Tessaluunikamiunut 2.

2 Kisianni, qatan­ngutit, Naalak­katta Jiisusip Kristusip najuun­neranut taas­sumun­ngalu katersor­neqar­nis­satsin­nut tun­ngatil­lugu qin­nuigerusup­passi 2 Jehovap* ulluata nal­liutereer­neranik oqarfigineqarussi paatsiveeruteq­qunasi. Ernumalis­san­ngilasi allaat oqar­toqaraluar­pat tusarlius­saq Guutimit* allak­kanil­luun­niit uagutsin­neersuunerak­kanit pisoq.

3 Kimil­luun­niit arlaatigut tam­mar­tin­neqar­niaqinasi,* ullormi taanna aatsaat nal­liutis­saaq tunus­sisoqareer­pat inatsisaas­sutsillu inut­taa suujun­naarsitaasus­saq saq­qum­mersin­neqareer­pat. 4 Taanna akerlilersuisuul­lunilu guutinut guutisiorfigineqar­tunullu* tamanut anneruniar­tar­poq. Guutisiorfimmi Guutimut pigititami ingip­poq kik­kullu tamaasa isigitil­lugit guutiunerarluni. 5 Eqqaaman­ngin­nas­siuk najoral­larassi tamak­kunin­nga oqalut­tuut­taris­si?

6 Maan­nalu paasivarsi suna pis­sutigalugu inatsisaas­sutsip inut­taa pif­fis­sarititaasup nal­liun­nis­saata tungaanut tunuarsimatin­neqar­toq. 7 Inatsisaas­suseq tamanna iser­tugaavoq sun­niuteqar­talereersimasoq, taas­sumin­ngali tunuarsimatitsisup peersin­neqar­nis­saata tungaanut taamaal­laat iser­tugaas­saaq. 8 Taava inatsisaatsoq, Naalak­kap Jiisusip qanermi anersaava atorlugu peersitas­saa najuun­nerminillu ilisimaneqalersitsiguni suujun­naarsitas­saa, saq­qum­mersin­neqas­saaq. 9 Saatanili pis­sutigalugu inatsisaatsoq najuutis­sal­lunilu tam­mar­titsiniutinik tupin­nar­tuliorsin­naas­sal­lunilu* 10 peq­qusersusaarluni sutigut tamatigut peq­quserlus­sin­naas­saaq. Tam­mar­tin­neqar­tut ilin­niar­titsis­sutinik ilumoor­tunik annaan­neqaataasin­naasunik qaman­nga pisumik upperin­nin­ngin­namik nungutitaanermik pil­lar­neqas­sap­put. 11 Sal­luliuutit upperinias­sam­matigit ilin­niar­titsis­sutinik eqqun­ngitsunik sal­loqit­tar­neqar­nis­saat Guutip akueraa. 12 Ilumoor­toq upperinagu naaper­tuil­luan­ngin­neq iluarinerugamikku tamarmik eqqar­tuun­neqas­sap­put.

13 Ilis­sili pil­lusi, qatan­ngutit Jehovamit asaneqar­tut, Guutip qutsavigiuar­nis­saanut pisus­saavugut, tas­sami ilumoor­tumik upperin­nin­nersi pil­lugu Guutip anersaaminik iller­narsisil­lusi aal­laq­qaam­mulli aniguisitaasus­satut toq­qarmasi. 14 Naalak­katsitut Jiisusitut Kristusitut alutor­nas­suseqaler­nias­sagassi nutaarsias­sat nuan­nersut oqaluus­sis­sutigisagut aqqutigalugit qaaq­quaasi. 15 Taamaat­tumik, qatan­ngutit, aalajaal­lusilu oqaatsitigut allak­katigul­luun­niit ilitsersuutigut aalajangiusimasigit. 16 Aamma qanor­toq Naalak­katta Jiisusip Kristusip Guutillu Ataatatta, asasitta ajun­ngisaangaar­nermigut tup­pal­lersaajuar­tup nuan­nersumillu neriuuteqalersitsisup, 17 iliuutsik­kut oqaatsik­kullu sutigut tamatigut ajun­ngitsulior­tuaq­qul­lusi uum­matisi tup­pal­lersarlisigit aalajaal­lisil­lusilu.*