Biibililimik atuaqqissaaqateqarniarneq: Allat „periaasiat“ ilinniarfigalugit
1 Paulusip ajoqersuganngortitsiniarnermini Jehovap pilluaqqusinera misigisimavaa. Taamaattumik 1 Korintumiunut 4:17-imi allassimasut ilagiinnut Korinthimiittunut kajumissaataasimassapput. Ima allappoq: ’Tamanna pillugu Timoteusi . . . ilissinnut aallartippara, taassuma Kristusimi ’periaatsinnik’ eqqaasissagaasi.’ Timoteusip Paulusip ’periaasii’ ilisimalluarpai, taamaattumillu allanut ingerlateqqissinnaallugit. Ullumikkut aamma allat ’periaasiat’ ilinniarfigisinnaavavut.
2 Nakkutilliisut angalasartut ilagiit pulaaraangamikkik, Ilanngutassiat „Naalagaaffimmut kiffartorneq“-meersuni siunnersuutigineqartut erseqqissartarpaat namminnerlu allallu ’periaasiat’ allanut ingerlateqqittarlugit. Ukiualuit matuma siorna Ilagiinni Jyllandimiittuni nakkutilliisup pioneeri suleqatigalugu pioneerip pulaaqqittagai pingasut atuaqqissaaqatigisarnissaat allartinneqarput. Maanna taakkunani marluk kuisimapput. Ilanngullugillu ilaqutaasa atuaqqissaaqatiginissaat aallartinneqarsimavoq. Qatanngutit taakku misilittagaat atorluarsinnaavigit?
3 Ilagiinni tamangajanni oqaluussisartut amerlasuunik sallusuissummut ikiuisarsimapput. Sunaana „isertugaatigigaat“? Tamatigut akissut imaappoq: „Pilliuteqarusussuseq, immikkut soqutiginninneq asanninnerujussuarlu.“ Qatanngutip angutip arlalinnik kuisinnissaannut ikiuisimasoq oqaluttuarpoq immikkut soqutiginnittut suliartuleraangamiluunnit aqqusaalaartarsimallugit.
4 Qatanngut arnaq oqarpoq: „Takusinnaagaangatsigu sallusuissummik ilumut perusulluinnartut, tamatigut immitsinnut oqarfigisarpugut erniinnaq qatanngutigilissallutigit. Tamatta paratiisimeqatigiittussaavugut, soormi maannangaaq iliuuseqassanngilagut nuannaarsaqatigiilluta?“ Marsimi ataatsimeersuarnermi aappariit atuaqqissaaqatigisimasai nuannaarutigisaanik kuisipput.
5 Asanninneq kajumissinartuuvoq. Paulusip tamanna ersersippaa. Ataasiakkaanut tamanut ilumoorluni soqutiginnippoq. (1 Tás. 2:9) Asanninneq, oqaluussisartut angusaqarluartut periaaserisartagaasa pingaarnersaat allanut kajumissinartuuvoq, taakkua Guutip ajunngissusia pisassarinngisaraluaq iluaqutigisinnaaqqullugu. — ap. sul. 13:43. (kmD 95/7 Bibelstudiearbejdet)