Шежірелер 2-жазба

19 Ал Яһуда патшасы Жосафат аман-есен+ Иерусалимдегі үйіне оралды. 2 Сонда аян көруші Хананидің+ ұлы Иқу+ Жосафаттың алдынан шығып, былай деді: “Зұлымдарға көмектесіп+, Ехобаны жек көретіндерді жақсы көргенің+ дұрыс па? Сол үшін саған Ехобаның қаһары лаулады. 3 Бірақ сенің бойыңнан біраз жақсылық табылды+. Себебі сен елдегі қасиетті бағаналарды* құрттың, әрі шынайы Құдайды іздеуге жүрегіңде берік шешім қабылдадың+”.

4 Жосафат Иерусалимде өмір сүре берді. Ол Бер-Шеба мен Ефремнің таулы өңірінің+ аралығында тұрып жатқан халықты ата-бабаларының Құдайы Ехобаға қайтару үшін, елді қайтадан аралауға шықты+. 5 Патша бүкіл Яһуда елі бойынша әрбір бекіністі қалада билер тағайындап+, 6 оларға былай деп тапсырды: “Істеріңді мұқият атқарыңдар! Өйткені сендер адамның емес, Ехобаның атынан төрелік етесіңдер. Кесім айтқандарыңда, ол сендермен бірге болады+. 7 Сондықтан Ехобадан қорқып+, істеріңді мұқият атқарыңдар. Себебі Құдайымыз Ехоба әділетсіздікке+, алалаушылық+ пен парақорлыққа+ төзбейді!”

8 Жосафат Иерусалимде де леуіліктер мен діни қызметкерлердің, сондай-ақ Исраил әулетбасыларының кейбірін би етіп тағайындады. Олар Иерусалимде Ехобаның атынан төрелік етіп, сот істерін жүргізетін болды+. 9 Патша оларға тағы мынаны тапсырды: “Сендер Ехобадан қорқып, келесі міндеттерді адалдықпен әрі бар жүректеріңмен орындауларың керек: 10 өз қалаларында тұрып жатқан бауырларың сендерге қандай да бір даумен келсе, мейлі ол кісі өліміне қатысты+ не кез келген заңға, өсиетке, жарлық пен шешімге қатысты дау болсын, оларға: —Ехобаның алдында айыпты болатындай іс жасамаңдар,— деп ескертіңдер. Әйтпесе өздеріңе де, әлгі бауырларыңа да оның қаһары лаулайды. Айыпты болмау үшін осылай етіңдер. 11 Ехобаға қатысты кез келген мәселеде жоғарғы діни қызметкер+ Амариях, ал патшаға қатысты мәселелерде яһуда руынан шыққан басшы Ысмағұл ұлы Забадия жауапты болады. Ал леуіліктер көмекшілерің болмақ. Батыл әрекет етіңдер! Лайым жақсылық жасаушыларға Ехоба жар болсын+!”