شەجىرەلەر 1-جازبا
26 قاقپا كۇزەتشىلەرى+ توپتارعا كەلەسىدەي ٴبولىندى: قوراحتىقتاردان اساپتىڭ ۇرپاعى قورە ۇلى مەشەلەميا+. 2 مەشەلەميانىڭ ۇلدارى: تۇڭعىشى — زاكاريا، ەكىنشىسى — ەديەل، ٷشىنشىسى — زاباديا، ٴتورتىنشىسى — ياتنيەل، 3 بەسىنشىسى — ەلام، التىنشىسى — جوحانان، جەتىنشىسى — ەليحو-حەناي. 4 عابيت-ەدومنىڭ ۇلدارى: تۇڭعىشى — شەماياح، ەكىنشىسى — ەحوزاباد، ٷشىنشىسى — جوۋاح، ٴتورتىنشىسى — ساكار، بەسىنشىسى — نەتانەل، 5 التىنشىسى — اميەل، جەتىنشىسى — يساحار، سەگىزىنشىسى — پەۋلەتاي. قۇداي عابيت-ەدومدى وسىلاي جارىلقادى.
6 ونىڭ تۇڭعىشى شەماياحتان تۋعان ۇلدار ٶز اۋلەتتەرىندە باسشىلار بولدى، ويتكەنى ولار مىقتى دا قابىلەتتى ادامدار ەدى. 7 شەماياحتىڭ ۇلدارى: وتني، رەفاەل، عابيت، ەلزاباد. ونىڭ باۋىرلارى ەليحۋ مەن سەماكيا دا قابىلەتتى ادامدار بولاتىن. 8 بۇلاردىڭ ٴبارى عابيت-ەدومنان تاراعان ۇرپاقتار. ولاردىڭ وزدەرى دە، ۇلدارى مەن باۋىرلارى دا قابىلەتتى ٵرى قىزمەت ەتۋگە لايىقتى ادامدار بولاتىن. عابيت-ەدومنىڭ توبى 62 ادامنان تۇردى. 9 مەشەلەميانىڭ+ ۇلدارى مەن باۋىرلارى، 18 ادام، ٴبارى دە قابىلەتتى ەدى. 10 مەراريدىڭ ۇرپاعى حوسانىڭ ۇلدارى مىنالار: باسشىسى — شيمري، ول تۇڭعىش ۇل بولماسا دا، اكەسى ونى باسشى ەتىپ تاعايىندادى؛ 11 ەكىنشىسى — حەلكيا، ٷشىنشىسى — تەباليا، ٴتورتىنشىسى — زاكاريا. حوسانىڭ ۇلدارى مەن باۋىرلارىنىڭ جالپى سانى — 13.
12 وسى توپتارداعى قاقپا كۇزەتشىلەرىنىڭ — باسشىلارىنىڭ دا، باۋىرلارىنىڭ دا — ەحوبانىڭ ۇيىندە ٶز مىندەتتەرى بولدى. 13 ۇلكەن-كىشى ەكەنىنە قاراماي، ٵر اۋلەت جەرەبە تاستاپ+، سوعان ساي ٵرتۇرلى قاقپاعا قويىلدى. 14 جەرەبە بويىنشا شىعىس جاقتاعى قاقپا شەلەمياحقا ٴتۇستى. ونىڭ ۇلى اقىلدى كەڭەسشى زاكاريا ٷشىن جەرەبە تاستالعاندا، وعان سولتۇستىك جاقتاعى قاقپا ٴتيدى. 15 عابيت-ەدوم وڭتۇستىك جاقتاعى قاقپانى، ال ونىڭ ۇلدارى+ قويمالاردى كۇزەتەتىن بولدى. 16 شۋپيم مەن حوساعا+ باتىس جاق، جوعارعى جاقتاعى ۇلكەن جولدىڭ بويىنداعى شالەحەت قاقپاسىنىڭ تۇسى ٴتيدى. كۇزەتشى توپتار ٴبىر-بىرىنە ىرگەلەس ورنالاستى. 17 شىعىس جاقتا التى لەۋىلىك تۇردى؛ سولتۇستىك پەن وڭتۇستىك جاقتا كۇندەلىكتى ٴتورت-ٴتورت كۇزەتشىدەن تۇردى؛ ال قويمالاردىڭ قاسىنا ٴبىرىنىڭ جانىنا ٴبىرى قوس-قوس كۇزەتشىدەن قويىلدى+. 18 باتىس جاقتاعى، ياعني باستىرما تۇرعان جاقتاعى، ۇلكەن جولدىڭ بويىندا ٴتورت كۇزەتشى+، ال باستىرمانىڭ الدىندا ەكى كۇزەتشى تۇردى. 19 قوراح پەن مەراريدەن تاراعان قاقپا كۇزەتشىلەرىنىڭ توپتارى وسىلار.
20 شىنايى قۇدايدىڭ ۇيىندەگى قازىنالار مەن قۇدايعا باعىشتالعان* زاتتار ساقتالاتىن قازىنالارعا لەۋىلىكتەر اراسىنان احيا جاۋاپتى بولدى+. 21 لاداننىڭ ۇلدارىنان، ياعني لاداننان تاراعان گەرشوندىق اۋلەتباسىلاردان، ەحيەلي+ جانە 22 ەحيەليدىڭ ۇلدارى زەتام مەن ونىڭ باۋىرى جوەل تاڭدالدى. بۇلار ەحوبانىڭ ۇيىندەگى قازىنالارعا+ جاۋاپتى بولدى. 23 ىمرام، ىسقار، حەبرون جانە ۇزيەلدەن تاراعان اۋلەتتەردەن+ 24 مۇسا ۇلى گەرشومنىڭ ۇرپاعى شەبۋەل قويمالارعا جاۋاپتى بولدى، بۇل ىستە ول جەتەكشىلىك ەتتى. 25 شەبۋەلدىڭ باۋىرلارىنان، ياعني ەليەزەردىڭ+ ۇرپاقتارىنان رەحابيا+، ەشاياحۋ، جوحرام، زيحري، شەلوموت تاڭدالدى. 26 شەلوموت پەن ونىڭ باۋىرلارى قازىنالارعا، ياعني ٴداۋىت پاتشا+، اۋلەتباسىلار+، مىڭباسى-ٴجۇزباسىلار مەن اسكەرباسىلار قۇدايعا باعىشتاعان زاتتار+ ساقتالاتىن قازىنالاردىڭ بارىنە جاۋاپتى بولدى. 27 شايقاستاردا قولعا تۇسكەن ولجانىڭ ٴبىر بولىگى+ ەحوبانىڭ ٷيىن كۇتىپ ۇستاۋعا باعىشتالاتىن. 28 سونداي-اق كورەگەن*+ سامۋيل، قيش ۇلى ساۋل پاتشا، نەر ۇلى ابىنەر+، سارۇيانىڭ+ ۇلى جوعاب+ جانە كەز كەلگەن ادام قۇدايعا باعىشتاعان زاتتاردىڭ ٴبارى شەلوميت* پەن ونىڭ باۋىرلارىنا سەنىپ تاپسىرىلدى.
29 ىسقاردىڭ+ ۇرپاعىنان شىققان كەنانياح پەن ونىڭ ۇلدارى قۇداي ۇيىنەن تىس ماسەلەلەر بويىنشا يسرايل ەلى ٷشىن باسقارۋشى ٵرى تورەشى قىزمەتتەرىن اتقاراتىن+.
30 حەبرون+ ۇرپاقتارىنان حاشابياح پەن ونىڭ باۋىرلارى، باس-اياعى 1700 قابىلەتتى ادام، يورداننىڭ باتىسىنداعى ايماقتارعا تاعايىندالىپ، ەحوباعا جانە پاتشاعا قاتىسى بار يسرايلدىڭ سول جاقتاعى بارلىق ىستەرى سولاردىڭ باقىلاۋىنا بەرىلدى. 31 حەبرون ۇرپاقتارىنان حەبرون اۋلەتتەرىنىڭ باسى جەرياح+ بولدى. ٴداۋىتتىڭ بيلىك قۇرۋىنىڭ قىرقىنشى جىلى+ ولاردىڭ اراسىنان مىقتى ٵرى ىسكە قابىلەتتى كىسىلەر ىزدەستىرىلدى. مۇنداي كىسىلەر عالاقاتتاعى جازەردەن+ تابىلدى. 32 جەرياحتىڭ باۋىرلارىنان 2700 قابىلەتتى اۋلەتباسى شىقتى. سودان ٴداۋىت پاتشا ولاردى رۋبەندىكتەر، عادتىقتار جانە ماناسا رۋىنىڭ جارتىسى تۇراتىن ايماقتارداعى قۇدايعا جانە پاتشاعا قاتىسى بار ىستەردىڭ ٴبارىن باسقارۋعا تاعايىندادى.