Kalaallit nunaanni Jehovap Nalunaajaasuinut tamanut
Asasavut qatanngutivut!
Moses ilumoortumik Tussiaat 90:10-mi allassimavoq: „Ukiut ingerlalertoqaat, timmisugut soorlu.“ Piffissaq sivikippallaartutut misiginarpoq. Ingammik Jehovap kiffai ilumoortut taama misigipput kiffartuussineq illernartoq ulapissutigigamikku. Aamma novemberimik nalunaarusiassi ilissinnut nalunaarutiginissaanut piffissanngoreerpoq. Ima isikkoqarpoq:
Oqal. Atuakk. Broch. Nal.ak. Pisart. Atuag. Pulaaqq. Atuaqq.
Nov. 116 173 174 3200 19 2706 1362 114
Agg. 12,0 11,7 5,8 0,6
Aamma qaammat tamanna eqqarsaatigalugu nuannaarutigisassaqaqaaq. Tassami tamassi ilungersornersi nikallujuissusersilu takullugit kajumissinaqaaq uppernikkullu nakussatsinnarluni. 1989-imi novemberimut naleqqiussagaanni nalunaaquttap-akunneri atorneqarsimasut, atuakkat agguaanneqarsimasut, pulaaqqiinerit Bibelimillu atuaqqissaaqatigiinnerit amerlanerupput. Nalunaaquttap-akunneri oqaluussisartut agguaqatigiissillugit angusimasaat 12-iupput, siornamut naleqqiullugu 14 procentinik amerliarsimallutik, Bibelimillu atuaqqissaaqatigiinnerit 114-t aqunneqarsimapput, 19 procentinik amerlanerullutik. Ilimanarluinnarpoq siumukarnissamik periarfissat amerlaqisut; nakkutilliisorlu angalasartoq, qatanngut Kent Stitz, allaat Bibelimik atuaqqissaaqateqartarneq pillugu Peqatigiiffik ima nalunaarfigaa: „Manna tikillugu misigisarput tassaannaagunarpoq ilulissap nuua.“ Pissanganarpoq!
Qatanngut Stitzip aamma erseqqissarpaa qatanngutit kalaallit inuit oqaluussiffigisat immikkut atassuteqarfigilluartaraat. Taamaannera pissusissamisoorpoq: Oqaaseqatigiipput, kulturikkut tunuliaqutaqatigiipput pulaarfigisallu eqqarsariaasia ilisimallugu. Qatanngutilli qallunaat Bibelimik atuaqqissaaqateqartarnermi angusaqarnerulernissaannut oqaluussisartunit kalaallinit aamma ikiorneqarsinnaapput. Qanoq ilillutik? Qanimut suleqatigiinnikkut. Oqaluussisartoq kalaaleq suleqatigigaanni oqaluussisartoq qallunaaq kalaallisut ilikkarniarnerunissaminut kajumissisinneqassaaq, kalaallisullu sungiusarnissaminut periarfissaqarnerussalluni. Qatanngutip kalaallip aammattaaq ikiorsinnaavaa kalaallit eqqarsariaasiisa isummeriaasiisalu paasinerunissaannut. Pulaarsimanerup kingorna ikioqatigiillutik misissorsinnaavaat oqaloqatigiissutigalugu qanoq tusagassaq ajunnginnerusumik saqqummiunneqarsinnaasimagaluartoq.
Oqaluussisartulli kalaallit aamma suleqatigiinneq iluaqutigaat. Ukiuni kingullerni kalaallit amerlasuut sallusuissut ilikkarpaat, tamannalu tamatta kajumissisinneqarluta nuannaarutigaarput. Oqaluussisartunngorlaat taakkua qatanngutit qallunaat ilinniarfigisinnaaqaat. Rigets Tjeneste-mi novemberimi allaat allassimavoq: „Oqaluussisartunngorlaat akuttunngitsumik oqaluussisarnermi namminneq ikiorneqarnissaq pisariaqartippaat. . . . Bibelip atornissaanut pikkorissineq piffissap ingerlanerani oqaluussinermi misigisimasaqarnikkut immineerluni ineriartorneq ajorpoq.“ Oqaluussisartut qallunaat amerlasuut misilittagallit tunuliaqutillillu qatanngutit kalaallit ikiorsinnaallugit, annertoqusersinnaallugit ilinniartissinnaavaat. — 1 Tim. 6:11, 12; Tuss. 133:1-3.
Rigets Tjeneste-mi qaammatip neqeroorutigisassaa eqqarsaatigalugu erseqqissarniarparput tamatigut, periarfissat naapertorlugit, atuakkat atuagaaqqallu kalaallisuut atortariaqarisi. Assersuutigalugu, januarimi februarimilu neqeroorutigisassat tassaassapput atuakkat nutaanngitsut marluk 2,50 kroninik akillit. Atuakkat taakku qallunaatuuinnaappata, atuakkat kalaallisuunngortitat ’minnerusut’ atorneqarsinnaassapput, aamma naak taakku 2,50 kroninit akisuunerugaluartut. Taamaappat neqeroorutigisassap akia akisuunerulaarpoq akikinnerulaarluniluunniit.
Nuannaarutigaarput eqqarsaatinik tamakkuninnga nalunaarfigalusi. Qularissanngilarsi ilissinnik suleqatiginninneq pingaartikkipput kiffartuussinersilu aalajaatsoq akuerilluinnaripput. — 1 Tás. 4:1.
Qatanngutisi
Vagttårnets Bibel- og Traktatselskab
Oqaluussinermut tunngasumik ataatsimiinnermi tulliuttumi saqqummiunneqassaaq.