Biibilimik atuaqqissaaqateqarnissat neqeroorutigisarpiuk?
1 Ilarpassuavut toqqaannartumik inunnut saaffiginnillutik Biibilimik atuaqqiissaaqatigiinnissamik neqeroornermikkut iluatsitsisarsimapput. Angut arlalerliarluni atuagassianik piumasimanngitsoq oqaluussisartup Biibilimik atuaqqissaaqatiserimmani ima akisimavoq: „Qangarsuarli Biibili atuaqqissaarusuttarsimavara.“ Atuaqqissaaqatigisalerpaa, ilaqutariillu tamarmik erniinnaq siumukalerput.
2 Biibilimik atuaqqissaaqateqalerniarnissarput tamatta eqqumaffigisariaqarparput. Soqutiginnittut siumukarsinnaaqqullugit Kristusimullu ajoqersuganngorsinnaaqqullugit ilinniartinneqartariaqarput. (Mat. 28:19, 20) Pulaagaq qanoq ililluni Biibili Guutillu neriorsuutai pillugit ilikkagaqarnerusinnaasoq ilitsersuutiinnarlugu Biibilimik atuaqqissaaqatigineqalersinnaasarpoq. Assersuutigalugu, oqaluussisartut ilarpassui oqartarput naqitigaaqqat ikiortigalugit atuaqqissaaqatitaarnissaq ajornanngitsuarsuusinnaasoq.
3 Biibilimik atuaqqissaaqatitaarnissaq ajornanngitsikkutsigu oqaluussisartut allat oqaluussiartoqatigisinnaavavut aamma taakku atuaqqissaaqatitaarniassammata. Imaluunniit atuaqqissaaqatitta ilaat ilagiinniittut ilaannut tunniussinnaavavut. Atuaqqissaaqatitaarusukkuit illumiit illumut oqaluussininni naapitatit tamatuminnga neqeroorfigisarniakkit. Oqaluussisartup arnaq inuusuttoq soqutiginnippaluppallaanngitsoq pulaaqqissimavaa. Taamaakkalluartoq Biibilimik atuaqqissaaqatiginissaanik neqeroorfigimmani akuersivoq. Maanna arnaq inuusuttoq taanna kuisereersimalerpoq, aammalu qatanngutaa uialu ataatsimiigiartarput. — Gal. 6:6.
4 Atuaqqissaaqatigisartakkavut tamakkeratik ingerlaannartarput. Atuaqqissaaqatigineqartartullu tamakkeratik sallusuissummut isertarput. Ilaalli nalunaajaasunngortarput. Atuaqqissaaqatitaartornerujartortillutali inunnik allanik Jehovamik unnersiutiginnilernissaannut ikiuinissarput ilimanaateqarnerujartussaaq. (km 92/7 Tilbyder du studier?)