Pitsaasunik peqateqarniarnissamut ilitsersorneqarneq

INUUSUTTUT atisat nipilersuutillu pillugit angajoqqaaminnit inusuttoqatitik siunersiorfiginerusarpaat Readersʹs Digest-imi misissuineq naapertorlugu paasineqarsimavoq. Taamaattumik angajoqqaanut pingaaruteqaqaaq paasissallugu meeqqamik kikkut ilagisartagarineraat aammalu sumi.

„Illinuna tamatuminnga paasiniaanissamut akisusaaffeqartutit,“ Esmé van Rensburg Afrika Kujallermi universitetimi tarnikkut napaatilinnut immikkoortortaqarfimmi nakorsatut siulersuisoq oqarpoq. Imalu nangippoq: „Immaqa meeqqavit naammagittaalliorfigissavaatit, kisiannili iluarseqqittarput.“ Taava angajoqqaat ima siunnersorpai; Malittarisassat tungavissaqarluartariaqarput erseqqissunillu tunngaviusunik najoqqutassaqartariaqarlutik; meeqqat tusarnaaruk; ingasappallaartumik qisuariaqqinak, eqqisisimaniarilli, nalunagu qanoq oqarniartutit. Meeqqat pitsaanngitsumik ikinnguteqalereersimappat iliuutsit akuerineqarsinnaanngitsut ikinngutigiinnerup ineriartortissimasai tikkuariakkit, ikinngutigiinnerup ingerlateqqinnissaa inerteqqutigiinnarnagu

Siunnersuutit pitsaasut angajoqqaanut qangalili Guutip oqaasiani, Biibilimi, nanineqarsinnaareersimapput. Assersuutigalugu ima siunersuuteqarpoq: ’Inuk kinaluunniit tusarasuarluni pili oqalukkumaarnertullunilu kamakkumaarnertullunilu.’ (Jâko 1:19) Biibilimi peqarteqarniarneq pillugu aamma ima pitsaasumik siunnersuuteqarpoq: „Sianisuunik peqateqartoq ilisimassuseqalersarpoq, silaatsulli ikinngutaa ajortumeertussaasarpoq.“ (Ussatit 13:20) Assersuutit tamakkua takutippaat ilisimasuseq qujamasullutik Biibilimik atuartartut ulluinnarni inuunerminni siunnersuutinik maleruaasut pigisinnaagaat. (wE 15/7 99)