’Guuti mianeraat’

ISRAELIKKUT Egyptenimi inussiaatillugit ernisussiortut hebræeriusut Sjifra Pualu artornartunik atugaqarput. Juutit amerliartupiloornerat iliuuseqarfiginiarlugu Faraop arnat taakku ima peqquai: „Hebræerit arnartaat ernisussioraangassigit . . . nukappiaqqat erniarineqartut toquttassavasi.“ — 2 Moses 1:15, 16.

Sjifrap Puallu ’Guuti mianerigamikku’ qunusuillutik ’Egyptenip kunngiata peqqussutaa naalanngilaat’. Akerlianilli nukappiaqqat inuutiinnartarpaat, naak sapiiserluni taamaaliorneq navianartorsiornerusoq. Jehovap ernisussiortut ’ajunngitsuliorfigai’ inuutitsiinnartarnerat pillugu pilluaqqullugit. — 2 Moses 1:17-21.

Oqaluttuap tamatuma erseqqissarpaa Jehovap kiffaminik pingaartitsinera. Shifrap Puallu iliornerat sapiitsuliornerugaluarluni naakkinnittuliornerinnaasutut isigisinnaagaluarpaa. Tassami arnap isumakkut peqqissup kialuunniit inoorlaat toqussinnaanngilai! Aammali Jehovap nalunngilaa inuit ilaat inunnik ataqqinnippallaalerlutik ajorluinnartumik iliuuseqartarsimasut. Nalunngilaa ernisussiortut taakku inuttut naakkinninneq kisiat pinnagu aamma Guutimik mianerinninneq tunniulluinnarnerlu tunngavigalugit iliuuseqartut.

Qujamasuutigisinnaavarput Guuti aalajaalluta iliuuserisatsinnik pingaartitsisoq kiffartorfigisinnaagatsigu! Immaqa Sjifratut Puatullu uppernikkut misilinneqarsimanngikkaluarpugut. Taamaattorli eqqortoq aalajangiukkaangatsigu — atuarfimmi, suliffimmi allamiluunniit — Jehovap ilumoorluta asanninnerput taamaattussaannartut isiginngilaa. Akerlianilli ’ujarlersini akilerumaarpai’. (Eprîarit 11:6) Aap, ’Guuti iluaatsuunnginnami sulinersi asanninnersilu aqqa pillugu ileqqorisarsi puiussanngilai, iluartut kiffartuuttarassigik sulilu kiffartuuttarlugit’. — Eprîarit 6:10. (wE 1/10 99)