Johannesimit 3.

1 Angum­mit utoq­qarmit* Gaajusimut asasan­nut, asangaak­kan­nut.

2 Asasara, qin­nutigaara maanna ingerlal­luar­nit­tut sutigut tamatigut ingerlal­luar­tuarlutillu peq­qis­suunis­sat. 3 Qatan­ngutit tikit­tut oqalut­tuum­man­nga ilumoor­toq malil­lugu inuusutit ilumoor­torlu aalajangiusimagit nuan­naaqaanga. 4 Qitor­nakka ilumoor­toq malil­lugu inuusut tusarlugu allanit tamanit nuan­ner­ner­paavoq.*

5 Asasara, qatan­ngutit allaat nalusatit pil­lugit iliuuseqaraangavit ilumoorfigin­nin­nerit ersersit­tar­pat. 6 Taak­kua asan­nin­nerit ilagiinni oqalut­tuaraat. Aal­laler­pata Guutip iluarisaatut ikiulaarigit. 7 Guutimimmi ilisarisiman­nin­ngitsunit tunineqar­nis­sar­tik naatsorsuutiginagu Guutip aqqa pil­lugu aal­lar­put. 8 Taamaat­tumik ilumoor­toq pil­lugu suleqataaler­nias­sagatta qatan­ngutit taamaat­tut inoroorsaarfiginis­saan­nut pisus­saavugut.

9 Ilagiit allaf­figigak­kit Diotrefesip, akor­nganni sal­liujumasar­tup, allak­kagut tamaasa suutin­ngilai. 10 Taamaat­tumik uagut pil­luta ajor­tumik* oqaluuserin­nit­tar­nermigut iliuusii tikik­kuma eqqaasitsis­sutigis­savakka. Allaallu tamatuma saniatigut qatan­ngutit ataq­qin­nit­tumik tikil­luaq­qujumaneq ajor­pai. Tikil­luaq­quserusut­tullu akor­nuser­niar­tar­pai ilagiin­nullu ilaajun­naarsin­niar­tarlugit.

11 Asasara, ajor­toq ilaar­nagu ajun­ngitsoq ilaas­savat. Ajun­ngitsulior­tar­toq Guutimit siulersor­tit­tar­poq. Ajor­tumik ilior­tar­tup Guuti takusiman­ngilaa. 12 Demetriusi ilumoor­toq malil­lugu inuugami qatan­ngutinit tamanit ajun­ngitsumik tusaamaneqar­poq. Uagut­taaq isumaqar­pugut ajun­ngitsuusoq, nalun­ngilallu ilumoor­tumik oqalut­tar­tugut.

13 Amerlasuut pil­lugit allaf­figerusuk­kaluarlutit allaam­mik pilik­kimillu allaf­figerusun­ngilak­kit. 14 Neriup­pungali kiinarsil­luta oqaluun­nias­sagatta qanit­tuk­kut takus­sal­lutit.

Eqqis­sinermik kis­saap­pak­kit.

Ikin­ngutit inuul­luaq­qusip­put. Ikin­ngutit tamaasa immik­kut inuul­luaq­qutik­kigit.