Kalaallit nunaanni Jehovap Nalunaajaasuinut tamanut

Asasavut qatanngutivut!

Oktoberimi suliniarneq immikkut ittoq maannakkut ingerlallualeruttorpoq, nalunaarutillu qiimmaallannartut arlallit suliniaqqissaarnermut ikiorti-pionerinullu amerlasuunut oqaluussiffinni sulisunut tunngasut tigoreerpavut. Tamannalu ilutigalugu septemberimi nalunaarusiat tamaasa suliaralugit ulapputigisimavavut, angusimasassinnillu nalunaarfigisinnaagassi nuannaarutigaarput. Nalunaarusiaq ima isikkoqarpoq:

Oqal. Atuakk. Broch. Nal.ak. Pisart. Atuag. Pulaaqq. Atuaqq.

Sep. 121 350 228 3199 48 5081 1239 96

Agg. 12,7 15,3 5,5 0,6

Nalunaarusiaq qiimmaallannartoq. Siorna septemberip qaammataanut naleqqiullugu arlalitsigut siuariaateqarsimavoq. Nalunaaquttap-akunneri oqaluussisartut oqaluussinermut atorsimasaat agguaqatigiissillugit 12,7-iupput, tassa 27 procentinik amerleriarlutik. Bibelimillu atuaqqissaaqatigiinnerit 35 procentinik amerlanerupput. Nuanneqaaq!

Piffissaq inuuffigisarput pissanganartuuvoq. Silarsuarmi pisut erseqqissumik takutippaat naggatissaq naangajalersoq. Eqqunngitsumik upperisarsiorneq naalakkersuinermut tunngasunut akuliusimangaarpoq silarsuarmilu ajornartorsiutinut pisuugajulluni. Eqqunngitsumik upperisarsiorneq inuit tuppallersaatissarsiffigisinnaanagulu qiimmassaatigisinnaanngilaat. Naalli ’inuiaqatigiit qussalallutillu ernumangaaraluartut, imarlu mallillu ittuttorsuanngormata’ ’inuillu ersinermit tumanngugaluartut’, uagut kristumiuusugut isumalluarpugut toqqissisimalluinnarlutalu. Silarsuarmi pissutsit uatsinnut allatut sunniuttarput. Tamakku pissutigalugit ’aarlorluta niaquvut makitsippavut’, aap, nutaamik pissatsissutisarpavut, nalunnginnatsigu ’[aniguisinneqarfissarput] qanillisoq’. (Lúk. 21:25-28) Inussiaq aalajaallunilu silatooq aqqutigalugu ilikkakkavut kajumississutigisariaqarpavut oqaluussisartutut pilluartutut qiimasulluta Jehovap siunertaanik nuaningaartunik tusagassap sumiluunniit saqqummiunnissaanut. Ilalu inuiaat Guutip naalagaaffianik atorfissaqartitsissusiat. Immikkut pisinnaatitaaffissuuvoq oqaluussisartunngortitatut Kristus sinnerlugu ima oqaaqqissaarisinnaagatta: ’Guutimut saammaannarteqqugitsi.’ (2 Kor. 5;20) Taamaattumik periarfissat tamaasa atorluarlugit nalunaarutiginiartigu Guutip neriorsuutai tuppalliutigalugillu qiimasuutissarsiffigisimagivut, kikkullu tamaasa ikiorumatigik upperisaq tamanna naleqangaartoq peqataaffigeqqullugu.

Nuannaarutigaarput ilagalusi oqaluussissutigigatsigu „Jehovap ukiua saammaassivik ullorlu Guutitta akiniaaffia, aliasuttut tamaasa tuppallersaqqullugit“. (Jes. 61:1, 2) Asannittumik inuulluaritsi.

Qatanngutisi

Vagttårnets Bibel- og Traktatselskab

Oqaluussinermut tunngasumik ataatsimiinnermi tulliuttumi saqqummiunneqassaaq.