شەجىرەلەر 1-جازبا
28 ٴداۋىت يسرايلدىڭ بارلىق بەكزادالارىن — رۋ بەكزادالارىن، پاتشاعا قىزمەت ەتەتىن اسكەر بولىمشەلەرىنىڭ باسشىلارىن+، مىڭباسىلار مەن ٴجۇزباسىلارىن+، پاتشا مەن ۇلدارىنىڭ+ مال-مۇلكىنىڭ باسىنا قويىلعانداردى+، ساراي قىزمەتكەرلەرىن جانە باتىر دا قابىلەتتى كىسىلەردى+ — يەرۋساليمگە جينادى. 2 سوسىن ٴداۋىت پاتشا ورنىنان تۇرىپ بىلاي دەدى: «ٴسوزىمدى تىڭداڭدارشى، باۋىرلارىم، حالقىم! مەن ەحوبانىڭ كەلىسىم ساندىعى تۇراتىن ٵرى قۇدايىمىزدىڭ تابان تىرەنىشى بولاتىن ٷي سالۋدى بار جۇرەگىممەن قالاعان ەدىم+. قۇرىلىسقا قاجەتتى دايىندىق تا جاسادىم+. 3 ٴبىراق شىنايى قۇداي: —سەن مەنىڭ ەسىمىمە ارناپ ٷي سالمايسىڭ+. ويتكەنى سەن سوعىستار جۇرگىزىپ، قان توكتىڭ،— دەدى+. 4 يسرايلدىڭ قۇدايى ەحوبا اكەمنىڭ بۇكىل اۋلەتىنىڭ ىشىنەن مەنى تاڭداپ، ماڭگىلىككە يسرايلگە پاتشا ەتىپ قويدى+. ول ياھۋدانى كوسەم ەتىپ تاڭدادى+، ال ياھۋدادان تاراعان اۋلەتتەردەن اكەمنىڭ اۋلەتىن+ تاڭدادى، ال اكەمنىڭ ۇلدارىنىڭ اراسىنان ماعان ىقىلاسى ٴتۇسىپ، يسرايلگە پاتشا ەتىپ تاعايىندادى+. 5 ەحوبا ماعان كوپ ۇل سيلاپ+، سولاردىڭ ٴبارىنىڭ ىشىنەن يسرايلدەگى ەحوبانىڭ پاتشا تاعىنا وتىرعىزۋ ٷشىن سۇلەيمەندى تاڭداپ الدى+.
6 بۇعان قوسا، ول ماعان: —مەنىڭ ٷيىم مەن اۋلالارىمدى ۇلىڭ سۇلەيمەن سالادى. سەبەبى مەن ونى وزىمە ۇل ەتىپ تاڭداپ الدىم، مەن وعان اكە بولامىن+. 7 ەگەر ول مەنىڭ وسيەتتەرىم مەن شەشىمدەرىمدى قازىرگىدەي بەرىك ۇستاناتىن بولسا+، مەن ونىڭ پاتشالىعىن ماڭگى مىزعىماستاي ەتەمىن+،— دەدى. 8 سوندىقتان بۇكىل يسرايلدىڭ، ەحوبانىڭ قاۋىمىنىڭ الدىندا، سونداي-اق قۇدايىمىزدىڭ الدىندا سەندەرگە مىنانى ايتامىن: قۇدايىمىز ەحوبانىڭ بارلىق وسيەتتەرىن مۇقيات ورىنداڭدار ٵرى زەرتتەڭدەر. سوندا مىنا جاقسى جەردى يەمدەنىپ+، وزدەرىڭنەن كەيىنگى ۇلدارىڭا ماڭگىلىككە مۇرا ەتىپ قالدىراسىڭدار.
9 ال سەن، ۇلىم سۇلەيمەن، اكەڭنىڭ قۇدايىن تانىپ-ٴبىل. وعان بار جۇرەگىڭمەن، بار ىقىلاسىڭمەن قىزمەت ەت+. ويتكەنى ەحوبا جۇرەك اتاۋلىنى تەكسەرەدى+، ٵرى وعان ادامنىڭ وي-نيەتىنىڭ ٴبارى ايان+. ەگەر ونى ىزدەيتىن بولساڭ، ول ٶزىن تابۋىڭا مۇمكىندىك بەرەدى+. ال ونى تاستاپ كەتسەڭ، ول سەنەن ٴبىرجولا باس تارتادى+. 10 مىنە، ەحوبا ٶزىنىڭ عيباداتحاناسى بولاتىن ٷيدى سالۋعا سەنى تاڭداپ وتىر. بۇعان جەڭىل-جەلپى قاراۋشى بولما! باتىلدىقپەن ىسكە كىرىس!»
11 بۇدان كەيىن ٴداۋىت ۇلى سۇلەيمەنگە عيباداتحانانىڭ كىرەبەرىسىنىڭ+، عيماراتتاردىڭ، قويمالار، جوعارعى جانە ىشكى بولمەلەردىڭ، سونداي-اق تاتۋلاستىرۋ قاقپاعى تۇراتىن جايدىڭ+ سىزباسى جاسالعان جوبانى+ بەردى. 12 سونداي-اق وزىنە قۇداي رۋحى ارقىلى اشىلعان كەلەسى نارسەلەردىڭ جوباسىن، ياعني ەحوبانىڭ ٷيىنىڭ اۋلالارى+ مەن ونى اينالا ورنالاسقان اس بولمەلەردىڭ، شىنايى قۇداي ٷيىنىڭ قازىنالارى مەن باعىشتالعان زاتتارعا ارنالعان قازىنالاردىڭ+ جوباسىن تابىس ەتتى. 13 ٴداۋىت سۇلەيمەنگە ٴدىني قىزمەتكەرلەر+ مەن لەۋىلىكتەر توپتارىنىڭ قىزمەتىنە، ەحوبانىڭ ۇيىندە اتقارىلاتىن قىزمەتپەن بايلانىستى مىندەتتەرگە قاتىستى، سونداي-اق ەحوبانىڭ ۇيىندەگى قىزمەتتە قولدانىلاتىن كۇللى بۇيىمدارعا دا قاتىستى نۇسقاۋلار بەردى. 14 ول قىزمەتتىڭ ٴتۇر-تۇرىندە قولدانىلاتىن بارلىق التىن بۇيىمدار مەن قىزمەتتىڭ ٴتۇر-تۇرىندە قولدانىلاتىن بارلىق كۇمىس بۇيىمدارعا جۇمسالاتىن التىن-كۇمىستىڭ سالماعىن بەلگىلەدى. 15 پاتشا التىن شامدالدار+ مەن ولاردىڭ التىن شامدارىنا، ٴتۇرلى شامدالدار مەن ولاردىڭ شامدارىنا، كۇمىس شامدالدارعا جۇمسالاتىن التىن-كۇمىستىڭ سالماعىن بەلگىلەدى. بۇلاردىڭ ٴارقايسىسىنىڭ سالماعى قولدانىسىنا قاراي بەلگىلەندى. 16 سونىمەن قاتار نان تارتۋىنا ارنالعان ٵربىر ۇستەلدى+ قاپتاۋعا جۇمسالاتىن التىننىڭ جانە ٵربىر كۇمىس ۇستەلدى قاپتاۋعا جۇمسالاتىن كۇمىستىڭ سالماعى كورسەتىلدى. 17 ول ساف التىننان جاسالاتىن شانىشقىلار، كەرسەندەر، قۇمىرالار، التىن توستاقتار+ مەن كۇمىس توستاقتاردىڭ، ٵر توستاقتىڭ سالماعىن جەكە بەلگىلەدى. 18 حوش ٴيىستى زات تۇتەتىلەتىن ۇستەلدى+ قاپتاۋعا ارنالعان تازارتىلعان التىننىڭ سالماعىن، سونداي-اق اربانى بەينەلەيتىن+ كەرۋبتەردى، ياعني ەحوبانىڭ كەلىسىم ساندىعىن جايىلعان قاناتتارىمەن كولەگەيلەپ تۇرعان التىن كەرۋبتەردى+، جاساۋعا جۇمسالاتىن التىننىڭ مولشەرىن بەلگىلەدى. 19 ٴداۋىت بىلاي دەدى: «ەحوبا ماعان تۇسىنىك سيلاپ، سونىڭ باسشىلىعىمەن وسى جوبانىڭ+ سىزباسىن ەگجەي-تەگجەيلى ەتىپ جاسادىم+».
20 سوسىن ول ۇلى سۇلەيمەنگە تاعى مىنانى ايتتى: «باتىل دا، بەرىك بولىپ ىسكە كىرىس! ەش قورىقپا دا، ۇرەيلەنبە دە، ويتكەنى ەحوبا قۇداي، مەنىڭ قۇدايىم، ساعان جار+. ەحوبانىڭ ۇيىندەگى قىزمەتكە قاجەتتى جۇمىستاردىڭ ٴبارى بىتپەيىنشە، ول سەنى تاستامايدى، ەش قالدىرمايدى+. 21 ٴدىني قىزمەتكەرلەر+ مەن لەۋىلىكتەردىڭ+ توپتارى شىنايى قۇدايدىڭ ۇيىندەگى بارلىق قىزمەتتى اتقارۋعا دايار. كەز كەلگەن جۇمىستى شەبەر اتقارا الاتىن ىنتالى جۇمىسشىلارىڭ دا بار+. بۇعان قوسا، بەكزادالار+ مەن بۇكىل حالىق تا بارلىق نۇسقاۋلارىڭدى ورىنداۋعا ىقىلاستى».