زەرتتەۋ ٵدىسى
جۇرەگىڭىزدى دايىنداڭىز
كيەلى كىتاپتى زەرتتەگەندە، ەحوبانىڭ ويلارى جۇرەگىمىزگە، ياعني ويلارىمىزعا، سەزىمدەرىمىز بەن قالاۋلارىمىزعا اسەر ەتسە ەكەن دەيمىز. وسى ورايدا ەزرا بىزگە جاقسى ۇلگى قالدىرعان. ول «ەحوبانىڭ زاڭىن زەرتتەۋگە... ٶز جۇرەگىن دايىنداعان» (ەزرا 7:10). ٴبىز دە ٶز جۇرەگىمىزدى قالاي دايىنداساق بولادى؟
دۇعا ەتىڭىز. زەرتتەۋىڭىزدى ۇنەمى دۇعامەن باستاڭىز. ەحوبادان زەرتتەيتىن مالىمەتتى تۇسىنۋگە، كەيىن ونى قولدانۋعا كومەكتەسۋىن سۇراڭىز (ٴزاب. 119:18، 34).
كىشىپەيىل بولىڭىز. ەحوبا كوكىرەك جانە ٶز اقىلىنا سۇيەنەتىن ادامداردان شىندىقتى جاسىرادى (لۇقا 10:21). زەرتتەگەندە، ماقساتىڭىز وزگەلەردى تاڭعالدىرۋ بولماسىن. ويىڭىز قۇدايدىڭ كوزقاراسىنا ساي كەلمەيتىنىن بايقاساڭىز، كىشىپەيىلدىلىك تانىتىپ، ويىڭىزدى وزگەرتىڭىز.
پاتشالىق اندەرىن تىڭداڭىز. ٵننىڭ جۇرەك قىلىن شەرتەتىن قۇدىرەتى بار. ەگەر زەرتتەۋ الدىندا ٵن تىڭداساق، بۇل بىزگە جۇرەگىمىزدى دايىنداۋعا كومەكتەسەدى.