Sallusuissut Biibilimeersoq qanoq nassaari­ne­qaq­qippa?

Biibilimi siulit­tuutigineqar­poq Kristusi toqoreer­pat kristumiut siul­liit akornan­neersunik “ilumoortuun­ngit­sumik oqalut­tunik” ajoqersuiner­lut­toqalerumaartoq sal­lusuis­sut Biibilimeersoq sun­nerniar­lugu. (Apustilit Suliaat 20:29, 30) Taamator­piar­lu pisoqar­poq. Jiisusip ajoqersuutaa Guutimik nalusut ajoqersuutaan­nik akusalermas­suk kristumius­suseq eq­qun­ngit­soq pileriartuler­poq. (2 Timotheusi 4:3, 4) Sooq ul­lumik­kut upperil­luin­narsin­naavar­put Biibilimi ajoqersuutigineqartut eq­qortumik paasisimal­lugit?

Jehova sallusuis­sum­mik paasinarsi­sit­sisa­leq­qip­poq. Jehova siulit­tuivoq naggatis­saq qanil­lippat ‘paasisimasaqarneq an­nertusiartus­sasoq’. (Danieli 12:4) 1870-imi inuit ikit­tun­nguit sal­lusuis­summik ujar­lersut paasivaat oqaluf­fimmi ajoqersuutit Biibilimut naapertuutin­ngit­sut. Taamaat­tumik Biibilimi sor­piaat ajoqersuutigineqarnersut paasinialer­paat, Jehoval­lu pil­luaq­quai anersaak­kut paasisimasaqalersil­lugit.

Angutit eqqortulioru­sut­tut Biibilimik atuaqqissaarput. Biibilimik Atuaq­qis­saartartut pimoorus­sisut taak­kua periaasiat ul­lumik­kut suli periaaseraar­put. Sammisanik ataasiak­kuutaaril­lutik Biibilimik misis­suisar­put. Biibilimi al­las­simasunik paasiuminaat­sitaqaraangamik versinik al­lanik taak­kunun­nga nas­suiaataasin­naasunik ujar­lertar­put. Nas­saarisatil­lu tun­ngavigalugit Biibilip sin­neranut naapertuut­tumik isummius­saqaraangamik isummius­sartik al­lat­tar­paat. Taamaalil­lutik Biibilimi al­las­simasut al­las­simaf­fiit al­lat ator­lugit nas­suiar­paat uku pil­lugit sal­lusuis­sutit qulaaq­qil­lugit: Guutip aq­qa naalagaaf­fialu, inuian­nut nunarsuarmul­lu siunertaa, toqugut­ta qanoq pisoqas­sanersoq makititaanis­samil­lu neriuut. Misis­suinermik­kut upperisanut ileq­qunul­lu eqqun­ngit­sor­pas­suarnut ‘inus­siaajun­naar­put’. – Johannesi 8:31, 32.

1879-imi Biibilimik Atuaq­qis­saartartut sal­lusuis­sut tamanut oqaluus­sis­sutigisariaqar­lugu paasivaat atuagas­siar­lu, Napasuliaq Alapernaar­suif­fik Jehovap naalagaaf­fianik tusarlius­sisoq, ul­lumik­kut suli saq­qummersartoq naqitertit­taler­lugu. Maan­na nunani 240-ni oqaat­sil­lu 750-t mis­saat ator­lugit oqaluus­sisar­pugut. Eq­qortumik paasisimasaqarneq aat­saat taama ‘an­nertutigaaq’!

• Kristusi toqummat sal­lusuissut Biibilimeersoq qanoq pineqarpa?

• Sallusuissut Biibilimeersoq qanoq nassaareqqissinnaalerparput?