Inunnut tamanut atuagaq
1 Upernaaq manna annertuumik isumalluartumillu nalunaajaanissatsinnut periarfissiorneqarpugut. Peqataarusuppit? Biibili Guutip oqaasiatut upperalutigu pingaartinnerullugu oqaluussissaagut. Marsimi, apriilimi aamma maajimi Danmarkimi immikkut pisoqaqattaassaaq qulequttamik tamatuminnga ersersitsisumik. Immikkut oqalugiaatip, Jehovap nalunaajaasuisa nazistit ataanni naalliutsitaanerat pillugu filmip pisimasuinnik imallip saqqummersinneqartup malitsigisaanillu takutitsinerit Jesusillu toquneranik eqqaaniaanerup Biibilimik upperisaqarnitsinnut tunngasut pingaarutillit erseqqissarpaat.
2 Biibili kisiat aqqutigalugu Jehova Jesus Kristusilu ilisarineqarsinnaapput inuunerlu naassaanngitsoq taamaalilluni anguneqarsinnaalluni. (Juá. 17:3, 17) Taamaattumik pingaaruteqarpoq allat kajumissaassallugit tamatuminnga ilisimalernissaannik. Tamanna siunertaralugu atuagassiaaraq Inunnut tamanut atuagaq immikkut allataavoq — aamma inuit silarsuup ilaani inuuffigisatsinniittut eqqarsaatigalugit. Oqaluussinermut tunngasumik ataatsimiinnerni sammereerlutigu neqeroorutigilluarsinnaanngorsimassavarput.
3 Tamatta immikkut qanoq iliorsinnaavugut? Tamatta atuagassiaaraq naapitatsinnut tamanut neqoroorutigisinnaavarput, oqaluussisarfiillu tamakkerniarsaralugit. Ilaquttannut uppinngitsunut neqeroorutigisimaviuk? Periarfissaqalerpoq. Atuagassiaaraq uppernitta tunngaviinik pingaarutilinnik oqaaseqarpoq. Biibili Guutip inunnut oqariartuutigaa kristumiutullu inuunitsinni tunngaviulluni. (2 Tim. 3:16, 17) Inuit tuusintilippassuit paasissutissanik, uppernermik, neriunnermik inuunerullu siunertaanik tunisimavai. — Tus. 119:105.
4 Tamanut kajumissaarut: Apriilimi maajimilu angallatit tamanit atorneqartartut atussagaanni taava atuagassiaaraq tigoriarlugu atuarneqarsinnaavoq, taamaalilluni tamanit ilisimaneqalerluni. Aamma suliffimmi ulloqeqqarnermi, atuarfimmi, nakorsiarluni utaqqisarfinni, aap, sukkulluunniit sumi tamaani angalanermi taamaaliortoqarsinnaavoq. Aamma angerlarsimaffimmi arlalinnik saqqumisitsisoqarsinnaavoq. Atuagassiaaqqat suunersut apeqqutigineqarsinnaavoq — immaqa taava nuannivissumik oqaloqatigiittoqarsinnaavoq. Ilaatigut naleqqussinnaavoq nammineerluta oqaloqatigiinneq aallartikkutsigu. Tamatigut atuagassiaaqqanik nassataqartarutta pitsaassaaq.
5 Tamatuma saniatigut atuagassiaaraq tamanut oqaluussinitsinni atorneqassaaq. Toqqaannartumik aamma/imaluunniit atuagassianut nutaanut ilanngullugit tunniunneqarsinnaavoq. Angerlarsimanngitsunili allakkanut nakkartitsivimmut nakkartiinnarneqassanngilaq. Pulaaqqiinerni atuaqqissaaqatigisartakkanullu neqeroorutiginissaa eqqaamajuk. Naalagaaffimmut Kiffartorneq-mi apriilimoortumi qanoq iliussanersugut siunnersuuteqarumaarpoq.
6 Anguniagassaq: Ilagiinni oqaluussisartut tamarmik upernaap qaammataani tamani tallimat qulillu akornanni ikiorti-pioneerillu pioneerillu tamarmik qaammammut 30-40-t akornanni agguaassisinnaagunik, annertungaartumik nalunaajaataasinnaassaaq. Jehovap kristumiutut nalunaajaasuisut, Biibili — Jehovap oqaasia, naassaanngitsumut atasussaq — tunngavigalugu inuusutut, uppertutut neriuttutullu ilisimaneqalissutigissavarput. — 1 Pît. 1:25.