىڭ ىشىندەگى ەڭ كىشى اكىمگە قالاي قارسى تۇرماقسىڭ؟ 25 الدە مەنى وسى ەلدى قۇرتۋعا ەحوبانىڭ ەركىنسىز اتتاندى دەيسىڭ بە؟ ەحوبانىڭ ٶزى ماعان: —مىنا ەلگە قارسى اتتانىپ، ونىڭ كوزىن قۇرت!— دەدى».
26 سوندا حەلكيا ۇلى ەلياكىم، شەبنا+ مەن جوۋاح رابشاقتان+: «قىزمەتشىلەرىڭىزبەن ارامەيشە* سويلەسە بەرىڭىز+، ٴبىز تۇسىنەمىز. قابىرعاداعى كىسىلەردىڭ كوزىنشە بىزبەن ياھۋدي تىلىندە سويلەسپەسەڭىز ەكەن»،— دەپ ٶتىندى+. 27 ٴبىراق رابشاق بۇعان: «تاقسىر يەم مەنى بۇل حاباردى تەك قوجايىندارىڭ مەن سەندەرگە عانا ايتۋعا جىبەردى دەيسىڭدەر مە؟ ونى مىنا قابىرعادا وتىرعان ادامدارعا دا جەتكىزۋ ٷشىن جىبەردى ەمەس پە؟! ولار ٵلى-اق سەندەرمەن بىرگە ناجىستەرىن جەپ، زارلەرىن ىشەتىن بولادى!»— دەپ جاۋاپ بەردى.
28 سودان ول كورىنەتىن جەرگە تۇرىپ، بار داۋسىمەن ياھۋدي تىلىندە بىلاي دەدى: «ۇلى پاتشانىڭ، اسسيريا پاتشاسىنىڭ، سوزىنە قۇلاق سالىڭدار+! 29 پاتشا مىنانى ايتادى: —ەزەكياعا الدانباڭدار، ول سەندەردى مەنىڭ قولىمنان قۇتقارا المايدى+. 30 ەزەكيانىڭ «ەحوبا، ٴسوزسىز، ٴبىزدى قۇتقارادى! بۇل قالا اسسيريا پاتشاسىنىڭ قولىنا تۇسپەيدى!»+ دەپ، ەحوباعا ارقا سۇيەۋگە تالپىندىرعان سوزدەرىن تىڭداماڭدار. 31 ونىڭ سوزىنە قۇلاق سالماڭدار، سەبەبى اسسيريا پاتشاسى بىلاي دەيدى: —مەنىمەن بىتىمگە كەلىپ، بەرىلىڭدەر. سوندا اركىم ٶز ٴجۇزىمى مەن ٸنجىر اعاشىنىڭ جەمىسىن جەيدى، اركىم ٶز سۋ قويماسىنان سۋ ىشەدى. 32 مەن قايتىپ كەلىپ، سەندەردى ٶز ەلدەرىڭ سياقتى ەلگە+، استىعى مەن شارابى اعىل-تەگىل، ەگىندىكتەرى مەن جۇزىمدىكتەرى مول جەمىس بەرەتىن، ٴزايتۇن مايى مەن بالى كول-كوسىر ەلگە الىپ كەتكەنشە سولاي بولادى. ٶلىمدى ەمەس، ٶمىردى تاڭداڭدار! وزدەرىڭدى ەلىكتىرىپ وتىرعان انا ەزەكيانىڭ «ەحوبا ٴبىزدى قۇتقارادى» دەگەن سوزىنە الدانباڭدار. 33 قاي حالىقتىڭ قۇدايلارى ٶز ەلىن اسسيريا پاتشاسىنىڭ قولىنان قۇتقارىپ قالعان ەدى؟! 34 حامات+ پەن ارپادتىڭ قۇدايلارى قايدا؟ سەفارايمنىڭ+، حەنا مەن يببانىڭ قۇدايلارى قايدا؟ ولار ساماريانى مەنىڭ قولىمنان قۇتقارىپ قالا الدى ما+؟! 35 وسى قۇدايلاردىڭ قايسىسى ٶز ەلىن مەنىڭ قولىمنان امان الىپ قالدى؟ ەندەشە ەحوبا يەرۋساليمدى مەنىڭ قولىمنان قۇتقارادى دەپ ويلايسىڭدار ما+؟»
36 ٴبىراق ولار جاۋاپ بەرمەي، ٷنسىز تۇرا بەردى. ويتكەنى پاتشا: «وعان جاۋاپ قايتارماڭدار»،— دەپ تاپسىرعان ەدى+. 37 بۇدان كەيىن ساراي باسقارۋشىسى حەلكيا ۇلى ەلياكىم، حاتشى شەبنا مەن شەجىرەشى اساپ ۇلى جوۋاح كيىمدەرىنىڭ ٶڭىرىن ايىرىپ تاستاپ ەزەكياعا كەلدى. ولار پاتشاعا رابشاقتىڭ سوزدەرىن تۇگەل ايتىپ بەردى.