Illit soqutiginnippit?
1 Utoqqatsissutissarsiornerit erseqqissorujussuusinnaapput, assersuutigalugu ilatsiinnartutut soqutigisaqanngitsutulluunniit pissusilersornikkut takuneqarsinnaapput. (Nal. oq. 11:4) Inuit assigiinngitsut Jesusip Guutip naalagaaffianut kiffartornermini imminik malinneqqummatik tamarmik immikkut utoqqatsissutissarsiorsimapput erseqqissumik ima nipilimmik: „Uanga soqutiginninngilanga.“ — Lúk. 9:57-62.
2 Illilli Guutip naalagaaffianut kiffartornermi suliniuteqarnerulernissamut kajumissaarummut qanoq qisuariarpit, ingammik ukiormanna immikkut oqaluussiniarnissarsuarmut atatillugu? Qisuariarnerpit suna ersersippaa?
3 Amerlasuut, ataasiakkaat ilaqutariillu, ilumoorullugu isumaliutigaat ikiorti-pioneeriusinnaanerlutik immikkullu suliniuteqarsinnaajumallutik pissutsit atukkamik allanngortiteriffiginissaannut piareersimapput. Qisuariarnerat nipituumik ersarissumillu ima nipeqarpoq: „Uagut soqutiginnippugut!“ — Fil. 4:13.
4 Imminut pisarissersulaarnissamut periarfissat isumaliutiginngikkaanni immikkullu suliniuteqarnissamut pilersaarusiunngikkaanni taava Naalagaaffimmut kiffartornermut atatillugu oqartoqarsinnaanerpa „uanga soqutiginnippunga“? Imaluunniit suna takuneqarsinnaassava immikkut oqaluussiniarnissarsuup nalaani sivikinnerusumik sivisunerusumilluunniit sulinngiffeqarnissaq pilersaarutigigaanni? — Mat. 6:33.
5 Ilumoorluni soqutigisat naleqqussarfigineqarlutillu pilliuteqarfigineqartarput. Oqaluussisartut ilungersuussisut eqiasuitsullu sallusuissummik nalunaajaarusuttut Jehovallu aqqanik qutsissisitserusuttut aatsaat taama atorfissaqartinneqartigilersimapput. Oqaluussiniarnissarsuarmi immikkut suliniuteqarnissamik kajumissaarummut qisuariarnerpit takutilliuk „illit soqutiginnittutit“. — 2 Kunng. 13:18, 19. (kmD 95/02 Er du interesseret?)