Isuma peqqissoq malillugu inuugit
1 Silarsuarmi assut guutiitsumik uatsinnik sunniiniartumi inuuvugut. Silarsuarmi tamatumani najoqqutassat ajorsiartuinnarput. (2 Tim. 3:3) Kristumiutut eqqortut aalajangiusimasariaqarpavut paasilluinnarlugulu sooq taamaaliortuartariaqartugut. Sumili siunnersorneqarlutalu unnersuunneqarsinnaavugut? Najoqqutassat suut malittariaqarpavut? „Isuma peqqissoq malillugu inuugit“ tassa ukiumi kiffartorfiusumi 1993-imi ullormi immikkut ataatsimeersuarfimmi qulequtassaq kajumissinartoq. — Tit. 2:12, (NV).
2 Oqalugiaatit, takutitsinerit misigisalikkersaarutillu ikiortigalugit ilinniarsinnaassavarput guutiitsussutsimut kissaatinullu silamiorpaluttunut qanoq ililluta naaggaarsinnaanissarput. Takussavarputtaaq qanoq ililluni ajornanngitsoq pissutsit aaqqissuussaaneranni ajortumi isuma peqqissoq malillugu inuusoqarsinnaasoq. Aammalu takutinneqassaagut aaqqissuussat suut isumatsinnik sernissuiniarnitsinni iluaqutigisinnaagivut. (1 Pîtr. 4:7) Ualikkut oqalugiaatit apersuinerillu ingammik angajoqqaanut inuusuttunullu sammitinneqassapput. Tassani erseqqissarneqassaaq qanoq pingaaruteqartigisoq Guutimeersumik ilisimassuteqalernissaq misilittagaqalernissarlu aammalu teokratii tunngavigalugu siunissaq pilluarnartoq anguniarlugu suleqatigiinnissaq.
3 Silarsuarmi guutiitsumiippugut, Guutilli oqaasiani sumut ingerlanissatsinnik ilitsersuunneqarpugut. Oqalugiaammi „Silarsuarmi nuannaassuseqanngitsumi pilluaqqusaanitit pingaartikkit“-mi erseqqissarneqassaaq Biibilimi unnersuussutinik maleruaanerput qanoq iluaqutigigipput. Aalajangiusimatigu najuunnissarput, tusarnaaqqissaarnissarput unnersuussutinillu maleruaanissarput. Taamaaliorutta Jehovamut kiffartornitsinni pitsaanerusumik naammassisaqassaagut. — Fil. 3:15, 16. (km 92/8 Lev efter et sundt sind)