Tessaluunikamiunut 2.

1 Paulusimit, Silvaanusimit* Timuutiusimillu Tes­saluunikami ilagiin­nut Guutimik Ataatatsin­nik Naalak­kamillu Jiisusimik Kristusimik ataasioqateqar­tunut:

2 Ajun­ngisaangaar­nermik eqqis­sinermillu Guutimit Ataatamit Naalak­kamillu Jiisusimit Kristusimit pisumik kis­saap­passi.

3 Qatan­ngutit, ilissi pil­lusi Guutip qutsavigiuar­nis­saanut pisus­saavugut. Upper­nik­kummi nukit­toralut­tuin­narlusilu asaqatigiin­neruleralut­tuin­narassi tamanna pis­susis­samisoor­poq. 4 Malersor­neqar­nis­sinni erloqinis­sin­nilu* tamani naal­liuk­kaluarlusi upperlusi piner­tusaarassi Guutip ilagiivini tul­luusimaarluta eqqar­tor­tar­passi. 5 Tamanna Guutip naaper­tuil­luar­tumik eqqar­tuus­sisar­neranut upper­narsaataavoq. Taman­nalu Guutip kun­ngeqarfianut, naal­liun­nis­sin­nut pis­sutaasumut, iser­nis­samut naleq­qut­tutut isigineqalis­sutigis­savarsi.

6 Guutimmi ilis­sin­nik annikil­lior­titsisunik pil­laanis­saa naaper­tuil­luar­poq. 7 Naalagaq Jiisusi qilam­mit inngilini pis­saasut ilagalugit innermi ikualasumi saq­qum­mersitaap­pat maanna annikil­lior­titaasusi ilagaluta naal­liuk­kun­naas­saasi. 8 Taamanik­kus­samut Naalak­katta Jiisusip Guutimik ilisarisiman­nin­ngitsut nam­minerlu pil­luni nutaarsias­sanik nuan­nersunik upperin­nin­ngitsut akinias­savai. 9 Taakku qaqugorsuarmut piuneerus­saanis­samik pil­lagas­satut eqqar­tuun­neqarunik Naalak­kamit pis­saaneranillu alutor­nar­tumit peersin­neqas­sap­put. 10 Tamanna pis­saaq ullormi iller­nar­tor­tani ilagalugit upperin­nitsiminit tamanit unnersiutigineqarumal­luni nersor­neqarumal­lunilu tikiuf­fiani. Ilis­silu ilisiman­nit­tutut nas­suiaaner­put upperaarsi.

11 Taamaat­tumik qin­nut­tuar­passi. Qin­nutigaar­put Guutitta qaaq­qusinermisut inuunis­sas­sin­nut piuk­kun­nar­tutut isigis­sagaasi iliuusererusutanilu ajun­ngitsut upper­nik­kullu iliuuserisasi tamaasa pis­saanini atorlugu naam­mas­sis­sagai. 12 Taava ilissi pis­sutaal­lusi Naalak­katta Jiisusip aqqa ataq­qinarsisin­neqas­saaq, taan­nalu ataasioqatigigas­siuk Guutitta aamma Naalak­katta Jiisusip Kristusip ajun­ngisaangaar­neran­nut naaper­tuut­tumik ataq­qinarsisin­neqas­saasi.