Johannesimit 1.

2 Ikin­ngutikka,* ajor­tulioq­qunasi taama allaf­figaassi. Ajor­tulior­toqar­palli Ataatami naaper­tuil­luar­tumik, tassa Jiisusimik Kristusimik, ikior­tis­saqar­pugut.* 2 Taanna ajor­tuliagut, aap, uaguin­naan­ngitsoq kisianni aamma inuit nunanit tamalaaneersut ajor­tuliaat, pil­lugit saam­maan­neqaatis­satut pil­liutaavoq. 3 Inas­sutaanillu maleruaanitsigut ilisarisimal­lutigu takutis­savar­put. 4 Oqar­toq ilisarisimal­lugu inas­sutaanilli maleruaan­ngitsoq sal­lutuujuvoq, ilumoor­torlu taas­sumaniin­ngilaq. 5 Oqaasianilli maleruaasup Guuti asal­luin­narlugu takutit­tar­paa. Aamma uagut taamaaliorutta ataasioqatigis­savar­put. 6 Taanna ataasioqatigalugu oqar­toq Jiisusitut inuunis­saminut pisus­saavoq.

7 Asasakka, inas­sut nutaaq allaatiginagu inas­sut nutaan­ngitsoq aal­laq­qaam­mulli ilisimasarsi allaatigaara. Inas­sut nutaan­ngitsoq tas­saavoq oqaaseq tusagarsi. 8 Taar­torli peeruk­kiar­tormat qaamanerlu ilumoor­toq qin­ngoreermat inas­sut nutaaq Jiisusip ilis­silu maleruagarsi pil­lugu allaf­figaassi.

9 Qaamanermiin­neraraluarluni qatan­ngutiminik uumis­suisoq suli taar­tumiip­poq. 10 Qatan­ngutiminik asan­nit­toq qaamanermiit­tuar­poq, naak­kius­sutaasumillu taas­sumaniit­toqan­ngilaq. 11 Qatan­ngutiminilli uumis­suisoq taar­tumiip­poq taar­tumilu inuul­luni, taar­tumillu tap­piil­lisin­neqarsimagami naluaa sumukar­nerluni.

12 Ikin­ngutikka, Jiisusip aqqa pil­lugu ajor­tulias­sin­nik isumak­keerfigineqarsimagassi allaf­figaassi. 13 Ataataasusi, aal­laq­qaam­mulli pin­ngor­toq ilisarisimalersimagas­siuk allaf­figaassi. Inuusut­tuususi angutit, Diaavulu* ajugaaf­figisimagas­siuk allaf­figaassi. Meeraasusi, Ataataq ilisarisimalersimagas­siuk allaf­figaassi. 14 Ataataasusi, aal­laq­qaam­mulli pin­ngor­toq ilisarisimalersimagas­siuk allaf­figaassi. Inuusut­tuususi angutit, nukit­tugassi Guutillu oqaasia ilis­sin­niit­tuarmat Diaavululu* ajugaaf­figisimagas­siuk allaf­figaassi.

15 Inuit ajor­tut inooriaasiat iliuusiilu nuan­naris­san­ngilasi.* Tamak­kunin­nga nuan­narin­nit­tup Ataataq asan­ngilaa. 16 Inuimmi taak­kua timip isillu piumasaan­nik ajor­tunik pileris­suseqar­tar­nerat pigisanillu takoq­qusaaruteqar­tar­nerat* Ataatamit aal­laaveqar­natik inun­nit ajor­tunit aal­laaveqar­put. 17 Aamma inuit ajor­tut taak­kualu pileris­susipilui peerutis­sap­put, Guutilli piumasaatut ilior­toq naas­saan­ngitsumik inuus­saaq.

18 Ikin­ngutikka, maanna akun­nermi kingul­lermi inuuvugut, Kristusimillu akerlilersuisoq tikiutiler­poq. Allaallu maanna Kristusimik akerlilersuisut amerlasuut saq­qum­mereermata nalun­ngilar­put akun­nermi kingul­lermi inuul­luta. 19 Uagutsitut ittuun­ngin­namik* qimap­paatigut. Uagutsitummi ittuusimagaluarunik najuin­narsimas­sagaluar­paatigut. Ilaan­naasali uagutsitut ittuunerat erseq­qin­nias­sam­mat qimap­paatigut. 20 Ilis­sili Guutimit iller­nar­tumit tanin­neqar­pusi, tamas­silu paasisimasaqas­suseqar­pusi. 21 Imaan­ngitsoq ilumoor­toq ilisiman­ngin­nas­siuk, kisianni ilisimagas­siuk sal­luliuullu sunaluun­niit ilumoor­tumit aal­laaveqan­ngim­mat allaf­figaassi.

22 Kina sal­lutuujua? Taan­naan­ngin­nerpa Jiisusip Kristusiuneranik miserratigin­nit­toq? Kristusimik akerlilersuisup Ataataq Ernerlu miserratigai. 23 Kinaluun­niit Ernermik miserratigin­nit­toq Ataatamik ataasioqateqan­ngilaq. Kinaluun­niilli Ernermut upper­toq aamma Ataatamik ataasioqateqar­poq. 24 Aal­laq­qaam­mulli tusarsimasarsi aalajangiusimasariaqar­parsi. Taamaaliorussi aamma Erneq Ataatarlu ataasioqatigiuas­savasi. 25 Guutip inuunermik naas­saan­ngitsumik neriorsor­paatigut.

26 Tam­mar­tin­niar­neqarassi taama allaf­figaassi. 27 Guutimillu tanin­neqar­nersi ilis­sin­niit­tuar­poq, kimil­luun­niillu ilin­niar­tin­neqar­nis­sarsi pisariaqar­tin­ngilarsi. Tar­ngutaata ilumoor­tup sal­luun­ngitsullu tamakku tamaasa pil­lugit ilin­niar­tip­paasi. Ilin­niar­tin­neqarsimanis­situt ataasioqatigiuarsiuk. 28 Aap, ikin­ngutikka, ataasioqatigiuarsiuk. Taava saq­qum­mersin­neqar­pat sapiil­luta oqalus­sin­naas­sal­lutalu najuun­nerani kan­ngusul­luta tunuar­tis­san­ngilagut. 29 Nalun­ngik­kus­siuk naaper­tuil­luar­tuusoq taava aamma nalus­san­ngilarsi eqqor­tulior­toq kinaluun­niit Guutimit erniusoq.