شەجىرەلەر 1-جازبا
23 ٴداۋىت جاسى ۇلعايىپ، ولەر شاعىندا ۇلى سۇلەيمەندى يسرايلدىڭ پاتشاسى ەتىپ قويدى+. 2 سول كەزدە ول يسرايل ەلىنىڭ كۇللى بەكزادالارىن، ٴدىني قىزمەتكەرلەر+ مەن لەۋىلىكتەردى+ جيناپ الدى. 3 جاسى وتىز جانە ودان جوعارى لەۋىلىك ەر ادامداردىڭ ساناعى جۇرگىزىلدى+. ٴبىر-بىرلەپ ساناپ شىققاندا، ولاردىڭ جالپى سانى 38000 بولدى. 4 ولاردىڭ 24000 ى ەحوبانىڭ ۇيىندە اتقارىلاتىن جۇمىستى قاداعالايتىن، ال 6000 ى باسشىلار جانە تورەشىلەر رەتىندە قىزمەت ەتەتىن+. 5 سونداي-اق 4000 ى قاقپا كۇزەتشىلەرى بولدى+، قالعان 4000 ى ٴداۋىتتىڭ ٶزى ماداقتاۋعا ارناپ جاساعان اسپاپتاردا ەحوبانى ماداقتايتىن+.
6 سوسىن ٴداۋىت ولاردى توپ-توپقا ٴبولدى+. ول مۇنى لەۋىنىڭ قاي ۇلىنان — گەرشون، قاحات، مەراريدەن+ — تاراعانىنا قاراي ىستەدى. 7 گەرشوننىڭ ۇلدارى: لادان مەن شيمەي. 8 لاداننىڭ ۇلدارى: اۋلەتباسى ەحيەل، زەتام، جوەل+ — ۇشەۋ. 9 شيمەيدىڭ ۇلدارى: شەلوموت، حازەيىل، حاران — ۇشەۋ. بۇلار لادان اۋلەتىنىڭ باسشىلارى بولاتىن. 10 شيمەيدىڭ ۇلدارى: ياحات، زيزاح، ەۋش، بەرياح. بۇل تورتەۋى — شيمەيدىڭ ۇلدارى. 11 ياحات باسشى، ال زيزاح ودان كەيىنگى ەكىنشى ادام بولدى. ال ەۋش پەن بەرياحتىڭ ۇلدارى از بولدى، سوندىقتان ولار ٴبىر مىندەتتى اتقاراتىن ٴبىر اۋلەت بولىپ ەسەپتەلدى.
12 قاحاتتىڭ ۇلدارى: ىمرام، ىسقار+، حەبرون، ۇزيەل+ — تورتەۋ. 13 ىمرامنىڭ ۇلدارى: حارون+ مەن مۇسا+. حارون مەن ونىڭ ۇلدارى ەڭ قاسيەتتى بولمەنى كيەلى ەتۋ، ەحوبانىڭ الدىندا قۇرباندىقتار شالۋ، وعان قىزمەت ەتۋ ٷشىن جانە ارقاشان ونىڭ اتىنان باتا بەرۋ ٷشىن+ ماڭگىلىككە ٴبولىنىپ الىنعان بولاتىن+. 14 ال شىنايى قۇداي ادامى مۇسانىڭ ۇلدارىنىڭ ەسىمدەرى لەۋى رۋىنىڭ قاتارىنا ەندىرىلدى. 15 مۇسانىڭ ۇلدارى: گەرشوم+، ەليەزەر+. 16 گەرشوم ۇلدارىنان باسشى — شەبۋەل+. 17 ەليەزەردىڭ ۇرپاقتارىنان باسشى — رەحابيا+. ەليەزەردىڭ ودان باسقا ۇلى بولمادى، ال رەحابيانىڭ ۇلدارى وتە كوپ بولدى. 18 ىسقاردىڭ+ ۇلدارىنان باسشى — شەلوميت+. 19 حەبروننىڭ ۇلدارى: باسشى — ەرياح، ەكىنشىسى — امارياح، ٷشىنشىسى — جاحازيەل، ٴتورتىنشىسى — ەكامام+. 20 ۇزيەلدىڭ ۇلدارى+: باسشى — ميحا، ەكىنشىسى — يشياح.
21 مەراريدىڭ ۇلدارى: ماحلي، مۇشي+. ٴماحليدىڭ ۇلدارى: ەلازار، قيش. 22 ەلازار ومىردەن وتكەندە، ونىڭ ۇلدارى بولمادى، تەك قىزدارى بولدى. سوندىقتان ولارعا ٶز تۋىستارى، قيشتىڭ ۇلدارى ۇيلەندى. 23 ٴمۇشيدىڭ ۇلدارى: ماحلي، ەدەر، ەرەموت — ۇشەۋ.
24 بۇلار اۋلەتتەرىنە، اۋلەتباسىلارىنا قاراي ساناقتان وتكىزىلىپ، ەسىمدەرى تىزىمگە ەنگەن، جاستارى 20 جانە ودان جوعارى لەۋى ۇلدارى. ولار ەحوبانىڭ ۇيىندە قىزمەت اتقارۋعا تاعايىندالعان ەدى. 25 ٴداۋىت بىلاي دەگەن بولاتىن: «يسرايلدىڭ قۇدايى ەحوبا ٶز حالقىنا تىنىشتىق سيلادى+، ٵرى يەرۋساليمدى ٶزىنىڭ ماڭگىلىك مەكەنى ەتەدى+. 26 سوندىقتان لەۋىلىكتەرگە شاتىردى دا، قىزمەتتە قولدانىلاتىن ونداعى بۇيىمداردى دا تاسىپ ٴجۇرۋدىڭ قاجەتى بولمايدى+». 27 وسىلايشا ٴداۋىتتىڭ سوڭعى نۇسقاۋلارى بويىنشا، لەۋىلىكتەر 20 جاستان باستاپ تىزىمگە تىركەلدى. 28 ولار اۋلالار+ مەن اس بولمەلەردەگى جۇمىستاردى اتقارۋ، كيەلى زاتتاردى تازارتۋ سياقتى ەحوبانىڭ ۇيىندە اتقارىلاتىن قىزمەتتە، سونداي-اق شىنايى قۇدايدىڭ ۇيىندەگى باسقا دا جۇمىستاردا حاروننىڭ ۇلدارىنا قولعابىس ەتۋگە مىندەتتى ەدى+. 29 لەۋىلىكتەر مىنا ىستەردە دە كومەك كورسەتەتىن: نان تارتۋىن+ جانە استىق تارتۋىنا ارنالعان تاڭداۋلى ۇن دايارلاۋ، اشىتقىسىز ٴپاتىر+، تابا نان ٴپىسىرۋ، ماي قوسىپ قامىر يلەۋ+، سونداي-اق مولشەرى مەن كولەمىن ولشەۋدى قاجەت ەتەتىن بارلىق جۇمىستار. 30 سونىمەن قاتار ولار كۇن سايىن تاڭەرتەڭ+ جانە كەشكە ٶز ورىندارىندا تۇرىپ، ەحوباعا ريزاشىلىق پەن ماداق ايتاتىن+. 31 ولار حاروننىڭ ۇلدارىنا دەمالىس كۇندەرى+، جاڭا تۋعان اي+ جانە مەيرامدار ماۋسىمدارىندا+ ەحوباعا ارناپ تۇگەل ورتەلەتىن قۇرباندىقتار ۇسىنۋعا دا كومەكتەسەتىن. مۇنى ولار ەرەجەلەرگە ساي، ٵرى ەحوبانىڭ الدىندا ۇنەمى ىستەيتىن. 32 لەۋىلىكتەر ەحوبانىڭ ۇيىندەگى قىزمەتتەرىن اتقارعاندا، كەزدەسۋ شاتىرىنا، كيەلى ورىنعا جانە باۋىرلارى حارون ۇلدارىنا قاتىستى مىندەتتەرىن دە اتقاراتىن.