يشايا
1 اموس ۇلى يشايانىڭ* ياھۋدا پاتشالارى+ ۇزياح+، جوتام+، احاز+ جانە ەزەكيانىڭ+ زامانىندا ياھۋدا ەلى مەن يەرۋساليم قالاسى جايلى كورگەن ايانى+:
2 ۋا، كوك، تىڭدا! ۋا، جەر، قۇلاق سال+!
ەحوبا* بىلاي دەيدى: «مەن ۇلدار تاربيەلەپ، باعىپ-قاقتىم+.
ال ولار بولسا وزىمە قارسى شىقتى+.
3 بۇقا ٶز يەسىن تانيدى،
ەسەك تە يەسىنىڭ جەم سالاتىن اقىرىن بىلەدى.
4 كۇناكار ۇلت+،
موينىندا اۋىر كىناسى بار حالىق،
زۇلىم ۇرپاق، بۇزىلعان بالالار قاسىرەتكە قالادى!
ولار ەحوبانى تاستاپ كەتتى+،
يسرايلدىڭ كيەلى قۇدايىن مەنسىنبەدى،
وعان جون ارقاسىن كورسەتىپ سىرت اينالدى.
5 بۇلىك شىعارۋدى قويار ەمەسسىڭدەر، تاياق تيمەگەن ەندى قاي جەرلەرىڭ قالىپ ەدى+؟
باستارىڭدى جارا باسقان،
جۇرەكتەرىڭ بولسا ٵلجۋاز+.
6 توبەلەرىڭنەن تاباندارىڭا دەيىن ساۋ جەرلەرىڭ جوق.
تۇلا بويلارىڭ تولعان جاراقات، كوگەرگەن، اشىق جارا.
جارالارىڭ تازالانىپ، تاڭىلماعان، ۇستىنە ماي دا جاعىلماعان+.
7 جەرلەرىڭ قاڭىراپ بوس قالدى،
قالالارىڭ ورتكە وراندى،
كوز الدارىڭدا جاتجەرلىكتەر جەرلەرىڭدى جالماپ جاتىر+،
ەلدەرىڭ جاتجەرلىكتەر تالان-تاراج ەتىپ، بوس قالدىرعان جەرگە ۇقسايدى+.
8 سيون قىزى جۇزىمدىكتەگى قاراۋسىز قالعان كۇركەگە،
قيار ەگىلگەن دالاداعى كۇزەتشىنىڭ تاستاپ كەتكەن لاشىعىنا،
قورشاۋعا الىنعان قالاعا ۇقسايدى+.
9 ەگەر اسكەرباسى ەحوبا ازعانامىزدى امان الىپ قالماعاندا،
تاپ سودوم قالاسىنداي بولار ەدىك،
عومورانىڭ كەبىن كيەر ەدىك+.
10 سودومنىڭ قاتىگەز بيلەۋشىلەرى، ەحوبانىڭ ٴسوزىن تىڭداڭدار+!
عومورا حالقى+، قۇدايىمىزدىڭ زاڭىنا* قۇلاق تۇرىڭدەر!
11 ەحوبا بىلاي دەيدى: «سەندەردىڭ قىرۋار قۇرباندىقتارىڭنان ماعان نە پايدا+؟
ماعان ارناپ ورتەيتىن قوشقارلارىڭنىڭ+، بورداقىلانعان مالدارىڭنىڭ مايىنا+ ابدەن تويدىم.
جاس بۇقالاردىڭ+، توقتىلار مەن تەكەلەردىڭ+ قانىن+ قالامايمىن.
13 تۇككە تۇرعىسىز استىق تارتۋىن اكەلۋدى دوعارىڭدار!
حوش ٴيىستى زات تۇتەتكەندەرىڭ ماعان جيرەنىشتى+.
جاڭا تۋعان ايدى مەرەكەلەيسىڭدەر+،
دەمالىس كۇنىن ۇستاناسىڭدار+،
سالتاناتتى جيىندا باس قوساسىڭدار+.
سويتە تۇرا تىلسىم كۇشتەرگە جۇگىنەسىڭدەر+.
مەن بۇعان توزە المايمىن!
14 جاڭا تۋعان اي مەن باسقا دا مەرەكەلەرىڭدى جانىم جەك كورەدى.
ولار مەن ٷشىن اۋىر جۇك بولىپ كەتتى،
مەن ولاردى كوتەرىپ جۇرۋدەن شارشادىم.
15 الاقاندارىڭدى جايىپ سيىنعاندارىڭدا،
جانارىمدى بۇرىپ اكەتەمىن+.
قانشا دۇعا ەتسەڭدەر دە+،
سوزدەرىڭە قۇلاق سالمايمىن+،
ويتكەنى قولدارىڭ قانعا مالىنعان+.
16 جۋىنىپ-شايىنىڭدار، تازارىڭدار+،
زۇلىم ىستەرىڭدى كوز الدىمنان قۇرتىڭدار.
جاماندىق جاساۋدى دوعارىڭدار+!
17 جاقسىلىق جاساۋدى ۇيرەنىڭدەر، ادىلدىككە ۇمتىلىڭدار+،
قىسىم كورسەتەتىندەردى تۇزەتىڭدەر.
جەتىم بالانىڭ قۇقىعىن،
جەسىردىڭ مۇددەسىن قورعاڭدار+».
18 ەحوبا بىلاي دەيدى: «كەلىڭدەر، ماسەلەنى ورتاعا سالىپ، شەشەيىك+.
كۇنالارىڭ ال قىزىل بولسا دا،
اپپاق قارداي ەتەمىن+.
قىرمىزى ماتاداي قىزىل بولسا دا،
اپپاق جۇندەي قىلامىن.
19 ەگەر قۇلاق اسۋعا دايىن بولساڭدار،
جەردىڭ جاقسى ٶنىمىن جەيسىڭدەر+.
20 ال قاسارىسىپ، بۇلىك شىعارساڭدار،
سەندەردى سەمسەر جالمايدى+.
ويتكەنى بۇل — ەحوبانىڭ اۋزىنان شىققان ٴسوز».
21 قالاي عانا ادال قالا+ جەزوكشەگە اينالدى+؟!
ول ادىلدىك ورناعان+، ادىلەتتىلىك تۇراقتاعان قالا ەدى+،
ال ەندى ول — كىسى ولتىرۋشىلەردىڭ ورداسى+.
22 سەنىڭ كۇمىسىڭ قوجعا اينالدى+،
سىراڭا سۋ قوسىلدى.
23 بەكزادالارىڭ قىڭىر، ۇرى-قارىلاردىڭ سىبايلاسى+.
شەتىنەن پاراقور، سي-سياپات دامەتىپ تۇرادى+.
جەتىمدەرگە ٵدىل ۇكىم شىعارمايدى،
جەسىردىڭ ٸسىن ەشقاشان قاراستىرمايدى+.
24 سوندىقتان شىنايى يەمىز اسكەرباسى ەحوبا،
يسرايلدىڭ قۇدىرەتتى قۇدايى بىلاي دەيدى:
«جەتەر ەندى! دۇشپاندارىمنان قۇتىلامىن،
جاۋلارىمنان كەك الامىن+!
25 مەن سەنى جازالايمىن،
سىلتىمەن تازارتقانداي، بالقىتىپ قوجدان تازارتامىن،
قوسپا اتاۋلىدان ارىلتامىن+.
26 بۇرىنعىداي ساعان قايتادان بيلەر بەرەمىن،
باستاپقىداي كەڭەسشىلەر سيلايمىن+.
بۇدان كەيىن سەن «ادىلدىك قالاسى»، «ادال شاھار» دەپ اتالاتىن بولاسىڭ+.
27 سيوننىڭ قۇنى ادىلەتتىلىكپەن وتەلەدى+،
وعان قايتا ورالعان حالىقتىڭ قۇنى ادىلدىكپەن وتەلەدى.
29 ولار سەندەرگە سونشا قالاۋلى بولعان مىقتى اعاشتارى ٷشىن ۇياتقا قالادى+،
30 ويتكەنى سەندەر جاپىراقتارى قۋراعان ۇلكەن اعاشتاي+،
سۋارىلمايتىن باقتاي بولاسىڭدار.
31 مىقتى ادام زىعىر تالشىعىنداي،
ال ىستەرى وت ۇشقىنىنداي بولماق.
ەكەۋى بىردەي لاپ ەتىپ تۇتانادى دا،
وشىرەتىن ەشكىم بولمايدى».