Ilaqutariittut inuunersi — Pilluarnartunngortiguk

South Carolinami USA-miittumi napparsimmavimmi uninngasimasup napparsimasunik paarsisoq naqitaaqqamik Ilaqutariittut inuuneq nuannaarutigiuk-mik nassissimavaa, nassitaalu qujaniarluni sianersimavoq. Napparsimasunik paarsisoq oqaluttuarsimavoq naqitaaraq uiminut takutissimallugu marluullutillu qujamasullutik atuarsimallugu. Aamma oqarsimavoq assut tupaallassimallutik ilaqutariit iluaqutissaannik taama pitsaatigumik nassaassaqarmat.

Napparsimmavimmi uninngasimasoq ima oqaluttuarpoq: „Napparsimasunik paarsisup oqaluttuuppaanga paasissutissat naqitaaqqamiittut ilaqutariittut inuunermi najoqqutassat pitsaasut pillugit uinilu oqalligisartagarpiaminnut tunngasuusut, nalusimagaluaritsillu tamakkununnga tunngasut naqitanngorlugit nassaassaasut. Sianernermini naggataatigut oqaatigaa naqitaaraq sumiikkaluaraangamiluunniit nassartarlugu atuartaqattaartuartarlugulu. Aamma oqarpoq ilaqutariittut inuuneq pillugu paasissutissanik amerlanerusunik peqaruma takorusuttorujussuullugit.“

Napparsimmavimmi uninngasimasup napparsimasunik paarsisoq atuakkamik Ilaqutariilluni inuuneq pilluarnartoq qanoq anguneqarsinnaasoq-mik nassissimavaa naapinnissaanillu isumaqatigiissuteqarfigisimallugu. Immaqa aamma illit ilaqutariittut inuunersi pilluarnarnerusunngortinniarlugu paasissutissanik perusukkaluarputit. Naqitaaqqamik Ilaqutariittut inuuneq nuannaarutigiuk-mik aamma atuakkamik Ilaqutariilluni inuuneq pilluarnartoq qanoq anguneqarsinnaasoq-mik pissarserusukkuit, imaluunniit angerlarsimaffinni Biibilimik atuaqqissaaqatigineqartalerusukkuit, uunga saaffiginnissinnaavutit imaluunniit allassinnaavutit: Napasuliaq Alapernaarsuiffik, Box 248, 3900 Nuuk, imaluunniit adressit quppernermi 5-imiittut ilaannut.