Atuagassiani soqutiginartorsiortarit
1 Qanoq iliorsinnaavugut inuit Napasuliaq Alapernaarsuiffik-mik Iteritsi!-millu atuartalersinniarlugit? Atuagassiat neqeroorutigigaangatsigik soqutiginnilersitsisinnaasunik takutitsisinnaasariaqarpugut. Inuit oqaluussiffigisartakkatsinniittut ilisarisimallualersimagutsigik atuagassiallu atuaraangatsigik eqqarsaatigisarlugit taakku soqutigisaannik nassaarniartarsinnaavugut.
2 Sumiiffiit ilaanni inuit assigiimmik tunuliaqutaqartarput, taamaattumillu nalinginnaasumik soqutigineqartut nassaariuminarsinnaasarlutik. Sumiiffiilli ilaanni inuit assigiinngiiaartorujussuarnik tunuliaqutaqartut naapitassaasarput. Soqutiginartut assigiinngitsut aalajangiunniartarutsigik naapitatsinnut ataasiakkaanut naleqquttut atortarsinnaavavut.
3 Atuagassianik nutaanik pereersimagaluaraangattaluunniit nutaanngitsut atorsinnaavavut. Qatanngutit arlallit oqaluttuarsimapput Napasuliaq Alapernaarsuiffik-up normui pingasut ataatsikkut pulaakkaminnut takutillugit nammineq toqqaasittarsimallugit.
4 Atuagassiani soqutiginartut tamatigut innersuussutigisarutsigik pulaakkavut atuagassianik atuartalersissinnaavavut taamaalillutalu ilaat inuunerup aqqusernatigoornissaannik ikiulersinnaallugit. (Mat. 7:14) Siunnersuutit tamakku ilungersorluta maleruarniarsarigutsigik Jehovap pilluaqqungaassavaatigut. (kmD Find interessante punkter i bladene)