Nalunaarutit

◼ Neqeroorutissat kalaallisuut: 3Decembari: Inuk inuit inuusimasut pingaarnerpaartaat. Januaari: Atuakkat pisoqaanerusut, ilaatigut erĸigsineĸ isumangnáissuserdlo piviussut — ĸanoĸ pilersíneĸásápat? imaluunniit Pâratîsimi nuname nâgssáungitsumik inûsínauvutit. Februaari: Ilaqutariittut pilluarneq isertugaateqarpoq. Marsi: Ilisarsineq inuunermut naassaanngitsumut sammisoq. Biibilimik atuaqqissaaqatitaarnissamik anguniagaqarnissaq pingaartiguk.

◼ Ilagiit naatsorsuutaat 1. decembarimi kukkunersiorneqassapput, imaluunniit ulloq taanna qaangerpallaartinnagu, ilagiinni nakkutilliisut siulittaasuannit imaluunniit taassuma qinigaanik. Naammassineqarpata ilagiit ilisimatinneqassapput.

◼ Ukiumi 2000-imi eqqaaniaalluni nalliuttorsiorneq pingasunngornermi 19. apriili seqernup tarrereernerani pissaaq. Maanna ulloq nalunaarutigineqareerpoq ilagiit arlallit naalagaaffilersaarfik ataaseq katukkunikku eqqaaniaaffissaminnik inniminneereersinnaaqqullugit. Inersuarmik attartortoqassappat utoqqaanertat attartuisullu ersarissumik isumaqatigiittariaqarput illup iluani inini allaniittunit ulloq taanna ajoqusersuisoqannginnissaa qulakkeerniarlugu eqqaaniaalluni nalliuttorsiorneq eqqissisimasumik qinngaqqunnanngitsumillu ingerlanneqarsinnaaqqullugu. Eqqaaniaalluni nalliuttorsiorneq pingaartuummat utoqqaanertaqatigiit qatanngummik angummik piukkunnaateqarluartumik oqalugiartussamik qinersisariaqarput. Utoqqaanertat paarlakaajaatiinnassanngillat ukiullu tamaasa qatanngut aalajangersimasoq qinertarnagu. Tamannali maleruarneqartariaqanngilaq tanitamik utoqqaanertamik piginnaanilimmik oqalugiartussaqarpat.

◼ Januaarimi weekenditit tallimaapput taamaattumillu qaammat ikiorti-pioneriunissamut naleqqulluarpoq.

◼ Ilagiit ataatsimiittarneri tamaallaat ukiumut ataasiarluni allanngortinneqarsinnaapput, tassa 1. januaarimi. Taamaattumik ilagiit tamarmik eqqarsaatigisariaqarpaat aappaagu ataatsimiittarnerit qaqugukkut pisassanersut. Allannguutit kingulliit allattorsimaffitsinni pigisinnaaqqullugit allatsi qinnuigissavarput allagartaq „Ændring af mødetidspunkter“ („Ataatsimiinnernut piffissat allannguutaat“) allannguisoqarpat allannguisoqanngippalluunniit kingusinnerpaamik 6. januaari 1999 nassiuteqqullugu!