يشايا
7 ۇزياحتىڭ نەمەرەسى جوتام ۇلى احاز+ ياھۋدا ەلىندە پاتشالىق قۇرىپ وتىرعاندا، سيريا پاتشاسى رەسين مەن يسرايل پاتشاسى رەمالياح ۇلى پەكاح+ يەرۋساليمگە قارسى اتتاندى، ٴبىراق ول* قالانى جاۋلاپ الا المادى+. 2 ٴداۋىت ۇيىنە «سيريا مەن ەفرەم وداقتاسىپ، اسكەرلەرىن بىرىكتىرىپتى» دەگەن حابار جەتتى.
سوندا احاز پاتشا مەن ونىڭ حالقىنىڭ جۇرەگى جەل تەربەتكەن ورمان اعاشىنىڭ جاپىراعىنداي ٴدىرىل قاقتى.
3 سول كەزدە ەحوبا يشاياعا بىلاي دەدى: «قاسىڭا ۇلىڭ شەيار-ياشۋبتى*+ ەرتىپ، احازدىڭ الدىنان شىقشى. ونى كىر جۋۋشىنىڭ تانابىنا اپاراتىن ۇلكەن جولدىڭ بويىنداعى جوعارعى حاۋىز سالاسىنىڭ اياق جاعىندا كەزدەستىرەسىڭ+. 4 وعان مىنا حابارىمدى جەتكىز: —اباي بول، ەش ابىرجۋشى بولما! انا بىقسىپ جانعان ەكى توماردان، سيريا پاتشاسى رەسين مەن رەمالياح ۇلىنىڭ+ لاۋلاعان قاھارىنان، زارەڭ ۇشپاسىن! 5 سيريا مەن ەفرەم جانە رەمالياح ۇلى ساعان قارسى زۇلىم جوسپار قۇرىپ: 6 «جۇرىڭدەر، ياھۋداعا قارسى اتتانايىق تا، پارشا-پارشاسىن شىعارىپ*، جاۋلاپ الايىق. تابيەل ۇلىن ەلگە پاتشا ەتىپ تاعايىندايىق»،— دەيدى+.
7 ٴبىراق الەمنىڭ ٵمىرشىسى ەحوبا مىنانى ايتادى:
—بۇل ورىندالمايدى،
جۇزەگە دە اسپايدى.
8 ويتكەنى سيريانىڭ باسى — داماسك،
داماسكىنىڭ باسى — رەسين.
نەبارى 65 جىلدا ەفرەم تۇگەلدەي بىتىراپ كەتىپ، ەل بولۋدان قالادى+.
سەنىمدەرىڭ بەرىك بولماسا،
سەندەر نىق تۇرا المايسىڭدار».
10 ەحوبا ٴسوزىن جالعاپ، احازعا: 11 «قۇدايىڭ ەحوبادان بەلگى سۇرا+. كوردەي* تەرەڭ، كوكتەي بيىك بولسا دا، سۇراي بەر»،— دەدى. 12 ٴبىراق پاتشا: «جوق، سۇرامايمىن، ەحوبانى سىنامايمىن»،— دەپ جاۋاپ بەردى.
13 سوندا يشايا مىنانى ايتتى: «ەي، ٴداۋىت ٷيى، تىڭداڭدارشى. ادامنىڭ ٴتوزىمىن سىناعاندارىڭ از بولعانداي، ەندى قۇدايدىڭ ٴتوزىمىن سىناعىلارىڭ كەلە مە+؟ 14 ەندەشە، ەحوبانىڭ ٶزى سەندەرگە بەلگى بەرەدى. مىنە، ٴبىر بويجەتكەن قۇرساق كوتەرىپ، ۇل تابادى دا+، وعان ەممانۋيل* دەگەن ات قويادى+. 15 ول جاماننان باس تارتىپ، جاقسىنى تاڭداي بىلەتىن كەزى كەلىسىمەن-اق تەك ماي مەن بال جەيتىن بولادى. 16 سەبەبى بالانىڭ جاماننان باس تارتىپ، جاقسىنى تاڭداي بىلەتىن كەزى كەلمەي تۇرىپ، ٶزىڭ ولەردەي قورىققان الگى ەكى پاتشانىڭ جەرى قاڭىراپ بوس قالادى+. 17 ەحوبا سەنىڭ جانە حالقىڭنىڭ باسىنا، سونداي-اق اكەڭنىڭ ٷيىنىڭ باسىنا ەفرەم ياھۋدادان بولىنگەننەن بەرى+ بولماعان اۋىر كۇن تۋدىرادى: ول ەلىڭە اسسيريا پاتشاسىن اتتاندىرادى+.
18 سول كۇنى ەحوبا مىسىرداعى ٴنىل وزەنىنىڭ الىس سالالارىنان شىبىنداردى، ال اسسيريا ەلىنەن ارالاردى ىسقىرىپ شاقىرادى. 19 ولار قۇجىناپ كەلىپ، ويپاڭ اڭعارلارعا*، جارتاس قۋىستارىنا، كۇللى تىكەندى بۇتالار مەن سۋاتتاردىڭ بارىنە قونادى.
20 سول كۇنى ەحوبا ەۆفرات ايماعىنان جالعا الىنعان ۇستارامەن — اسسيريا پاتشاسى+ ارقىلى — ياھۋدانىڭ باسىنداعى شاشىن، اياعىنداعى تۇگىن، ٴتىپتى ساقالىن دا قىرىپ تاستايدى.
21 سول كۇنى تابىندا ٴبىر قۇناجىن، ەكى قوي امان قالادى. 22 ٴسۇت مول بولعاندىقتان، جۇرت ماي جەيتىن بولادى. ەلدە قالعانداردىڭ ٴبارى تەك ماي مەن بال جەيدى.
23 سول كۇنى كەزىندە قۇنى 1000 كۇمىس اقشا تۇرعان 1000 ٴتۇپ ٴجۇزىمنىڭ ورنىنا تىكەندى بۇتالار مەن ٵرامشوپ وسەدى. 24 بۇكىل ەلدى تىكەندى بۇتا مەن ٵرامشوپ باسقاندىقتان، جۇرت ساداعى مەن جەبەلەرىن الىپ جۇرەتىن بولادى. 25 كەزىندە كەتپەنمەن تازارتىلىپ تۇراتىن تاۋلاردىڭ ٴبارىن تىكەندى بۇتا مەن ٵرامشوپ قاپتايدى. سوندىقتان ولاردىڭ ماڭىنا دا جۋىمايتىن بولاسىڭ. ولار بۇقالار جايىلىپ، قويلار تاپتايتىن جەرگە اينالادى».