Шежірелер 2-жазба

22 Иерусалим тұрғындары Жорамның орнына кенже ұлы Ахазияны патша етіп қойды. Өйткені арабтармен бірігіп келіп, Яһуда қосына шабуыл жасаған тонаушылар Жорамның үлкен ұлдарының бәрін өлтіріп тастаған еді+. Содан Жорам ұлы Ахазия Яһуда елінде билік ете бастады+. 2 Ол 22 жасында патша болып, Иерусалимде бір жыл билік етті. Оның анасы Омридің+ немересі Аталия+ еді.

3 Ахазия да Ахаб үйінің жолымен жүрді+, өйткені ол анасының кеңесімен зұлым істер жасайтын. 4 Әкесі өлгеннен кейін, Ахаб үйі оның кеңесшісіне айналды. Сондықтан ол да солар сияқты, Ехобаға ұнамсыз істер жасай берді. Ақырында бұл оның түбіне жетті. 5 Ахазия солардың кеңесімен Исраил патшасы Ахабтың ұлы Жорамға еріп, Сирия патшасы Хазаелмен+ соғысуға Рамот-Ғалақатқа+ барды. Сол шайқаста Жорамды садақшылар жарақаттады. 6 Жорам Рамақта Сирия патшасы Хазаелмен соғысқанда алған жарақатын емдеу үшін Езрехелге+ келді+. Сонда Яһуда патшасы Жорам+ ұлы Ахазия* науқастанып жатқан Ахаб ұлы Жорамның+ халін сұрау үшін Езрехелге ылдилап барды+. 7 Бірақ бұл Құдайдың еркімен болды. Өйткені ол Ахазияны сол жерде өлімге ұшыратуды ұйғарып қойған еді. Езрехелге келгеннен кейін, Ахазия Жорамға еріп, Нимшидің немересі Иқуды+ қарсы алмақ болып алдынан шықты. Ал Ехоба Иқуды Ахаб үйінің көзін құртуға тағайындаған еді+. 8 Иқу Ахаб үйіне шығарылған үкімді жүзеге асырып жатқанда, Яһуда бекзадаларын және Ахазияның бауырларының патшаға қызмет етіп жүрген ұлдарын кездестіріп, олардың бәрінің көзін құртты+. 9 Сосын ол Ахазияның өзіне де іздеу салды. Адамдары оны Самарияда жасырынып жатқан жерінен тауып алып, Иқудың алдына әкеліп, сол жерде өлтірді+. Бірақ олар: “Ол — Ехобаны бар жүрегімен іздеген Жосафаттың+ немересі ғой”,— десіп, оның мәйітін қабірге қойды. Осылай Ахазияның үйінде патшалық етуге қабілетті ешкім қалмады.

10 Ахазияның шешесі Аталия+ ұлының қаза болғанын естігенде, Яһуда еліндегі патша тұқымын түгел қырып тастады+. 11 Бірақ Жорамның қызы Ехошабат өлімге бұйырылған патша ұлдарының арасынан Ахазияның ұлы Жоғас+ пен оның бағушы әйелін ұрлап әкетіп, түкпірдегі жатын бөлмеге жасырып қойды. (Ехошабат Жорам+ патшаның қызы, Ахазияның әпкесі еді, ал оның күйеуі діни қызметкер Еходай+ болатын.) Осылай Ехошабат Жоғасты Аталиядан жасырып, аман алып қалды+. 12 Олар баланы шынайы Құдайдың үйінде алты жыл бойы жасырып ұстады, бұл уақытта елді Аталия биледі.