ٴزابۇر
ٵن-كۇي جەتەكشىسىنە. قوراح ۇلدارىنىڭ جىرى+.
49 كۇللى حالىقتار، مىنانى تىڭداڭدار،
جەرجۇزىنىڭ تۇرعىندارى، نازار سالىڭدار،
2 قاراپايىمدار مەن ۇلىقتار،
بايلار مەن كەدەيلەر — ٴبارىڭ دە تىڭداڭدار.
3 اۋزىمنان دانا سوزدەر شىعادى،
جۇرەك تولعانىسىمنان+ تۇسىنىك بايقالادى.
4 مەن ناقىل سوزگە قۇلاق سالامىن،
ارفادا ويناپ، جۇمباعىمنىڭ شەشىمىن ايتامىن.
5 قيىن-قىستاۋ كەزەڭدە،
كوزىمدى قۇرتقىسى كەلەتىن زۇلىمدار قورشاعاندا،
نەگە مەن قورقۋىم كەرەك+؟!
7 ەشقايسىسى وزگەنىڭ تولەمىن وتەي المايدى،
ول ٷشىن قۇدايعا تولەم دە بەرە المايدى+.
8 (ادامنىڭ جانى ٷشىن بەرىلەتىن تولەمنىڭ قۇنى تىم جوعارى،
پەندە اتاۋلى ونى ەشقاشان تولەي المايدى.)
9 ماڭگى ٶمىر ٴسۇرۋى ٷشىن، كورگە تۇسىرمەي امان الىپ قالا المايدى+.
10 سەبەبى ولار ٴتىپتى دانا جاننىڭ دا ولەتىنىن،
اقىماق پەن ساناسىزدىڭ دا بىرگە قۇرىپ كەتىپ+،
بار مال-مۇلكىنىڭ وزگەگە قالاتىنىن بىلەدى+.
11 ولار ۇيلەرىنىڭ ماڭگى تۇرىپ،
شاتىرلارىنىڭ ۇرپاقتان ۇرپاققا قالعانىن قالايدى.
يەلىگىندەگى جەرلەرىنە ٶز اتتارىن بەرەدى.
12 ٴبىراق، قانشا قۇرمەتتى بولسا دا، ادام ۇزاق جاسامايدى+،
ول قۇرىپ جوق بولاتىن حايۋانعا ۇقسايدى+.
13 اقىماقتاردىڭ دا،
سولاردىڭ بوس سوزدەرىن ۇناتىپ، ولارعا ەرەتىندەردىڭ دە
جۇرەر جولى وسىنداي بولادى+. (سەلا)
14 ولاردى قوي ىسپەتتى كورگە* ايداپ اپارادى.
ال باعۋشىسى ٶلىم بولادى.
تاڭەرتەڭ ادىلدەر ولارعا بيلىك جۇرگىزەدى+.
ولار ىزدەرى دە قالماي قۇرىپ كەتەدى+.
ولارعا ٴزاۋلىم ساراي ەمەس، كور*+ ٷي بولادى+.
15 ال مەنى قۇداي تولەمىمدى وتەپ، كوردىڭ* بيلىگىنەن* قۇتقارادى+،
ويتكەنى ول مەنى قامقورىنا الادى. (سەلا)
16 ادامنىڭ بايىعانىنان،
ٷيىنىڭ سالتاناتى مولايعانىنان قورىقپا،
17 سەبەبى ول ولگەندە، وزىمەن ەشتەڭە دە الىپ كەتە المايدى+،
سالتاناتى دا وعان ەرىپ بارمايدى+.
18 ويتكەنى ٴتىرى كەزىندە ول ٶزىن ماقتاۋمەن بولدى+.
(تابىسقا جەتكەنىڭدە، جۇرت سەنى ماداقتايدى+.)
19 ٴبىراق اقىر سوڭىندا بابالارىنا بارىپ قوسىلادى.
ولار ەندى قايتىپ جارىقتى كورمەيدى.
20 مۇنى تۇسىنبەيتىن ادام، قانشا قۇرمەتتى بولسا دا+،
قۇرىپ جوق بولاتىن حايۋانعا ۇقسايدى.