Efesossimiut

2 Unioq­qutitsisar­nisi ajor­tulior­tar­nisilu pis­sutigalugit toqungagaluar­tusi Guutip inuulersip­paasi. 2 Taamani inut­tut allatulli inuusimagaluar­pusi. Silaan­naap, isigin­nit­taatsip* maanna naalan­ngitsunut sun­niuteqar­tup, naalagaa inun­nut pis­saaneqar­toq malis­simavarsi. 3 Aap, tamatta pileris­susipiluit malil­lugit inuusimagaluar­pugut, timitta eqqarsaatit­talu piumasaat­tut iliorsimagaluar­pugut. Inun­nguin­narluta allatulli Guutimit kamaan­neqar­tus­san­ngor­pugut. 4 Guutilli nal­lit­tuingaar­tuusup asaqigamisigut 5 unioq­qutitsinigut pis­sutigalugit toqungagaluar­tugut Kristusi ilagalugu inuulersip­paatigut. Ajun­ngisaangaar­neq pis­sutigalugu annaan­neqar­pusi. 6 Tamatuma saniatigut Kristusi Jiisusi ataasioqatigigatsigu makitil­lutalu qilammi issiavis­sip­paatigut. 7 Taamaalior­poq uagut Kristusimik Jiisusimik ataasioqateqar­tugut siunis­sami sin­nilis­suarmik ajun­ngisaangaarfigalutalu nal­lit­tor­nias­sagamisigut.*

8 Ilissi upper­tusi, ajun­ngisaangaar­neratigut aniguisin­neqar­pusi. Tamatumani iliuutsisi pis­sutaanatik Guutip tunis­sutaa pis­sutaavoq. 9 Aap, kinaluun­niit oqarataar­nis­samut pis­sutis­saqan­ngin­nias­sam­mat iliuutsit tun­ngavigineqan­ngil­lat. 10 Uagut tas­saavugut Guutip suliai,* Kristusimillu Jiisusimik ataasioqateqar­ner­put pis­sutigalugu Guutip siumut aalajangereersimasaatut ajun­ngitsulior­tus­satut pin­ngor­tin­neqar­pugut.

11 Taamaat­tumik eqqaamas­savarsi, ilissi juutiun­ngitsusi, inun­nit “kipineqarsimasutut” taaneqar­tunit “kipineqarsiman­ngitsutut” taaneqarsimagassi. 12 Taamanik­kut Kristusi ilisiman­ngik­kal­laras­siuk, inuiaqatigiin­nit Israalik­kun­nit avis­saarsimagal­larassi, neriuut pil­lugu isumaqatigiis­sutinut* ilaan­ngik­kal­larassi neriuuteqar­nasilu Guuteqan­ngilasi. 13 Maan­nali Kristusimik Jiisusimik ataasioqateqar­tusi, Guuti assut ungasis­simagaluarlugu Kristusip aava iluaqutigalugu qanil­lisimavarsi. 14 Kristusip, eqimat­tanik marlun­nik ataasiulersitsil­lunilu qarmamik akor­ngan­niit­tumik suujun­naarsitsisuusup, eqqis­sisip­paatigut. 15 Eqimat­tat marluk ataasioqatigisani tas­saalersin­niarlugit inuk nutaaq ataasiusoq eqqis­seqatigiilersitsiniarlunilu akeq­qersimaar­neran­nut pis­sutaasut, Moorsisip inatsisai tas­sanilu inas­sutit malit­tarisas­sallu, timini atorlugu atuuk­kun­naarsip­pai. 16 Qisummi naal­liutsitsiviliami* toqunermigut akeq­qersimaar­neq atuuk­kun­naarsik­kamiuk eqimat­tat marluk timitut ataatsitut Guutimut tamak­kiisumik saam­maan­narsisip­pai. 17 Tikiup­poq eqqis­sineq pil­lugu nutaarsias­sat nuan­nersut ilis­sin­nut Guutimik ilisiman­nin­ngitsunut ilisiman­nit­tunullu oqaluus­sis­sutiginiarlugit. 18 Taamaat­tumik eqimat­tat marluk taak­kua arlaan­nut ilaaner­put apeq­qutaatin­nagu tamatta anersaaq ataaseq ikior­tigalugu Kristusik­kut Ataataq qanoq ilisuk­kul­luun­niit saaf­figisin­naavar­put.

19 Taamaat­tumik takor­nar­taajun­naarlusilu allamiuujun­naarlusilu iller­nar­tut nunaq­qatigiler­pasi Guutillu ilaqutaanut ilaalerlusi. 20 Apustilit pruf­fiitillu tun­ngaviligaanni ineriar­tor­tin­neqar­pusi. Kristusilu Jiisusi tun­ngavimmi ujaraavoq teqeq­qumiit­toq. 21 Taan­nalu ataasioqatigalugu illu tamarmi ataqatigiis­sumik katitigaavoq, alliar­tor­porlu tas­saalerluni guutisiorfik iller­nar­toq Jehovamut* pigititaq. 22 Kristusi ataasioqatigalugu aamma ilissi ineriar­tor­tin­neqar­pusi tas­saalerlusi Guutip anersaamigut najugaqarfia.