يشايا
17 داماسك تۋرالى اۋىر حابار+:
«مىنە، داماسك قالا بولۋدان قالىپ،
ٴبىر توبە ۇيىندىگە اينالادى+!
2 اروگەر+ قالالارى قاڭىراپ بوس قالىپ،
مال تىنىعاتىن جەرگە اينالادى؛
جاتقان مالدى ەشكىم ۇركىتپەيدى.
3 ەفرەمنەن بەكىنىستى قالالار،
داماسكىدەن پاتشالىق عايىپ بولادى+.
سيريانىڭ امان قالعاندارى يسرايلدىكتەر ىسپەتتى داڭقىنان ايىرىلادى».
مۇنى ايتىپ وتىرعان — اسكەرباسى ەحوبا.
4 «سول كۇنى جاقىپتىڭ داڭقى سولعىن تارتىپ،
سوم دەنەسىنەن قۋ سۇيەك قالادى.
5 ول ەگىنى ورىلىپ،
ٶنىمى جيناپ الىنعان رەفايمدەر اڭعارىندا+
ماساق تەرىپ جۇرگەن ادامعا ۇقسايتىن بولادى.
6 ٴزايتۇن اعاشىنىڭ جەمىسى جينالعاندا،
ەڭ بيىك بۇتاسىندا ەكى-ٷش جەمىس،
قالىڭ سالعان بۇتاسىندا ٴتورت-بەس جەمىس قالاتىنىنداي،
جاقىپتان دا تەك ازعانا تامتىق قالادى+».
مۇنى ايتىپ وتىرعان — يسرايلدىڭ قۇدايى ەحوبا.
7 سول كۇنى ادام سەنىمىن جاراتۋشىسىنا ارتادى، يسرايلدىڭ كيەلى قۇدايىنا نازارىن سالادى. 8 ٶز قولىنان شىققان قۇرباندىق وشاقتارىنا+ سەنىم ارتپايدى+، ٶز ساۋساعىمەن جاساعان قاسيەتتى باعانالار* مەن حوش ٴيىستى زات تۇتەتەتىن ۇستەلدەرگە نازار سالمايدى.
9 سول كۇنى ونىڭ بەكىنىستى قالالارى ورمانداعى يەسىز قالعان جەرگە+،
يسرايلدىكتەردىڭ الدىندا تاستاپ كەتكەن بۇتاعا ۇقسايتىن بولادى؛
ول قۇلا تۇزگە اينالادى.
سوندىقتان ادەمى باقتار وتىرعىزىپ،
سوندا بوتەن بىرەۋدىڭ* كوشەتىن وتىرعىزدىڭ.
11 كۇندىز باعىڭدى جاقسىلاپ قورشايسىڭ،
ەككەن تۇقىمىڭ تاڭەرتەڭ كوكتەپ شىعۋ ٷشىن توپىراعىن قوپسىتاسىڭ.
ٴبىراق اۋرۋ مەن زور قاسىرەت كەلگەن كۇنى ونىمىڭنەن ەشتەڭە قالمايدى+.
12 تىڭداشى! دولدانعان تەڭىزدەي، كوپتەگەن حالىقتار تولقىپ جاتىر!
سارقىراعان سۋدىڭ گۇرىلىندەي، ۇلتتار شۋلاپ جاتىر!
13 ولار بۋىرقانعان مول سۋداي شۋلايدى.
ول ۇلتتارعا سوگىس بەرەدى، سوندا ولار الىسقا قاشادى،
جەل ۇشىرعان تاۋداعى قاۋىزداي،
قۇيىن ايداعان قاڭباقتاي زۋلايدى.
14 كەش تۇسكەندە بويلارىن ۇرەي بيلەيدى،
تاڭ اتپاي جاتىپ بىرەۋى دە قالمايدى.
ٴبىزدى تالان-تاراجعا سالعانداردىڭ،
توناعانداردىڭ الار ۇلەسى وسىنداي بولادى.