’Nunanit ungasissunit tusagassaq nuannersoq’

Kalaallit Nunaanni Jehovap Nalunaajaasuisa ungasissumut oqaluussiartortut ilaasa angut inuusuttoq Norgemeersoq naapippaat, taassumalu atuagaq neqeroorutaat, Livet — hvordan er det kommet her? Ved en udvikling eller en skabelse?-mik taaguutilik, tiguaa. Imatorsuarli soqutiginnippasinngilaq. Najugaqarfianulli avinngarusimasumut pulaaqqimmanni angutip oqaluttuuppai atuagaq arlaleriarluni atuarsimallugu atuakkanillu allanik perusulluni. Oqaluussisartut atuagarpaalunnik atuagassiaararpaalunnillu angut qimatsivigaat. Tusaramiulli oqaluussisartut aatsaat ukioq ataaseq qaangiuppat takkuteqqissinnaasut uggualerpoq. Oqaluussisartulli najugaasa allagartaat pivai. Qaammat ataaseq qaangiuttorlu oqaluussisartut tupaallaatigisaannik angut taanna matukkut kasuttorpoq. Oqaluttuarpoq qamuteralalluni umiatsiani orninniartillugu sikukkut nakkarsimalluni, nalunaaquttallu akunnerini arfinilinni umiatsiamik ingerlasimalluni. Atuagassaminik suli perusuppoq sallusuissullu pillugu oqalorusulluni. Unnuk tamanna ataatsimiittunut ilaavoq aalajangiullugulu qaammammut ataasiarluni aggertassalluni. Ilagiinnik nakkutilliisup tikeraarnerani ataatsimiinnernut najuuttarnini assut kajumississutigaa. Ilagiinnut attavigigaluaminut ilaasortaajunnaarpoq, oqaluussisartunngorluni kuisimasoq maannakkullu najukkamini piffissani annertooq atorlugu oqaluussisartuulluni. Ukiukkut umiatsiarluni ataatsimiigiarnissaminut sikup akornuseraangani qulimiguulimmut ilaalluni ataatsimiigiartarpoq, naak 1100 koruuninik akiliisariaqartaraluarluni.

Ilavut qassit sallusuissut piinnarlugu taama annertutigisumik pilliuteqarumassappat? (wD 1/11 89)

[Qupp. 16-mi assiliartaq]

Uummannami umiarsualivik