Ukiumi kiffarsuusiffissammi nutaami suna anguniassavarput?
1 Ukiup kiffartuussiffiup nutaassap septembarip aallaqqaataani aallartittussami Jehovamut kiffartortugut tamatta ataasiakkaarluta peqatigiiffittullu suna anguniarnerlugu qulakkeertariaqarparput.
2 Anersaakkut ineriartortuarit: Qanittukkut sallusuissut ilikkarsimagutsigu, uppernitta nakussatsinnissaa anguniartariaqarparput. (Epr. 6:1-3) Anersakkut nukittooreerutta, nutaat ikiuginnarnagit, aammattaarli nammineq anersaakkut peqqissuunerput eqqumaffigisariaqarparput Biibilimillu ilisarsinermik naammattumik kristumiutullu inuunermik misigisimaneq naammattoq pigilereerlugu isumaqanngisaannassaagut. Ullormut allassimaffik atuartarparput, teokratiimillu atuarfimmi Biibilimik atuaanermi malinnaavugut, atuakkamik Napasuliamillu atuaqqissaarnermut piareersartarpugut? Tamatta tamakku minnerpaamik anguniagarisariaqarpavut. Anersaakkut ineriartortuartariaqarpugut pissutsit ajortut piiagaanissaat aniguiffigissagutsigu Guutillu silarsuassaanut nutaamut isissagutta. — Naleqqiuguk Filípimiut 3:12-16.
3 Anersaakkut minguittuarit: Jehovamut iluarisaajuassagutta ’uinngup anersaallu mingui tamaasa’ peertariaqarpavut. (2 Kor. 7:1) Minguiareerutta, sooq silarsuarmi ajortumi nutaanngitsumi ’attakorsuit maralluinut niuaakkusussaagut’? (Naleqqiuguk 2 Pîtruse 2:22.) Anersaakkut nukittuujuarnissaq minguittuujuarnissarlu aalajangiusimalluinnartariaqarparput. Taava Satanip pilersaarusiai ajortut arajutsisanngilavut peqqusersiorfigitinnatalu, ajortimullu nakkarnata Jehovamut iluarisaajuassaagut. — 2 Kor. 2:11.
4 Siunnersuutit silatuut ilassikkit: Ussatit 15:22-mi ima allassimavoq: „Amerlasuunik siunersuisoqarsimagaangat [pilarsaarutit] iluatsittarput.“ Eqqaamajulli Salomon oqaatsinik taakkuninnga allattoq, kingusinnerusukkut ’nuliaasa uummataa guutinut allanut saatsimmassuk’ akueriinnarsimagaa allamiunit nuliartoqannginissaanik Guutip maleruaqqusaa sumiginnaramiuk. (1 Kunng. 11:1-4) Nammineq siunnersuutinik silatuunik sumiginnaagutta Jehovap kiffaatut atorsinnaanissarput allanullu maligaassalluarnissarput naatsorsuutigisinnaanngilarput. (1 Tim. 4:15) Biibilip unnersuusssutaasa uummatitsinnik sissuernissatsinnut ikiussavaatigut. (Uss. 4:23) Jehovap asasaanik asanninnerput, uumigisaanillu uumiginninerput, unnersuusutaanillu ujarlertuarnerput iluarisaanillu iliortuarnerput illersuutigingaassavarput. — Uss. 8:13; Juán. 8:29; Epr. 1:9.
5 Eqqarsaatigeqqaarnagu, silarsuarmi kristumiuunerartut Guutimut tunniussimanerartut, Jehovamut kiffartunngilagut. Oqaluussisartutut suliniuteqartuuvugut anersaakkut ittumik sallusuissummut Guutip oqaasianiittumut naapertuuttumik pallorfiginnilluta. — Juán. 4:23, 24.
6 Guutip piumasaanik iliorusunnitsinnut aalajangersimanerput ullut tamaasa misilinneqarsinnaavoq. Nakussatsissutigisinnaavarpulli ’silarsuarmi qatanngutigisavut’ taamatut misilinneqartartut Jehovallu nakussatsikkumaaraatigut nalunnginnatsigu. (1 Pîtr. 5:9, 10) Tamatumalu ukiumi kiffartuussiffiusussami 1994-imi kiffartuussisinnaatissavaatigut. — 2 Tim. 4:5. (kmD 9/93 Hvad vil vi udrette . . .?)