Oktobari ilinnut immikkut ittuussava?
1 Eqqaamaviuk apriilimi immikkut suliniuteqaratta nuannaarneq angorniornerlu misigisimasavut? Suliassaqarsimavugut naammassisimallugulu ikioqatigiilluta. Peqataasinnaagatta immikkut pisinnaatitaaffioqaaq.
2 Aamma oktobarimi immikkut suliniuteqarnissaq pilersaarutigaarput, taamaattumik qatanngutivut ilagalugit oqaluussineq ulapputigissallugu nuannaarutigisinnaavarput. Unali apeqqutaavoq: Ilinnut oktobari qanoq ittuussava? Illit suliniuteqarnissaq anersaakkut pissarsiffigilluassaviuk?
3 Arlallit ikiorti-pionerisut piumallutik nalunaareersimapput, eqqarsaatigeqqissaarukkulu isumaqaruit sapissanagu, piumallutit nalunaarnissat suli kingusippallaalinngilaq. Periarfissaqaruit atorluarlugulu qulakkeersinnaavat nammineq, ilaquttavit ilagiillu tamaasa iluaqutigissagissi.
4 Pioneriusinnaanngikkaluaruttaluunniit oktobari immikkut ittunngortissinnaavarput — oqaluussinermi peqataanerugutta. Suliassaqaqaagummi. Ikiorti-pionerit pionerillu oqaluussiartoqateqarumasarput. Oqaluussisartunngorlaat misilittagakitsullu aamma ikiorneqarusupput. Ullormi immikkut oqaluussiffissami, oktobarip ulluisa aappaanni, annertuumik nalunaajaateqassaqaaq, ingammik aqqusinermi. Tamatta peqataaffigisariaqarparput. Jesusip oqaasii Lúkarse 6:38-miittut eqqarsaatigikkit: ’Tunisigitsi, taava ilississaaq tunineqassaasi. Ajunngitsumik naqissimasumik aalatikkamik qammissimasumik uuttugaq saassinnut tunniukkumaarpaat uuttuutigisassinnik uuttuiffigineqarumaarassi.’ Oktobarimi kiffartuussinermi Jehova naammangaartumik tunigutsigu qulakkeersinnaavarput taassumattaaq nuannaarnermik angorniornermillu ’uuttukkamik ajunngitsumik, naqissimasumik, aalatikkamik qammissimasumillu’ tunissagaatigut. (km 93/10 Vil oktober være . . .?)