Nalunaarutit

◼ Kalaallisut neqeroorutissat: Septembari: Ilisarsineq inuunermut naassaanngitsumut sammisoq. Oktobari: Napasuliaq Alapernaarsuiffik aamma Iteritsi! Novembari: Ilisarsineq inuunermut naassaanngitsumut sammisoq. Decembari: Ilisarsineq inuunermut naassaanngitsumut sammisoq aamma Ny Verden-Oversættelsen af De Hellige Skrifter.

◼ Septembarip aallaqqaataani imaluunniit ullup tamatuma kingorna piaarnerpaamik ilagiit naatsorsuutaat nakkutilliisumit siulittaasumit imaluunniit taassumannga toqqakkamit kukkunersiorneqassapput. Kukkunersiorneqareerpata ilagiit tamatuminnga nalunaarfigineqassapput.

◼ Utoqqaanertaqatigiit tamarmik eqqaasinneqarput Napasuliaq Alapernaarsuiffik 1. oktobari 1991-imoortumi quppernerni 17-19-mi ilaasortaajunnaarsitat imaluuunniit tunuarsimasut pillugit innersuussutit maleruassagaat.

◼ Ilagiinnut attaveqartut tamarmik Napasuliaq Alapernaarsuiffik-mik aamma Iteritsi!-mik aalajangersimasumik pisartagartaartut pisartagaqaqqilersullu ilagiit aqqutigitissavaat.

◼ Peqatigiiffiup oqaluussisartut ataasiakkaat inniminniineri tiguneq ajorpai. Qaammatit tamaasa inniminniilluni allagartaq Tysklandimut nassiutinnginnerani nakkutilliisup siulittaasup nalunaarutigineqarnissaa isumagisariaqarpaa, taamaalilluni inniminniiniartut tamarmik atuagassianik isumaginnittumut saaffiginninniassammata. Maluginiarsiuk atugassat suut immikkut inniminnigassaanersut.

◼ Oqaluussisartut oktobarimi ikiorti-pioneeriunissamik pilersaaruteqartut piaarnerpaamik qinnuteqaatertik tunniuttariaqarpaat ilagiinni utoqqaanertat atuagassianik, atuakkanik oqaluussisarfinnillu isumaginninniassammata.

◼ Nakkutilliisumut siulittaasumut: Qatanngut ilagiissinnut attaveqartoq napparsimmavimmut ilagiit allat oqaluussisarfianiittumut unippat, pulaartoqarusuppallu, ilissi tamanna isumagisassaraarsi. Pulaartartunik aaqqissuussisimavugut, napparsimmaviillu annerusut tamarmik immikkut qatanngummik angummik ataatsimik pulaartartoqarput. Napparsimmavimmut pineqartumut kina pulaartartuunersoq paasiniarlugu Peqatigiiffik imaluunniit qatanngutit Napparsimmavinnut Attaveqartitat-niittut oqarasuaatikkut attavigisinnaavasi.