Norraasaliaq kuultiusoq

ARRAA! Inuinuku susut? Tassaaku norraasaliamut qinusut! Sooruna taamaaliortut?

Moses qaqqami muluinnarmat inuit oqarput: ’Moses qanoq pisimanersoq naluarput. Guutiliorta nunamit matumannga aniguisitsisussatsinnik.’

’Ajunngilaq,’ Mosesip angajua Aron oqarpoq. ’Iverutisi kuultiusut peersigik uannullu aggiullugit.’ Inuit taamaaliormata Aronip aatsippai norraasaliorlunilu. Inuillu oqarput: ’Una Guutigaarput, Egyptenimit aniguisitsisorput!’ Taava Israelikkut assut nalliuttorsiorput, norraasaliarlu kuultiusoq guutisiorfigalugu.

Tamanna takuleramiuk Jehova kamaqaaq. Moses oqarfigaa: ’Tuaviorlutit aterasuarit. Inuit ajortuliortorujussuupput. Inatsisikka puiorpaat norraasaliarlu kuultiusoq pallorfigalugu.’

Moses qaqqamit aterasuarpoq. Inuit erinarsorput norraasaliarlu kuultiusoq kaajallallugu qitillutik! Kamangaarami Mosesip ujaqqat allaffissiat inatsisit allassimaffii nunamut naluppai sequmillugit. Taava norraasaliaq kuultiusoq tiguaa, aatsillugu sequmisilluinnarlugulu.

Inuit ajoqisumik ajortuliorsimapput. Taava Mosesip angutit ilaat peqquai pannatik tigoqqullugit. ’Inuit ajortut norraasaliamut kuultiusumut pallortut toqusariaqarput,’ Moses oqarpoq. Taava angutit inuit 3000-it toqorarpaat! Tamatuma takutinnginnerpaa mianersortariaqartugut, Jehova kisiat pallorfigissagipput, guutipiluit pinnagit?