Патшалар 2-жазба
18 Исраил патшасы Елах ұлы Хошияның+ билік құруының үшінші жылы Яһуда патшасы Ахаз+ ұлы Езекия+ таққа отырды. 2 Ол 25 жасында патша болып, Иерусалимде 29 жыл билік етті. Оның анасы Зәкәрияның қызы Әби* болатын+. 3 Езекия тап арғы атасы Дәуіт сияқты+, Ехобаның алдында ұнамды істер істеп жүрді+. 4 Ол ғибадат төбелерін қиратып+, қасиетті тас бағаналарды талқандап, қасиетті ағаш бағананы* шауып тастады+. Сондай-ақ кезінде Мұса жасаған мыс жыланды да бұзды+. Өйткені жұрт оны “Нехуштан”* деп атап, сол уақытқа дейін соған арнап құрбандық түтінін түтетіп жүрді. 5 Патша Исраил Құдайы Ехобаға арқа сүйейтін+. Оған дейін де, одан кейін де Яһуда елінде ол сияқты патша болған емес. 6 Ол Ехобадан еш ажырамады+. Оның жолынан таймай, Ехобаның Мұсаға берген бұйрықтарын орындап жүрді. 7 Ал Ехоба оған жар болды. Патша не істесе де, ақылмен әрекет ететін. Ол Ассирия патшасына қарсы шығып, оған қызмет етуден бас тартты+. 8 Езекия філістірлермен соғысып+, оларды Газа мен оның аймағына, күзет мұнарасынан бекіністі қалаға дейін* қырды.
9 Езекия патшаның билік құруының төртінші жылы, яғни Исраил патшасы Елах ұлы Хошияның+ билік құруының жетінші жылы, Ассирия патшасы Салманасар Самарияға қарсы аттанып, оны қоршауға алды+. 10 Үш жыл қоршауда ұстағаннан кейін+, жау Самарияны басып алды. Бұл Езекияның билік құруының алтыншы, ал Исраил патшасы Хошияның билік құруының тоғызыншы жылы болды. 11 Ассирия патшасы Исраил халқын Ассирияға жер аударып+, Халахқа, Ғозан өзенінің бойындағы Хаборға және мидиялықтардың қалаларына қоныстандырды+. 12 Себебі исраилдіктер Құдайлары Ехобаны тыңдамай, оның келісімін бұзып, Ехобаның қызметшісі Мұса берген өсиеттердің ешқайсысын орындамады+. Олар оны тыңдамады да, мойынсұнбады да.
13 Езекия патшаның билік құруының он төртінші жылы Ассирия+ патшасы Сеннахирим Яһуданың күллі бекіністі қалаларына қарсы аттанып, оларды жаулап алды+. 14 Сонда Яһуда патшасы Езекия Лахиштегі Ассирия патшасына: “Мен қателік жасадым. Не талап етсең соны берейін, менен кері шегін”,— деген хабар жіберді. Сеннахирим болса Яһуда патшасы Езекиядан 300 талант* сапалы күміс пен 30 талант алтын талап етті. 15 Езекия оған Ехобаның үйі мен патша сарайындағы қазыналардан табылған бар күмісті берді+. 16 Өзі алтынмен қаптатқан+ Ехобаның ғибадатханасының есіктеріндегі+ және есік жақтауларындағы алтынды Езекия сол кезде алдырып, Ассирия патшасына берген еді.
17 Бұдан кейін Ассирия патшасы тартан*, рабсарис* және рабшақты* қалың қолмен Иерусалимдегі Езекия патшаға жіберді+. Олар Иерусалимге қарай өрлеп, кір жуушының танабына апаратын үлкен жолдың бойындағы жоғарғы хауыз саласының жанына келіп орналасты+. 18 Сеннахирим жұмсаған осы кісілер патшаны шақырғанда, олардың алдынан сарай басқарушысы Хелкия ұлы Елиәкім+, хатшы Шебна+ және шежіреші Асап ұлы Жоуах шықты.
19 Сонда рабшақ оларға былай деді: “Езекияға хабарымды жеткізіңдерші. Ассирияның ұлы патшасы былай дейді: —Сен не нәрсеге сенім артасың+? 20 “Менде соғысуға жоспар да, күш те бар” дейсің. Бірақ мұның бос сөз. Маған қарсы шығатындай, сен кімге арқа сүйейсің+? 21 Міне, сен сынық қамыстың, әлгі Мысырдың, қолдауына сүйеніп отырсың+. Ол өзіне сүйенген адамның қолына кіріп, тесіп кетеді. Өзіне арқа сүйегендердің бәріне Мысыр патшасы перғауын солай істейді. 22 Ал егер “біз Құдайымыз Ехобаға арқа сүйейміз”+ десеңдер, Езекияның өзі соған арналған ғибадат төбелері мен құрбандық орындарын бұзып тастап+, Яһуда мен Иерусалим халқына “сендер Иерусалимдегі мына құрбандық ошағының алдында бас ұруларың керек” демеп пе еді+? 23 Кәне, менің тақсыр ием Ассирия патшасымен бәстесіп көрші: мен саған 2000 ат берейін, қолыңнан келсе, соларға мінетін адам тапшы+. 24 Өзің Мысырдың соғыс арбалары мен салт атты әскеріне арқа сүйеп отырып, тақсыр иемнің қызметшілерінің ішіндегі ең кіші әкімге қалай қарсы тұрмақсың? 25 Әлде мені осы елді құртуға Ехобаның еркінсіз аттанды дейсің бе? Ехобаның өзі маған: —Мына елге қарсы аттанып, оның көзін құрт!— деді”.
26 Сонда Хелкия ұлы Елиәкім, Шебна+ мен Жоуах рабшақтан+: “Қызметшілеріңізбен арамейше* сөйлесе беріңіз+, біз түсінеміз. Қабырғадағы кісілердің көзінше бізбен яһуди тілінде сөйлеспесеңіз екен”,— деп өтінді+. 27 Бірақ рабшақ бұған: “Тақсыр ием мені бұл хабарды тек қожайындарың мен сендерге ғана айтуға жіберді дейсіңдер ме? Оны мына қабырғада отырған адамдарға да жеткізу үшін жіберді емес пе?! Олар әлі-ақ сендермен бірге нәжістерін жеп, зәрлерін ішетін болады!”— деп жауап берді.
28 Содан ол көрінетін жерге тұрып, бар даусымен яһуди тілінде былай деді: “Ұлы патшаның, Ассирия патшасының, сөзіне құлақ салыңдар+! 29 Патша мынаны айтады: —Езекияға алданбаңдар, ол сендерді менің қолымнан құтқара алмайды+. 30 Езекияның “Ехоба, сөзсіз, бізді құтқарады! Бұл қала Ассирия патшасының қолына түспейді!”+ деп, Ехобаға арқа сүйеуге талпындырған сөздерін тыңдамаңдар. 31 Оның сөзіне құлақ салмаңдар, себебі Ассирия патшасы былай дейді: —Менімен бітімге келіп, беріліңдер. Сонда әркім өз жүзімі мен інжір ағашының жемісін жейді, әркім өз су қоймасынан су ішеді. 32 Мен қайтып келіп, сендерді өз елдерің сияқты елге+, астығы мен шарабы ағыл-тегіл, егіндіктері мен жүзімдіктері мол жеміс беретін, зәйтүн майы мен балы көл-көсір елге алып кеткенше солай болады. Өлімді емес, өмірді таңдаңдар! Өздеріңді еліктіріп отырған ана Езекияның “Ехоба бізді құтқарады” деген сөзіне алданбаңдар. 33 Қай халықтың құдайлары өз елін Ассирия патшасының қолынан құтқарып қалған еді?! 34 Хамат+ пен Арпадтың құдайлары қайда? Сефараимнің+, Хена мен Иббаның құдайлары қайда? Олар Самарияны менің қолымнан құтқарып қала алды ма+?! 35 Осы құдайлардың қайсысы өз елін менің қолымнан аман алып қалды? Ендеше Ехоба Иерусалимді менің қолымнан құтқарады деп ойлайсыңдар ма+?”
36 Бірақ олар жауап бермей, үнсіз тұра берді. Өйткені патша: “Оған жауап қайтармаңдар”,— деп тапсырған еді+. 37 Бұдан кейін сарай басқарушысы Хелкия ұлы Елиәкім, хатшы Шебна мен шежіреші Асап ұлы Жоуах киімдерінің өңірін айырып тастап Езекияға келді. Олар патшаға рабшақтың сөздерін түгел айтып берді.