شەجىرەلەر 1-جازبا
4 ياھۋدانىڭ ۇلدارى: پارەس+، حەسرون+، قارمي، حۇر+، شوبال+. 2 شوبالدىڭ ۇلى رەياحتان ياحات، ياحاتتان احۋماي مەن لاحاد تۋىلدى. بۇلار سورالىقتاردىڭ+ اۋلەتتەرى. 3 ەتامنىڭ+ اكەسىنىڭ* ۇلدارى: ەزرەحەل، يشما جانە يدباش (ونىڭ حاسلەلپوني دەگەن قىزى دا بولدى)؛ 4 گەدوردىڭ اكەسى پەنۋەل، حۋشانىڭ اكەسى ەزەر. بۇلار بەتلەحەمنىڭ+ اكەسى ٵرى ەفراتانىڭ تۇڭعىشى حۇردىڭ+ ۇلدارى. 5 تەكويانىڭ+ اكەسى اشحۋردىڭ+ حەلا جانە ناعارا دەگەن ەكى ايەلى بار ەدى. 6 ناعارا وعان احۋزام، حەفەر، تەمەنەي جانە ٵحاشتاريدى تۋىپ بەردى. بۇلار ناعارانىڭ ۇلدارى. 7 حەلادان تۋعان ۇلدار: سەرەت، ىسقار، ەتان. 8 قوزدان اناب پەن سوبەبا دۇنيەگە كەلدى جانە حارۋم ۇلى احاركەلدىڭ اۋلەتتەرى تارادى.
9 يابەز باۋىرلارىنا قاراعاندا كوبىرەك قۇرمەتتەلەتىن. ونىڭ اناسى: «مەن ونى بوسانعاندا، ازاپ كوردىم»،— دەپ، اتىن يابەز* دەپ قويعان ەدى. 10 يابەز يسرايل قۇدايىنا سيىنىپ: «شىركىن، مەنى جارىلقاپ، جەرىمدى كەڭەيتسەڭ عوي! ماعان كومەكتەسىپ، زياندىق كورمەۋىم ٷشىن پالەدەن ساقتاساڭ عوي!»— دەدى. قۇداي ونىڭ تىلەگىن ورىندادى.
11 شۋحانىڭ باۋىرى كەلۋبتەن مەحير دۇنيەگە كەلدى، ول ەشتوننىڭ اكەسى بولدى. 12 ەشتوننان بەتراتا، پاسەاح جانە ير-ناحاشتىڭ اكەسى تەكەناح تۋىلدى. بۇلار رەحانىڭ تۇرعىندارى ەدى. 13 كەنازدىڭ ۇلدارى: وتنيەل+ جانە سەراياح؛ وتنيەلدىڭ ۇلى حاتات. 14 مەعونوتايدان وفرا تۋىلدى. سەراياحتان گە-حاراشيم* تۇرعىندارىنىڭ اكەسى جوعاب تۋىلدى. بۇل جەرگە شەبەرلەر قونىستانعاندىقتان سولاي اتالاتىن.
15 ەپۋنەح ۇلى حالەپتىڭ+ ۇلدارى: يرۋ، ەلاح جانە ناعام. ەلاحتىڭ ۇلى كەناز. 16 ەحالەلەلدىڭ ۇلدارى: زيف، زيفا، تيرەيا، اسارەل. 17 ەزراقتىڭ ۇلدارى: ەتەر، مەرەد، ەفەر جانە يالون. ونىڭ ايەلى* قۇرساق كوتەرىپ، ٴماريامدى، شامماي مەن ەشتەموعانىڭ اكەسى يشباحتى تۋدى. 18 (ال ونىڭ ياھۋدي ايەلىنەن گەدوردىڭ اكەسى يارەد، سوحونىڭ اكەسى حەبەر، زانواحتىڭ اكەسى ەكۋتيەل دۇنيەگە كەلدى.) بۇلار مەرەد ايەلدىككە العان پەرعاۋىننىڭ قىزى بيتيادان تۋعان ۇلدار.
19 حودياح ناحامنىڭ قارىنداسىنا ۇيلەندى. ولاردىڭ ۇلدارى: گارلىقتار تۇراتىن كەيلدىڭ جانە ماعاقاتتىقتار تۇراتىن ەشتەموعانىڭ اكەسى. 20 شيموننىڭ ۇلدارى: امنون، رينا، بەنحانان، تيلون. ٴيشيدىڭ ۇلدارى: زوحەت جانە بەنزوحەت.
21 ياھۋدا ۇلى شەلاحتىڭ+ ۇلدارى: لەكاحتىڭ اكەسى ەر، مارەشاحتىڭ اكەسى لاعادا، سونداي-اق اشپەي ۇيىنەن تاراعان باتەس توقۋشىلار اۋلەتتەرى؛ 22 موابتىق ايەلدەرگە ۇيلەنگەن جوكيم، كوزەبا تۇرعىندارى، جوعاش، ساراف، ياشۋبي-لەحەم. بۇل — ەسكى ٴداستۇر بويىنشا جازىلعان مالىمەت. 23 بۇلار نەتايم مەن گەدەرادا تۇرعان قۇمىراشىلار. ولار سوندا تۇرىپ، پاتشاعا جۇمىس ىستەدى.
24 شيموننىڭ ۇلدارى+: نەمۋەل، يامين، ياريب، زاراح جانە شاۋل+. 25 شاۋلدىڭ ۇلى شالۋم، ونىڭ ۇلى ميپسام، ونىڭ ۇلى ميشما. 26 ميشمانىڭ ۇلدارى: حامۋەل، ونىڭ ۇلى زاكۋر، ونىڭ ۇلى شيمەي. 27 شيمەيدىڭ 16 ۇلى، 6 قىزى بولدى. ٴبىراق ونىڭ باۋىرلارىنىڭ ۇلدارى كوپ بولمادى. سوندىقتان شيمون اۋلەتتەرىندە ياھۋدا اۋلەتتەرىندەگىدەي بالالار كوپ بولمادى+. 28 ولار مىنا جەرلەردى مەكەندەدى: بەر-شەبا+، مولاداح+، حاسار-شۋال+، 29 بالحا، ەزەم+، تولاد، 30 بەتۋەل+، حورما+، سەكەلاگ+، 31 بەت-ماركابوت، حاسار-سۋسيم+، بەت-بيري جانە شاعاريم. ٴداۋىت پاتشالىق قۇرعانعا دەيىن ولار وسى قالالاردا تۇردى.
32 ولاردىڭ ەلدى مەكەندەرى مىنالار ەدى: ەتام، ايىن، ريمون، توكەن جانە اشان+ — بارلىعى بەس قالا. 33 بۇعان قوسا، باعالعا دەيىنگى وسى قالالاردىڭ اينالاسىنداعى ەلدى مەكەندەر. ولاردىڭ شەجىرەلەرى مەن تۇرعان جەرلەرى وسىلار ەدى. 34 شيموننىڭ باسقا دا ۇرپاقتارى مىنالار: مەشوباپ، ياملەك، امازياحتىڭ ۇلى جوشاح، 35 جوەل، جوشيبيانىڭ ۇلى، سەراياحتىڭ نەمەرەسى، اسايىلدىڭ شوبەرەسى يقۋ، 36 ەليوناي، جاقىپ، ەشوحاياح، اسايا، اديەل، ەسيميەل، بەناياح، 37 ٴشيفيدىڭ ۇلى، الوننىڭ نەمەرەسى، ەداياحتىڭ شوبەرەسى، ٴشيمريدىڭ شوپشەگى، شەماياحتىڭ نەمەنەسى زيزا. 38 وسى اتى اتالعاندار — ٶز اۋلەتتەرىنىڭ باسى. ولاردىڭ اۋلەتتەرى ٶسىپ-ٶنىپ كوبەيدى. 39 سوندىقتان ولار مالدارىنا جايىلىم ىزدەپ، گەدوردىڭ كىرەبەرىسىنە، اڭعاردىڭ شىعىسىنا دەيىن باردى. 40 اقىرىندا ولار ٴشوبى شۇيگىن، جاقسى جايىلىم تاپتى. ول ۇلان-عايىر، تىنىش، ٶز الدىنا جاتقان جەر ەكەن. بۇرىن ول جەردى حامنىڭ+ ۇرپاقتارى مەكەن ەتكەن. 41 جوعارىدا اتى اتالعان كىسىلەر ياھۋدا پاتشاسى ەزەكيانىڭ+ تۇسىندا الگى جەردە تۇرىپ جاتقان حامدىقتار مەن مەۋنيمدەردىڭ شاتىرلارىن تالقانداپ، بۇگىندە ٶزىمىز بىلەتىندەي، مۇلدەم جويىپ جىبەردى. ال وزدەرى سوندا قونىستاندى، سەبەبى سول جەردەن مالدارىنا جايىلىم تاپقان ەدى.
42 بىردە يشي ۇلدارى پەلاتياح، نەعاريا، رەفاياح جانە ۇزيەل باستاعان شيمون رۋىنىڭ 500 ادامى سەيىر تاۋىنا+ باردى. 43 ولار سول جەردەگى امان قالعان امالەكتىكتەردىڭ كوزىن قۇرتتى+. سول ۋاقىتتان كۇنى بۇگىنگە دەيىن ولار سول جەردە تۇرادى.